ខេត្តសៀមរាប ៖ លោកវរសេនីយ៍ឯក ឆាយ ហាក់ឡុង អធិការនគរបាលស្រុកអង្គរធំបានឱ្យដឹងថា កម្លាំងនគរបាលស្រុកបានឃាត់ខ្លួនយុវជនម្នាក់ពីបទល្បួងក្មេងស្រីអាយុក្រោម១៥ឆ្នាំទៅបំពានសេពសន្ថវៈរហូតបានសម្រេច១២លើកអស់រយៈពេល២ឆ្នាំមកហើយ ទើបបែកការណ៍ដឹងដល់ក្រុមគ្រួសារក្មេងស្រីរងគ្រោះ ។ ជនសង្ស័យ…
ខេត្តសៀមរាប ៖ លោកវរសេនីយ៍ឯក ឆាយ ហាក់ឡុង អធិការនគរបាលស្រុកអង្គរធំបានឱ្យដឹងថា កម្លាំងនគរបាលស្រុកបានឃាត់ខ្លួនយុវជនម្នាក់ពីបទល្បួងក្មេងស្រីអាយុក្រោម១៥ឆ្នាំទៅបំពានសេពសន្ថវៈរហូតបានសម្រេច១២លើកអស់រយៈពេល២ឆ្នាំមកហើយ ទើបបែកការណ៍ដឹងដល់ក្រុមគ្រួសារក្មេងស្រីរងគ្រោះ ។
ជនសង្ស័យ ត្រូវបានចាប់ឃាត់ខ្លួនកាលពីថ្ងៃទី១៩ ខែវិច្ឆិកា ឆ្នាំ២០២០ នៅក្នុងអធិការដ្ឋាននគរបាលស្រុកអង្គរធំ ។ ជននេះឈ្មោះ នី នាត ហៅណយ អាយុ១៩ឆ្នាំ រស់នៅក្នុងឃុំពាក់ស្នែង ស្រុកអង្គរធំ ។ ហើយករណីខាងលើនេះ កើតឡើងតាំងពីអំឡុងឆ្នាំ២០១៨ រហូតដល់ឆ្នាំ២០២០ នៅឃុំពាក់ស្នែង ស្រុកអង្គរធំ ។
លោកអធិការបន្តទៀតថា ក្នុងរយៈពេលនេះ ជនសង្ស័យបានធ្វើសកម្មភាពចាប់បំពានសេពសន្ថវៈលើក្មេងស្រីរហូតដល់ទៅ១២ដង គឺនៅលើផ្ទះ៤ដង និងនៅក្នុងព្រៃក្រោយផ្ទះ៨ដង។ ក្រោយពីទទួលបានពាក្យបណ្ដឹងនៅថ្ងៃទី៩ ខែវិច្ឆិកា ឆ្នាំ២០២០ លោក កើត វណា្ណរ៉េត ព្រះរាជអាជ្ញាអមសាលាដំបូងខេត្ត បានអនុញ្ញាតឱ្យកម្លាំងនគរបាលបើកការស៊ើបអង្កេតបឋម ។
លុះរហូតមកដល់ថ្ងៃទី ១៨ ខែវិច្ឆិកា ឆ្នាំ២០២០ នេះ សមត្ថកិច្ចកំណត់បានមុខសញ្ញាជនសង្ស័យ និងនាំខ្លួនមកសាកសួរ ។ នៅចំពោះមុខសមត្ថកិច្ច ជនសង្ស័យសារភាពថា ខ្លួនពិតជាបានប្រព្រឹត្តដូចពាក្យបណ្ដឹងមែន និងត្រូវបានកសាងសុំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ