លោក YANG CHUANTANG រដ្ឋមន្ត្រីដឹកជញ្ជូនចិន គូសបញ្ជាក់កាលពីថ្ងៃទី២ មិថុនា ថា មនុស្ស១៤នាក់បានត្រូវជួយសង្គ្រោះ ហើយ៥នាក់រកឃើញស្លា.ប់បន្ទាប់ពីនាវាកម្សាន្តធំមួយដឹក
លោក YANG CHUANTANG រដ្ឋមន្ត្រីដឹកជញ្ជូនចិន គូសបញ្ជាក់កាលពីថ្ងៃទី២ មិថុនា ថា មនុស្ស១៤នាក់បានត្រូវជួយសង្គ្រោះ ហើយ៥នាក់រកឃើញស្លាប់បន្ទាប់ពីនាវាកម្សាន្តធំមួយដឹកមនុស្សជាង៤៥០នាក់លិចក្នុងទន្លេយ៉ង់សេមក ។
នាវានេះដឹកមនុស្ស៤៥៦នាក់ ក្នុងនោះមានអ្នកដំណើរ៤០៥នាក់ សមាជិកក្រុមនាវិក៤៦នាក់ និងមគ្គុទេសក៍ទេសចរណ៍៥នាក់ បានចាកចេញពីទីក្រុងណានជិញភាគខាងកើតប្រទេសទៅកាន់ក្រុងចុងគិញ ភាគនិរតី ។ នាវានោះបានលិចពេលរងការវាយប្រហារដោយព្យុះមួយកាលពីថ្ងៃទី១ មិថុនា វេលាម៉ោង៩និង២៨នាទី ម៉ោងក្នុងស្រុកនៅតំបន់ JIANLI នៃទន្លេយ៉ង់សេក្នុងខេត្តហ៊ូបី ភាគកណ្តាលប្រទេស ។
អ្នកមុជទឹក៣នាក់បានមុជរកឃើញបុរសអាយុ២១ឆ្នាំម្នាក់ក្នុងបន្ទប់តូចមួយកាលពីរសៀលថ្ងៃទី២ មិថុនា ហើយបុរសនេះអាចហែលទឹកដោយខ្លួនឯងបាន ។ យោងតាមពួកអ្នកមុជទឹកថា ប្រតិបត្តិការជួយសង្គ្រោះជួបការលំបាកខ្លាំងព្រោះតែប្រព័ន្ធស្មុគស្មាញរបស់នាវា ព្រមទាំងដោយសារមានភ្លៀងធ្លាក់ និងខ្យល់បោកបក់ខ្លាំង ។
នាយករដ្ឋមន្ត្រីចិនលោក LI KEQIANG អំពាវនាវដល់ពួកអ្នកជួយសង្គ្រោះឱ្យខិតខំប្រឹងប្រែង ទោះជួបលក្ខខណ្ឌលំបាកបំផុតក្តី ។ លោកក៏ស្នើផងដែរដល់អាជ្ញាធរឱ្យផ្តល់ព័ត៌មានដល់សារព័ត៌មានពីការវិវត្តន៍នៃសភាពការណ៍រាល់ម៉ោង ។
មជ្ឈមណ្ឌលជួយសង្គ្រោះក្នុងសមុទ្រនៅ YUEYAND បានទទួលការហៅឱ្យជួយរបស់នាវាឈ្មោះ TONGGONGHUA 666 ហើយបានឃើញមនុស្ស២នាក់កំពុងហែលទឹកក្នុងទន្លេនាថ្ងៃទី១ មិថុនា វេលាម៉ោង២២ ម៉ោងក្នុងស្រុក ។ មជ្ឈមណ្ឌលនេះភ្លាមៗបានបញ្ជូននាវាល្បាត១គ្រឿងដែលជួយស្រង់មនុស្សទាំង២នាក់នោះនាវេលាម៉ោង២៣និង៥១នាទី ។
កាពីតែននាវា TONGGONGHUA-666 ដែលលិច លោក LI YONGJUN ដែលនៅរស់រានមានជីវិតគូសបញ្ជាក់ថា ភ្លៀងធ្លាក់ខ្លាំងពេកធ្វើឱ្យមើលអ្វីមិនឃើញ ទោះបីជារ៉ាដារបស់យើងក៏មិនដំណើរការដែរ ។ យើងគ្មានសមត្ថភាពជួយមនុស្សទាំងឡាយមកពីធាតុអាកាសអាក្រក់ រួចខ្ញុំបានតែស្រែកឱ្យនាំគ្នាហែលទឹកទៅមាត់ច្រាំង ។
នាវាកម្សាន្តនេះមានបណ្តោយដល់ទៅ៧៦,៥ម៉ែត្រ អាចដឹកមនុស្សដល់ទៅ៥៣៤នាក់។ តម្លៃសំបុត្រមួយសម្រាប់ការធ្វើដំណើរតាមនាវានេះ គឺរវាងពី១០៩៨យន់ (១៧៧ដុល្លារ) ទៅ២២៩៨យន់ ៕
ចែករំលែកព័តមាននេះ