រាជធានីភ្នំពេញ ៖ បុរសជាកម្មករសំណង់ម្នាក់ត្រូវបានកម្មករសំណងរួមការងារជាមួយគ្នាប្រទះឃើញដេកស្លាប់នៅលើគ្រែក្នុងមុង សង្ស័យគាំងបេះដូង បង្កឲ្យមានការភ្ញាក់ផ្អើលឡើង កាលពីវេលាម៉ោង ៦និង៤០នាទីព្រឹក ថ្ងៃទី០៥ មិថុនា ២០១៥ នៅក្នុងសំណង់ផ្ទះល្វែងមួយកន្លែងស្ថិតក្នុងបូរីឆាយណាថោន ភូមិព្រៃព្រីខាងជើង សង្កាត់ចោមចៅ ខណ្ឌពោធិ៍សែនជ័យ ។
បុរសរងគ្រោះឈ្មោះ លី ធី អាយុ៤៣ឆ្នាំ មានស្រុកកំណើតនៅក្នុងភូមិគីឡូបី ឃុំព្រែកកក់ ស្រុកស្ទឹងត្រង់ ខេត្តកំពង់ចាម មានប្រពន្ធ និងកូនស្រីម្នាក់ ស្នាក់នៅសង្កាត់ជ្រោយចង្វារ ខណ្ឌជ្រោយចង្វារ តែជនរងគ្រោះបានមកស្នាក់នៅភ្នំពេញធ្វើជាកម្មករសំណង់មានរយៈពេលជាង២ឆ្នាំមកហើយ។
តាមប្រភពព័ត៌មានបានឲ្យដឹងថា នៅមុនពេលកើតហេតុ វេលាយប់ថ្ងៃទី០៤ មិថុនា បន្ទាប់ពីហូបបាយល្ងាចរួច ជនរងគ្រោះបានចូលគេងតែម្នាក់ឯងនៅត្រង់ចំណុចកើតហេតុខាងលើនោះ ក្រោយមកមិនមាននរណាម្នាក់បានដឹងថា ជនរងគ្រោះនេះមានរឿងអីកើតឡើងនោះឡើយ ។
លុះព្រឹកឡើង មិនឃើញគាត់ក្រោកពីដំណេកមានយុវជនម្នាក់ដែលជាកម្មករសំណង់រួមការងារជាមួយគ្នាបានចូលទៅដាស់ឲ្យក្រោកធ្វើការស្រាប់តែឃើញគាត់ស្លាប់បាត់ទៅហើយ៕
ចែករំលែកព័តមាននេះ