រាជធានីភ្នំពេញ ៖ កម្លាំងនគរបាលផ្នែកប្រឆាំងគ្រឿងញៀនខណ្ឌដង្កោ សហការជាមួយនគរបាលប៉ុស្ដិ៍ដង្កោ ខណៈចុះល្បាតក្នុងមូលដ្ឋាន ប្រទះឃើញបុរស៣នាក់ជិះម៉ូតូឌុបគ្នាគួរឲ្យសង្ស័យ ក៏បានឃាត់ឱ្យឈប់ដើម្បីសាកសួរ និងត្រួតពិនិត្យ ។ ប៉ុន្តែគ្រាន់តែឈប់ភ្លាម…
រាជធានីភ្នំពេញ ៖ កម្លាំងនគរបាលផ្នែកប្រឆាំងគ្រឿងញៀនខណ្ឌដង្កោ សហការជាមួយនគរបាលប៉ុស្ដិ៍ដង្កោ ខណៈចុះល្បាតក្នុងមូលដ្ឋាន ប្រទះឃើញបុរស៣នាក់ជិះម៉ូតូឌុបគ្នាគួរឲ្យសង្ស័យ ក៏បានឃាត់ឱ្យឈប់ដើម្បីសាកសួរ និងត្រួតពិនិត្យ ។ ប៉ុន្តែគ្រាន់តែឈប់ភ្លាម ជន
សង្ស័យម្នាក់បានលោតចុះពីម៉ូតូរត់គេចខ្លួនបាត់ នៅសល់២នាក់រត់អត់ទាន់ ក៏ត្រូវកម្លាំងនគរបាលចាប់ជាប់ ហើយពេលឆែកឆេររកឃើញថ្នាំញៀនចំនួន៣កញ្ចប់នៅក្នុងកាបូបស្ពាយ១ រួចនាំទៅសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ។
ហេតុការណ៍នេះ កើតឡើងកាលពីថ្ងៃទី២០ខែវិច្ឆិកា ឆ្នាំ២០២០ វេលាម៉ោងប្រមាណ៣រសៀល នៅតាមផ្លូវបេតុងក្នុងភូមិតាឡី សង្កាត់ដង្កោ ខណ្ឌដង្កោ ។ ជនសង្ស័យដែលឃាត់ខ្លួនបាននេះ ម្នាក់ឈ្មោះ ធី សត្យា ភេទប្រុស អាយុ៣៣ឆ្នាំ មុខរបរមិនពិតប្រាកដ ស្នាក់នៅភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ និងម្នាក់ទៀតឈ្មោះ ផាន់ សុភ័ក្ត្រ ភេទប្រុសអាយុ២៣ឆ្នាំ ជាអ្នកបើកបររថយន្ត ស្នាក់នៅភូមិភ្នៀត សង្កាត់ស្ទឹងមានជ័យទី២ ខណ្ឌមានជ័យ ។
ជាមួយនឹងការចាប់ឃាត់ខ្លួននេះ សមត្ថកិច្ចបានដកហូតថ្នាំញៀនចំនួន៣កញ្ចប់ ម៉ូតូ១គ្រឿង កាបូបស្ពាយ១ និងកំប៉ុងស្ករគ្រាប់១ ។ ចំណែកបក្ខពួកម្នាក់ដែលកំពុងរត់គេចខ្លួនឈ្មោះ ខ្លា ភេទ
ប្រុស អាយុប្រហែល៣៦ឆ្នាំ ។
លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានឲ្យដឹងថា នារសៀលថ្ងៃនោះ ខណៈកម្លាំងនគរបានផ្នែកប្រឆាំងគ្រឿងញៀនខណ្ឌ សហការជាមួយនគរបាលប៉ុស្ដិ៍ដង្កោ ល្បាត
ដល់ភូមិតាឡី សង្កាត់ដង្កោ បានឃើញជន៣នាក់ ជិះម៉ូតូមួយគ្រឿងម៉ាកសុ៊យហ្សុ៊យគីឡែត ពណ៌ស ពាក់ផ្លាកលេខ កណ្ដាល១AF-៣៩៧៣ ។
ដោយមានការសង្ស័យ កម្លាំងសមត្ថកិច្ចបានហៅឲ្យឈប់ដើម្បីត្រួតពិនិត្យ ស្រាប់តែជនម្នាក់រត់គេចខ្លួន ទើបឃាត់ខ្លួនបក្ខពួក២នាក់ទៀតដែលប្រុងរត់គេចខ្លួនដែរ ហើយឆែកឆេររកឃើញថ្នាំញៀន៣កញ្ចប់នៅក្នុងកាបូបស្ពាយ ។
បន្ទាប់ពីឃាត់ខ្លួន ជនសង្ស័យត្រូវបាននាំទៅសាកសួរនៅអធិការដ្ឋាននគរបាលខណ្ឌ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ៕
ចែករំលែកព័តមាននេះ