អេស្ប៉ាញ ៖ កីឡាករ Lionel Messi កាន់តែមិនសប្បាយចិត្តខ្លាំង ក្រោយពីបាននិយាយថា គេធុញទ្រាន់នឹងការស្តីបន្ទោសចំពោះបញ្ហានៅឯក្លិប Barcelona បន្ទាប់ពីត្រូវបានចោទប្រកាន់ដោយអតីតអ្នកតំណាងរបស់មិត្តរួមក្រុម…
អេស្ប៉ាញ ៖ កីឡាករ Lionel Messi កាន់តែមិនសប្បាយចិត្តខ្លាំង ក្រោយពីបាននិយាយថា គេធុញទ្រាន់នឹងការស្តីបន្ទោសចំពោះបញ្ហានៅឯក្លិប Barcelona បន្ទាប់ពីត្រូវបានចោទប្រកាន់ដោយអតីតអ្នកតំណាងរបស់មិត្តរួមក្រុម គឺកីឡាករ Antoine Griezmann ដោយចោទថា Messi បានធ្វើឱ្យអាជីពរបស់ខ្សែប្រយុទ្ធបារាំងរូបនេះ នៅក្នុងក្រុមជួបការលំបាក។
សូមរំលឹកថា លោក Eric Olhats បានចោទប្រកាន់ Messi ថាដោយសារតែឥទ្ធិពលខ្លាំងពេករបស់រូបគេនៅក្លិប Barcelona បាននាំឱ្យកីឡាករ Antoine Griezmann កំពុងតែពិបាកខ្លាំងក្នុងការសម្របខ្លួនជាមួយនឹងការលេង ចាប់តាំងពីរូបគេផ្លាស់មកចូលរួមកាលពីឆ្នាំមុន។
Lionel Messi បានវិលត្រឡប់មកទីក្រុងបាសេឡូណាវិញ កាលពីថ្ងៃពុធម្សិលមិញ បន្ទាប់ពីបញ្ចប់កាតព្វកិច្ចជាមួយក្រុមជម្រើសជាតិអាហ្សង់ទីន។ ហើយការមកដល់របស់ម្ចាស់ពានរង្វាន់ Ballon d’Or ៦លើករូបនេះ ត្រូវបានចោទសួរពីសំណាក់ក្រុមអ្នកកាសែតនៅឯព្រលានយន្តហោះ។
ប្រព័ន្ធផ្សព្វផ្សាយអេស្ប៉ាញ បានធ្វើការស្រង់សម្តីរបស់ Messi ដោយបាននិយាយថា «ជាការពិតណាស់ ខ្ញុំធុញទ្រាន់ដែលតែងតែទទួលបានការស្តីបន្ទោស រាល់បញ្ហាគ្រប់យ៉ាងនៅឯក្លិប»។ ពាក្យសម្តីគឺអាចឱ្យយើងយល់បានថា រូបគេកំពុងមិនសប្បាយចិត្តកាន់ខ្លាំង ពីជីវិតបច្ចុប្បន្នក្នុងក្លិប Barcelona៕ (ដកស្រង់ចេញពី Reuters)
ចែករំលែកព័តមាននេះ