រាជធានីភ្នំបេញ ៖ ឃើញហើយពិតជាគួរឱ្យសង្វេគណាស់ បុរសពិការដៃទាំងសងម្នាក់ បានធ្វើការប្រកាសរកក្តីអាណិតអាសូរពីសំណាក់សប្បុរសជន ដើម្បីធ្វើការសង្គ្រោះប្រពន្ធរបស់គាត់ដែលកំពុងសម្រាកព្យាបាលជំងឺនៅមន្ទីរពេទ្យ ។
បុរសខាងលើនេះមានឈ្មោះ ធីម ប៉ោលី ដែលជាជនពិការដៃទាំងសងខាង ហើយកាលពីពេលថ្មីៗកន្លងទៅនេះ លោកបានធ្វើការអំពាវនាវតាមរយៈគណនីហ្វេសប៊ុករបស់លោកដែលមានឈ្មោះថា Por Ly ក្នុងគោលបំណងស្វែងក្តីអាណិតអាសូរពីសំណាក់សប្បុរជន ដើម្បីធ្វើការព្យាបាលប្រពន្ធរបស់គាត់ដែលកំពុងតែមានជំងឺ ហើយត្រូវការវះកាត់ឆ្អឹងច្រមុះជាបន្ទាន់ ។
ដោយឡែកប្អូនប្រុស តាំង គឹមឡេង ដែលគេគ្រប់គ្នាស្គាល់តាមរយៈការងារមនុស្សធម៌ក្នុងសង្គម ក៏បានបង្ហោះសារចាក់ដោតមួយដោយសរសេរថា «មានបងៗណាដណ្តើមគ្នាជួយគាត់បានទេ គាត់ពិការដៃទាំងសងខាង ជាពិសេសស្រឡាញ់ប្រពន្ធរបស់ខ្លួនចង់ព្យាបាលឱ្យឆាប់ជាសះស្បើយ តែលទ្ធភាពពុំមានគ្រប់គ្រាន់» ។
នៅក្នុងថ្ងៃនេះផងដែរ គឺថ្ងៃទី២២ ខែវិច្ឆិកានេះ មានបងប្អូនអ្នកម៉ូតូឌុប និងម៉ូតូកង់បីនៅមុខមន្ទីរពេទ្យព្រះអង្គឌួង ក៏ដូចជាក្រុមគ្រូពេទ្យនៅក្នុងមន្ទីរពេទ្យព្រះអង្គឌួងជាច្រើននាក់ បានធ្វើការរ៉ៃលុយគ្នាដើម្បីជួយសម្រាលថ្លៃការចំណាយរបស់បុរសពិការនេះផងដែរ ។
ចែករំលែកព័តមាននេះ