រាជធានីភ្នំពេញ ៖ លោក នុត ពុធដារ៉ា អភិបាលខណ្ឌដង្កោ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌ បាននាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា
រាជធានីភ្នំពេញ ៖ លោក នុត ពុធដារ៉ា អភិបាលខណ្ឌដង្កោ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌ បាននាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទៅចែកជូនប្រជាពលរដ្ឋ៣៤គ្រួសារ នៅសង្កាត់ព្រៃវែង ខណ្ឌដង្កោ កាលពីវេលាព្រឹកថ្ងៃទី៥ ខែមិថុនា ឆ្នាំ២០១៥ ។
លោកអភិបាលខណ្ឌបានមានប្រសាសន៍ថា ប្រជាពលរដ្ឋទាំង៣៤គ្រួសារនេះរស់នៅក្នុងសង្កាត់ព្រៃវែង ដោយក្នុងនោះ គ្រួសារក្រីក្រចំនួន២៣គ្រួសារ និងគ្រួសារផ្ទុកមេរោគអេដស៍ចំនួន១១គ្រួសារ ។លោកក៏បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប្រធានកាកបាទក្រហម ជូនប្រជាពលរដ្ឋក្រីក្រ និងអ្នកផ្ទុកមេរោគអេដស៍ទាំង៣៤គ្រួសារ និងបានលើកឡើងអំពីការយកចិត្តទុកដាក់របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដល់ប្រជាពលរដ្ឋទាំងអស់នៅក្នុងមូលដ្ឋាន និងទូទាំងប្រទេស ដែលជានិច្ចកាលសម្តេចទាំងពីរតែងបានគិតគូរ និងយកចិត្តទុកដាក់ដល់ការលំបាករបស់ប្រជាពលរដ្ឋទាំងអស់ ជាពិសេសប្រជាពលរដ្ឋដែលជួបការលំបាក អ្នកផ្ទុកមេរោគអេដស៍ ទុរគតជន កុមារកំព្រា និងអ្នកជួបគ្រោះមហន្តរាយ ដោយគ្រោះធម្មជាតិ និងអគ្គិភ័យ ជាដើម ។
លោកលោកអភិបាលខណ្ឌ បានណែនាំឲ្យពលរដ្ឋដែលមកទទួលអំណោយនាថ្ងៃនេះ ឲ្យយកចិត្តទុកដាក់ថែរក្សាសុខភាព ហូបស្អាត ផឹកស្អាត រស់នៅស្អាត ហើយចំពោះបងប្អូនដែលផ្ទុកមេរោគអេដស៍ សូមទៅទទួលយកយកថ្នាំពន្យារឲ្យបានទៀងទាត់ ដើម្បីបន្តការរស់នៅបានយូរអង្វែង មើលការអភិវឌ្ឍរបស់ប្រទេសជាតិដែលកំពុងមានការរីកចម្រើនឥតឈប់ឈរជាលំដាប់ពីមួយថ្ងៃទៅមួយថ្ងៃ ។
បន្ទាប់មក លោកបានចែកអំណោយដែលត្រូវចែកជូន ក្នុង១គ្រួសារទទួលបាន អង្ករ២៥គីឡូក្រាម មី១កេស ត្រីខ១០កំប៉ុង ឃីត១កញ្ចប់ (មុង១ សារុង១ ក្រមា១ ភួយ១) និងប្រាក់៤ម៉ឺនរៀល ៕
ចែករំលែកព័តមាននេះ