ប៉ុន្មានខែកន្លងមករហូតដល់ថ្ងៃនេះ មានប្រព័ន្ធផ្សព្វផ្សាយជាច្រើន បានហែកកកាយបកអាក្រាតឧកញ៉ាច្រើននាក់ជាឈ្មួញឈើរកស៊ីអត់ច្បាប់ ដូចជាឈ្មោះឧកញ៉ា ជ្រាយ ឧកញ៉ា តឹក ឧកញ៉ា ខ្នា ឧកញ៉ា កុសល ។ល។
តាមការកត់សម្គាល់ ទោះបីខំស្រែកប្រកាសពីវិនាសកម្មព្រៃឈើ យ៉ាងណាក៏ដោយ ក៏វាអត់មានតម្លាភាពដែរ ឈើខ្មែរនៅតែហូរចូលទៅស្រុកយួន យ៉ាងអនាធិបតេយ្យដដែល ។ ខំស្រែកប្រកាសទប់ទល់ធ្វើអី…មានឈើបុគ្គលយើងឯណា ? គឺជាសម្បត្តិរួមរបស់ប្រជាជាតិខ្មែរទាំងអស់គ្នាតើ !
និយាយឱ្យចំទៅ ដោយសារមានព្រៃឈើ ទើបជាតិយើងបង្កើតឱ្យមានសមត្ថកិច្ចមេព្រៃ…ដល់មានមេព្រៃ វាមានទៅបាត់មេព្រៃឯណា…វាបាត់តែឈើនៅក្នុងព្រៃតើ !!
ដូច្នេះការស្រែកប្រកាសដើម្បីទប់ដំណើរឈ្មួញទុច្ចរិតកាប់ឈើ វាប្រៀបដូច «កោកៗសឹកតែមាត់ត្រដោក វាទៅឆ្អែតពោះក្របី» ឯណោះទេ…កុំឆ្ងល់!
ចែករំលែកព័តមាននេះ