ខេត្តឧត្តរមានជ័យ ៖ ក្រុមអាជីវករលក់សាច់គោក្នុងទីផ្សារសំរោង បានផ្ទុះកំហឹងប្រតិកម្មចោទប្រកាន់ទៅលើលោកតាញ់ ប៊ុត្តា មន្ត្រីជំនាញបសុព្យាបាលសត្វ និងលោកសូត្រ ស៊ីសុឃាង ប្រធានមន្ទីរកសិកម្ម និងរុក្ខាប្រមាញ់…
ខេត្តឧត្តរមានជ័យ ៖ ក្រុមអាជីវករលក់សាច់គោក្នុងទីផ្សារសំរោង បានផ្ទុះកំហឹងប្រតិកម្មចោទប្រកាន់ទៅលើលោកតាញ់ ប៊ុត្តា មន្ត្រីជំនាញបសុព្យាបាលសត្វ និងលោកសូត្រ ស៊ីសុឃាង ប្រធានមន្ទីរកសិកម្ម និងរុក្ខាប្រមាញ់ នេសាទខេត្តឧត្តរមានជ័យ អសមត្ថភាពខ្វះការត្រួតពិនិត្យ និងគ្មានវិធានការទប់ស្កាត់សាច់គោងាប់ នាំយកមកលក់លើទិផ្សារ។
ជាក់ស្តែង នៅព្រឹកថ្ងៃទី១៨ វិចិ្ឆកា ត្រូវបានក្រុមអាជីវករអ្នកលក់សាច់គោក្នុងទីផ្សារសំរោង បានបានអះងាងថា ពួកក្រុមខិលខូចបានដើររកទិញសត្វគោដែលងាប់ដោយកើតជំងឺក្នុងតម្លៃថោកៗ លះសាច់នាំយកមកលក់នៅលើទិផ្សារសំរោងដោយខ្វះការត្រួតពិនិត្យពីមន្ត្រីជំនាញ ទោះជាមានក្រុមអាជីវករ បានរាយការណ៍និងផ្តល់ព័តមានយ៉ាងណារនោះ ក៏មិនអើពើធ្វើជាមិន ដឹងមិនឮ។
ក្រោយពីបានក្រុមអាជីវករ តែងតែផ្តល់នូវព័តមានលោកប្រធានមន្ទីរកសិកម្មខេត្ត បានអញ្ជើញក្រុមអាជីវករទៅប្រជុំ ក្នុងខណៈនោះ លោកប្រធានមន្ទីររួមទាំងមន្ត្រីជំនាញបសុព្យាបាលពេទ្យសត្វឱ្យក្រុមអាជីវករជួយសហការរាយការណ៍ទប់ស្កាត់សត្វគោងាប់ដោយជំងឺមិនឱ្យកាប់យកសាច់លក់ ។
លុះនៅព្រឹកថ្ងៃទី១៨ វិច្ឆិកា ក្រុមអាជីវករបានផ្តល់ព័តមានរាយណ៍ដល់មន្ត្រីជំនាញបសុពេទ្យមកសហការនាំគ្នាដេញចាប់រថយន្ត ដែលដឹកសត្វគោងាប់បំរុងពន្លះសាច់យកមកលក់លើទីផ្សារសំរោងពេលចាប់បាន ស្រាប់តែមិនចាត់ការតាមនិតិវិធិច្បាប់នោះទេ ។
បែរជាឱ្យម្ចាស់រថយន្តដឹកទៅទម្លាក់ចោលនឹងផ្ទះម្ចាស់គោទៅវិញ បន្ទាប់មកសត្វគោដែលងាប់ត្រូវបានគេប្រលះយកសាច់ចែកគ្នាហូបដដែលទង្វើបែបនេះតើធ្វើឱ្យផលប៉ះពាលដល់សុខភាពប្រជាពលរដ្ឋយ៉ាងខ្លាំង។
ទាក់ទិនព័ត៌មាននេះ កោះសន្តិភាពបានទូរស័ទ្ទទៅលោកតាញ់ ប៊ុត្តា ប្រធានការិយាល័យបសុព្យាបាលចូលជាច្រើនដង តែពុំមានអ្នកលើក ។ ដោយឡែ កលោកសូត្រស៊ី
សុឃាង ប្រធានមន្ទីរកសិកម្មខេត្ត លោកបានឆ្លើយបំភ្លឺយ៉ាងខ្លីថា លោកនឹងមានវិធានការហើយកាលពីព្រឹកថ្ងៃទី១៨ វិច្ឆិកា ។
ចែករំលែកព័តមាននេះ