រាជធានីភ្នំពេញ ៖ ជនសង្ស័យម្នាក់ដែលត្រូវសមត្ថកិច្ចខណ្ឌទួលគោក ឃាត់ខ្លួន បន្ទាប់ពីយករថយន្តទៅចតរារាំងការដ្ឋានសាងសង់ខុនដូមួយកន្លែង ដើម្បីទាមទារឱ្យមានដំណោះស្រាយប្រពន្ធលូ និងប្រឆាំងនឹងអ្នករាជការសាធារណៈ ត្រូវបានបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់ នៅព្រឹកថ្ងៃទី១៩…
រាជធានីភ្នំពេញ ៖ ជនសង្ស័យម្នាក់ដែលត្រូវសមត្ថកិច្ចខណ្ឌទួលគោក ឃាត់ខ្លួន បន្ទាប់ពីយករថយន្តទៅចតរារាំងការដ្ឋានសាងសង់ខុនដូមួយកន្លែង ដើម្បីទាមទារឱ្យមានដំណោះស្រាយប្រពន្ធលូ និងប្រឆាំងនឹងអ្នករាជការសាធារណៈ ត្រូវបានបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់ នៅព្រឹកថ្ងៃទី១៩ ខែវិច្ឆិកា ឆ្នាំ២០២០នេះ។
ជនសង្ស័យរូបនោះ ត្រូវបានកម្លាំងនគរបាលខណ្ឌទួលគោក ឃាត់ខ្លួន កាលពីរសៀលថ្ងៃទី១៧ ខែវិច្ឆិកា ឆ្នាំ២០២០ នៅចំណុចមុខផ្ទះលេខ២០៣ ផ្លូវលេខ១៣២ ក្រុមទី២៣ ភូមិ៧ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។
ជុំវិញការឃាត់ខ្លួនប៉ុន្មានថ្ងៃនេះ នៅក្នុងបណ្តាញសង្គម ក៏មានការស៊ែរតៗគ្នានូវឃ្លឹបវីដេអូមួយពីសកម្មភាពដែលសមត្ថកិច្ចប្រើកម្លាំងយ៉ាងច្រើន ដើម្បីឃាត់ខ្លួនក្រោមការទ្រហោយំរបស់ក្រុមគ្រួសារ និងមានការរិះគន់យ៉ាងខ្លាំងពីមហាជនមួយចំនួនផងដែរ ។
រឿងរ៉ាងនេះ ត្រូវបានគេដឹងថា ផ្តើមចេញពីការសាងសង់ ខុនដូ បង្កឱ្យមានការប៉ះពាល់អ្នកជិតខាង ហើយម្ចាស់មិនបានយកការសម្របសម្រួលដោះស្រាយជាធំជាហេតុ ធ្វើឱ្យអ្នកក្បែរខាងយករថយន្តទៅចតរារាំងការដ្ឋាន ជាហេតុធ្វើឱ្យមានការប៉ះទង្គិចគ្នា នៅពេលដែលសមត្ថកិច្ចចុះទៅស្ទួចយករថយន្តនោះតែម្តង។
បើតាមជនបង្កដែលជាប់ចោទពីបទប្រឆាំងនឹងអ្នករាជការសារធារណៈត្រូវបាននគរបាលឱ្យដឹងថា ឈ្មោះ ជា លាង ភេទប្រុស អាយុ៤២ឆ្នាំ ជនជាតិខ្មែរ មុខរបរមើលការខុសត្រូវផ្ទះជួល ស្នាក់នៅផ្ទះលេខ២០៣ ផ្លូវលេខ១៣២ ក្រុមទី២៣ ភូមិ៧ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ដែលជាកន្លែងកើតហេតុ ។
តាមអាជ្ញាធរមូលដ្ឋាន បានឱ្យដឹងថា ការឃាត់ខ្លួននេះ ផ្តើមចេញពីទំនាស់ការសាងសង់របស់ឈ្មោះ វ៉ា គាវ ភេទស្រី និងឈ្មោះ វ៉ា អ៊ឹង ភេទស្រី ស្ថិតនៅក្នុងដីឡូតិ៍ លេខ៩៨៦ ផ្លូវកម្ពុជាក្រោម និងផ្លូវក្រោយលេខ១៣២ ដែលបានសាងសង់ប៉ះពាល់បង្កឱ្យស្ទះលូអ្នកជិតខាងដោះស្រាយមិនទាន់ចប់ ។
គួររំលឹកថា ៖ (វីដេអូ)សកម្មភាពរបស់ជនសង្ស័យម្នាក់ មុនអាជ្ញាធរខណ្ឌទួលគោក ឃាត់ខ្លួនពីបទប្រឆាំងនឹងអ្នករាជការសារធារណៈ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ