រុស្ស៊ីនឹងសាងសង់សណ្ឋាគារលំហអាកាសឆ្នាំ2016
ការធ្វើដំណើរកម្សាន្តទៅកាន់លំហអាកាសឬក៏ «សម័យទេសចរណ៍លំហអាកាស» នឹងក្លាយជាការណ៍ពិតសម្រាប់មនុស្សជាតិលើផែនដី ។ មានប្រាក់ច្រើនជាង១លានដុល្លារ នឹងមានឱកាសចាក
ការធ្វើដំណើរកម្សាន្តទៅកាន់លំហអាកាសឬក៏ «សម័យទេសចរណ៍លំហអាកាស» នឹងក្លាយជាការណ៍ពិតសម្រាប់មនុស្សជាតិលើផែនដី ។ មានប្រាក់ច្រើនជាង១លានដុល្លារ នឹងមានឱកាសចាកចេញពីភពផែនដី ដោយស្ថិតក្នុងសណ្ឋាគារដែលអណ្តែតខ្លួនលើលំហអាកាស ។
ក្រុមហ៊ុនរុស្ស៊ីដែលបម្រើការកម្សាន្តនោះមានឈ្មោះថា Energiya សហការជាមួយក្រុមហ៊ុនអាមេរិក Orbital Technologies ។ អ្នកទេសចរនឹងទៅកាន់លំហអាកាសតាមរយៈរ៉ុក្កែតរុស្ស៊ី (Russian Soyuz Rocket) ធ្វើដំណើរប្រហែល១ថ្ងៃដើម្បីទៅដល់ស្ថានីយយានអវកាសចម្ងាយជាង៣៤៩គីឡូម៉ែត្រពីផែនដី ។
សណ្ឋាគារលំហអាកាសដំបូងគេបង្អស់របស់ពិភពលោកនេះ មានសណ្ឋានជាបំពង់ទឹកធំមួយដូចបង្ហាញក្នុងរូប ហើយអាចផ្ទុកអ្នកដំណើរចំនួន៧នាក់ ស្នាក់នៅទីនោះរយៈពេល៥ថ្ងៃដែលក្នុងនោះរួមមានទាំងខ្យល់អុកស៊ីសែន កាប៊ីនសម្រាប់បញ្ជាយាន ឧបករណ៍ពិនិត្យសុខភាព កន្លែងទស្សនារូបភាពលំហអាកាស កន្លែងសម្រាក និងអាហារ ។
ទោះជាយ៉ាងណាក៏ដោយ តម្លៃសម្រាប់ការកម្សាន្តនោះ គឺជាតម្លៃមួយខ្ពស់កប់ពពក មានតែមហាសេដ្ឋីប៉ុណ្ណោះទើបមានលទ្ធភាពទៅលេងលំហអាកាសបាន ៕
ចែករំលែកព័តមាននេះ