មួយឆ្នាំក្រោយការវាយលុករបស់ក្រុមរដ្ឋអ៊ិស្លាមលើក្រុងម៉ូសស៊ុល កងទ័ពអីុរ៉ាក់ទើបចេញតុល្យការមួយ ។ ជាលើកដំបូង នាយករដ្ឋមន្ត្រីអីុរ៉ាក់ លោកហៃអីុឌ័រអាល់ អាបានី ទទួលស្គាល់ថា
មួយឆ្នាំក្រោយការវាយលុករបស់ក្រុមរដ្ឋអ៊ិស្លាមលើក្រុងម៉ូសស៊ុល កងទ័ពអីុរ៉ាក់ទើបចេញតុល្យការមួយ ។ ជាលើកដំបូង នាយករដ្ឋមន្ត្រីអីុរ៉ាក់ លោកហៃអីុឌ័រអាល់ អាបានី ទទួលស្គាល់ថា កងទ័ពបានបាត់បង់រថយន្តពាសដែកជាច្រើនពាន់គ្រឿងប្រឈមមុខនឹងការវាយរុលរបស់ក្រុមរដ្ឋអ៊ិស្លាមលើទីក្រុងធំទី២នោះ របស់អីុរ៉ាក់ដែលធ្លាក់ក្នុងដៃពួកជីហាដ ។
លោកអាបាឌី ក្នុងបទសម្ភាសន៍មួយជាមួយទូរទស្សន៍រដ្ឋ IRAQIYA អះអាងថា ក្នុងការបាត់បង់ក្រុងម៉ូសស៊ុលយើងបាត់បង់អាវុធយ៉ាងច្រើន ។ យើងបាត់បង់រថយន្តយោធាធុន HUMVEE ដល់ទៅ២.៣០០គ្រឿងក្នុងទីក្រុងម៉ូសស៊ុលតែមួយគត់ ។
តម្លៃរថយន្តពាសដែកធុននេះ គឺយោងទៅតាមគ្រឿងឧបករណ៍ដែលបំពាក់ ក៏ប៉ុន្តែកាលពីឆ្នាំទៅមិញ ក្រសួងការបរទេសអាមេរិកបានអនុម័តពីការលក់ឱ្យអីុរ៉ាក់នូវរថយន្ត HUMVEE បំពាក់ដោយឧបករណ៍ការពារគ្រាប់ទំនើប និងអាវុធប្រមាណជា១.០០០គ្រឿងមានទឹកប្រាក់៥៧៩លានដុល្លារ ។
មែនហើយ ការបាត់បង់រថយន្តយោធាដែលមានតម្លៃយ៉ាងថ្លៃទាំងនេះ ពិតជាការបាត់បង់ធ្ងន់ធ្ងរមួយសម្រាប់កងទ័ពអីុរ៉ាក់ ហើយធ្លាក់ក្នុងដៃពួកជីហាដដែលនាំឱ្យពួកនេះកាន់តែមានសមត្ថភាពប្រយុទ្ធខ្ពស់ ។
ក្រុមរដ្ឋអ៊ិស្លាមរយៈពេលមិនដល់១ឆ្នាំផងអាចវាយយកបានដែនដីយ៉ាងធំទូលាយនៅភាគខាងលិច ភាគខាងកើត និងភាគខាងជើងក្រុងបាដាដ ក្នុងនោះមានទីក្រុងម៉ូសស៊ុលផងដែរ រួចរឹបអូសយកបានអាវុធគ្រាប់រំសេវ ឧបករណ៍យោធា ព្រមទាំងឯកសណ្ឋានយោធាយ៉ាងច្រើនដែលបោះបង់ចោលដោយកងទ័ពរដ្ឋាភិបាលពលបាក់ទ័ពប្រឈមមុខនឹងការរុលទៅមុខរបស់ពួករដ្ឋអ៊ិស្លាម ៕
ចែករំលែកព័តមាននេះ