រាជធានីភ្នំពេញ ៖ គណៈបញ្ជាការឯកភាពខណ្ឌចំការមន ក្រោមការដឹកនាំរបស់លោក ថេង សុថុល ជាអភិបាលខណ្ឌ រួមជាមួយលោកអធិការនគរបាលខណ្ឌ កងរាជអាវុធហត្ថខណ្ឌ បានធ្វើការចែកម៉ាស់…
រាជធានីភ្នំពេញ ៖ គណៈបញ្ជាការឯកភាពខណ្ឌចំការមន ក្រោមការដឹកនាំរបស់លោក ថេង សុថុល ជាអភិបាលខណ្ឌ រួមជាមួយលោកអធិការនគរបាលខណ្ឌ កងរាជអាវុធហត្ថខណ្ឌ បានធ្វើការចែកម៉ាស់ នៅតាមសហគមន៍ក្រីក្រ ភូមិ និងតាមផ្លូវសាធារណៈ ដែលជាអំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីចំនួន ជាង១ម៉ឺនម៉ាស់ ក្នុងក្នុងរយៈពេល២ថ្ងៃនេះ ដើម្បីបង្ការ និងទប់ស្កាត់មេរោគឆ្លងកូវីដ-១៩។
ការចែកម៉ាស់នេះដែរបាន ធ្វើឡើងកាលពីវេលាម៉ោង០៤ និង៣០នាទីល្ងាច ថ្ងៃទី១៣ ខែវិច្ឆិកា ឆ្នាំ២០២០ នៅចំណុចរង្វង់មូលផ្សារដើមថ្កូវ។ មន្ត្រីសាលាខណ្ឌចំការមនបានប្រាប់ឱ្យដឹងថា ដោយមានការណែនាំអំពីសំណាក់ឯកឧត្តម ឃួង ស្រេង អភិបាលរាជធានីភ្នំពេញ ក្នុងពេលនេះដែរ ក្រោមការដឹកនាំរបស់លោក ថេង សុថុល ជាអភិបាលខណ្ឌចំការមន បានចុះចែកម៉ាស់ដែលជាអំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចុះចែកម៉ាស់នៅចំណុចរង្វង់មូលផ្សារដើមថ្កូវនេះចែកជូនទៅដល់អ្នកធ្វើដំណើរតាមផ្លូវសាធារណៈ ក្នុងគោលបំណង បង្ការ និងទប់ស្កាត់ជំងឺឆ្លងកូវីដ-១៩នោះ។
តាមប្រភពដដែលបានប្រាប់បន្តទៀតថា ការចែកជូនម៉ាស់ដល់អ្នកដំណើរនៅ តាមផ្លូវសាធារណៈនាពេលនេះដែរ គឺគណៈបញ្ជាការឯកភាពខណ្ឌចំការមន បានធ្វើការចែកចាយម៉ាស់អស់ចំនួនជាង ១ពាន់ម៉ាស់ សរុបក្នុងរយៈពេល២ថ្ងៃនេះ(ថ្ងៃទី១២ និងថ្ងៃទី១៣នេះ) អស់ម៉ាស់សរុបជាង ១ម៉ឺនម៉ាស់ហើយ។ ដោយយុទ្ធនាការចែកម៉ាស់ ដើម្បីបង្ការ និងទប់ស្កាត់ជំងឺឆ្លង កូវីដ-១៩នេះ បានចាប់ធ្វើតាំងពីថ្ងៃម្សិលមិញថ្ងៃទី ១២នោះមកម្លេះ ដោយគណៈបញ្ជាការឯកភាពខណ្ឌបានដើរចែកចាយនៅតាមផ្ទះក្នុងសហគមន៍ក្រីក្រ ភូមិ និងទីសារធារណៈ ទៅតាមសង្កាត់ ចំនួន៥ មានសង្កាត់ផ្សារដើមថ្កូវ សង្កាត់ទន្លេបាសាក់ សង្កាត់ទួលទំពូងទី១ សង្កាត់ទួលទំពូងទី២ និងសង្កាត់បឹងត្របែក និងបន្តចែកចាយជាបន្តទៅទៀតផងដែរ។
ក្នុងពេលនេះដែរអាជ្ញារខណ្ឌចំការមនក៏បានធ្វើការសំណូមពរទៅដល់ បងប្អូនប្រជាពលរដ្ឋទាំងអស់ ចូលរួមថែរក្សា អនាម័យ ដោយត្រូវលាងដៃជាមួយសាប៊ូ អាល់កុល ជែលត្រូវពាក់ម៉ាស់ឲ្យបានជាប់ជាប្រចាំ និងត្រូវរក្សាគម្លាត សង្គមយ៉ាងតិច ១.៥០ម៉ែត្រពីគ្នា អនុវត្តទៅតាមការណែនាំរបស់ក្រសួងសុខាភិបាលផងដែរ៕ ដោយ ៖ ភី ផល
ចែករំលែកព័តមាននេះ