លោកសេប ប្ល៊េតធ័រ អតីតប្រធានសហព័ន្ធបាល់ទាត់អន្តរជាតិ (FIFA) កំពុងស្ថិតក្នុងការសើុបអង្កេតរបស់ FBI ពីបទពាក់ព័ន្ធនឹងអំពើទុច្ចរិត ទោះបីជាលោកបានលាលែងពីតំណែងរួចរាល់ក៏ដោយ ។
លោកសេប ប្ល៊េតធ័រ អតីតប្រធានសហព័ន្ធបាល់ទាត់អន្តរជាតិ (FIFA) កំពុងស្ថិតក្នុងការសើុបអង្កេតរបស់ FBI ពីបទពាក់ព័ន្ធនឹងអំពើទុច្ចរិត ទោះបីជាលោកបានលាលែងពីតំណែងរួចរាល់ក៏ដោយ ។
លោកសេប ប្ល៊េតធ័រ អាយុ៧៩ឆ្នាំ បានយល់ព្រមចុះចេញពីតំណែងជាប្រធានសហព័ន្ធបាល់ទាត់អន្តរជាតិ កាលពីថ្ងៃទី២ មិថុនា កន្លងមក ក្រោយពីឈ្នះការបោះឆ្នោតក្នុងអាណត្តិទី៥ បន្តបន្ទាប់គ្នាត្រឹមតែ៤ថ្ងៃ និងជាចុងក្រោយលោកហាក់ដូចជាស្ថិតក្នុងគន្លងនៃការស៊ើបអង្កេតរបស់ FBI អាមេរិក ។
ក្នុងដំណាក់កាលដំបូង លោក ប្ល៊េតធ័រ គ្មានឈ្មោះស្ថិតក្នុងចំណោមជនសង្ស័យរបស់ក្រុមអយ្យការអាមេរិកកាលពីសប្តាហ៍មុនទេ គឺមានតែមន្ត្រីពាក់ព័ន្ធនឹងអំពើពុករលួយលើវិស័យបាល់ទាត់តែ១៤រូបរួមមាន លោកចេហ្វហ្វ្រី វ៉េប អនុប្រធាន FIFA និងលោកចូសេ ម៉ារីយ៉ា ម៉ារីន អតីតប្រធានសមាគមបាល់ទាត់ប្រេស៊ីល (CBF) ជាដើម ។
ចាប់តាំងពីលោកសេប ប្ល៊េតធ័រ ចុះចេញពីតំណែងជាប្រធាន FIFA មានបេក្ខជនជាច្រើនរូបបានបង្ហាញចំណាប់អារម្មណ៍ចង់ចូលកាន់តំណែងជំនួសលោករួមមាន លោកដេវីដ ស៊ីណូឡា ជនជាតិបារាំង និងព្រះអង្គម្ចាស់ អាលី ប៊ីន អាល់ហ៊ូសេន របស់ប្រទេសហ្សកដានី ដែលទើបចាញ់ឆ្នោតកាលពីថ្ងៃទី២៩ ឧសភា កន្លងមក ។
សម្រាប់ការបោះឆ្នោតជ្រើសតាំងជាប្រធាន FIFA ថ្មីនេះរំពឹងថា នឹងរៀបចំឡើងក្នុងរង្វង់ពីខែធ្នូ ២០១៥ ដល់ខែមីនា ២០១៦ ខាងមុខ ៕
ចែករំលែកព័តមាននេះ