សារព័ត៌មានបរទេស កាលពីថ្ងៃទី១ មិថុនា ២០១៥ ផ្សាយថា អាជ្ញាធរក្រុងប៉ារីស បានកាត់សោគូស្នេហ៍សម្រាប់ជានិមិត្តរូបនៃភក្តីភាពដែលចាក់ជាប់បង្កាន់ដៃស្ពាន Pont Des Art អស់រយៈពេលជាច្រើនឆ្នាំ
សារព័ត៌មានបរទេស កាលពីថ្ងៃទី១ មិថុនា ២០១៥ ផ្សាយថា អាជ្ញាធរក្រុងប៉ារីស បានកាត់សោគូស្នេហ៍សម្រាប់ជានិមិត្តរូបនៃភក្តីភាពដែលចាក់ជាប់បង្កាន់ដៃស្ពាន Pont Des Art អស់រយៈពេលជាច្រើនឆ្នាំកន្លងមកហើយនោះចេញព្រោះវាប៉ះពាល់ដល់គុណភាពស្ពាន ។
អភិបាលក្រុងប៉ារីស តែងតែមានកង្វល់ចំពោះស្ពាន Pont Des Art ដែលគូស្នេហ៍បរទេសយកមេសោទៅចាក់ជាប់បង្កាន់ដៃ សម្រាប់ជាតំណាងដល់ក្តីស្រឡាញ់ និងភក្តីភាព។ កាលពីឆ្នាំមុនប៉ូលិសបានណែនាំឱ្យអ្នកទេសចរចាកចេញពីស្ពាន Port Des Art នៃទន្លេសែន ក្រោយពីពិនិត្យឃើញផ្នែកខ្លះនៅលើស្ពានប្រេះ ព្រោះតែទម្ងន់សោធ្ងន់ពេក និងបានយកខ្សែប្លាស្ទិកចងខណ្ឌមិនឱ្យអ្នកទេសចរយកមេសោទៅចាក់បន្តទៀតទេ ។ ទន្ទឹមនោះ អាជ្ញាធរប្រកាសឱ្យអ្នកទេសចរថតរូបជាប់នឹងស្ពាន ជំនួសការយកសោទៅចាក់លើស្ពាន ។
ទោះជាយ៉ាងណាក្តី អាជ្ញាធរក្រុងប៉ារីសមិនអាចទប់ស្កាត់គូស្នេហ៍បានទេ ដោយនៅតែបន្តយកមេសោទៅចាក់ជាប់នឹងស្ពាន បង្កឱ្យអាជ្ញាធរត្រូវប្រើវិធានការដ៏តឹងរ៉ឹងមួយ ដោយបញ្ជាឱ្យរុះរើមេសោដែលមានទម្ងន់ប្រហែល៤៥លានតោន ចេញពីស្ពាន ។ មន្ត្រីម្នាក់នៃសាលាក្រុងប៉ារីស និយាយថា ការយកមេសោចាក់នៅបង្កាន់ដៃស្ពានដ៏ស្រស់ស្អាតក្នុងក្រុងប៉ារីសគឺមិនសមរម្យទាល់តែសោះ ។ ទំនោរនៃការយកមេសោទៅចាក់នៅបង្កាន់ដៃស្ពាន Port Des Art បានចាប់ផ្តើមឡើងតាំងពីឆ្នាំ២០០៨មក តែមិនដឹងច្បាស់ថា មានប្រភពចេញពីទីកន្លែងណា ច្បាស់លាស់ទេ គ្រាន់តែដឹងថា ចាប់កកើតចេញពីក្រុង សំខាន់ៗនៅតំបន់អឺរ៉ុប ក្រោយមករីករាលដាលដល់ក្រុងម៉ារ៉ាហ្គេសនៅម៉ារ៉ុក និងឆ្លងដល់ប្រទេសចិនទៀត ៕
ចែករំលែកព័តមាននេះ