ល្បែងបើកដៃអោយមានមុខរបរ«ធ្វើនំអត់ម្សៅ» កំពុងក្លាយជាល្បែងគួរអោយចាប់អារម្មណ៍បំផុត… សម្រាប់អាណាចក្រខេត្តតាកែវនៃនគរពារាណសីយើង ។
មុខរបរដែលឈ្មួញមានឥទ្ធិពលប៉ុន្មាននាក់នេះ… កំពុងតែក្រឡុកអ្នកមានអំណាចខ្លះក្នុងខេត្ត… តាមកត់សម្គាល់ ដូចជាចង់អភិវឌ្ឃផ្សារត្រាំខ្នារ… ឈានទៅចង់លុបយកស្រះប្រវត្តិសាស្ត្រចំនួនពីរ… ប៉ុន្តែទំនងល្បិចមួយនេះទទួលបរាជ័យ… ព្រោះតែកោះសន្តិភាពស្ថិតនៅជាមួយប្រជាជនរាប់ពាន់គ្រួសារ… មាត់ដាចចេះតែស្រែកនាំពាក្យ ។
ល្បិចមួយទៀត ដែលឈ្មួញចង់អភិវឌ្ឍន៍ផ្សារក្រុងដូនកែវ… បោកបញ្ឆោតថា.. ធ្វើផ្សារណាត់… តើក្រសួងណាខ្លះចូលរួមជួយអោយមានរឿង «ធ្វើនំអត់ម្សៅ»នេះ? តើម្សៅច្រើនបាវប្រមូលបាន…គេធ្វើនំពេលណា?
ល្បែងធ្វើនំអត់ម្សៅមួយទៀត គឺគេកាយដីអូរ… ក្នុងនាមស្តារអូរយកអាចម៍ដីលក់… ប៉ះពាល់ធំណាស់ដល់ផលប្រយោជន៍ប្រជាជនរាប់ពាន់ រាប់ម៉ឺននាក់… ដែលបាត់ដីអាស្រ័យផល? ព្រោះសួរតូច កាយរីកធំ…យកអាចម៍ដីលក់បានច្រើន ។
នៅមានច្រើនករណីទៀត… នៅតាមព្រំដែនកម្ពុជា-វៀតណាម ដែលជារឿងឈ្មួញរកស៊ីត្រូវជាមួយរដ្ឋអំណាច«ធ្វើនំអត់ម្សៅ»ដែលអាឡេវនឹងលាតត្រដាង នៅពេលក្រោយ។
ចែករំលែកព័តមាននេះ