ខេត្តរតនគិរី ៖ ស្ត្រីឈឺពោះឆ្លងទន្លេជាជនជាតិភាគតិចចារាយម្នាក់ រស់នៅភូមិដាច់ស្រយាល ត្រូវបានកម្លាំងវេនប្រចាំបញ្ជាទី១ គឺលោកអនុសេនិយ៍ឯក សុខ ជាតិ និងលោកវរសេនីយ៍ទោ ងី…
ខេត្តរតនគិរី ៖ ស្ត្រីឈឺពោះឆ្លងទន្លេជាជនជាតិភាគតិចចារាយម្នាក់ រស់នៅភូមិដាច់ស្រយាល ត្រូវបានកម្លាំងវេនប្រចាំបញ្ជាទី១ គឺលោកអនុសេនិយ៍ឯក សុខ ជាតិ និងលោកវរសេនីយ៍ទោ ងី ឡូច យករថយន្តជួយដឹកបញ្ជូនទៅកាន់មណ្ឌលសុខភាពស្រុកអូរយ៉ាដាវ ប្រកបដោយសុវត្ថិភាព។
ការជួយសម្រួលដឹកបញ្ជូនស្ត្រីឈឺពោះឆ្លងទន្លេទៅកាន់មណ្ឌលសុខភាពខាងលើនោះ តាមបទបញ្ជាពីលោកវរសេនីយ៍ឯក សូយ សំណាង អធិការនគបាលស្រុកអូរយ៉ាដាវ ដែលបានធ្វើឡើងកាលពីវេលាម៉ោង៣និង២០នាទីរសៀលថ្ងៃទី១២ ខែវិច្ឆិកា ឆ្នាំ២០២០ នៅចំណុចភូមិពាក់ ឃុំយ៉ាទុង ស្រុកអូរយ៉ាដាវ ខេត្តរតនគិរី។
តាមប្រភពពីសមត្ថកិច្ចនគបាលស្រុកយ៉ាដាវបានឱ្យដឹងថា ស្ត្រីឈឺពោះឆ្លងទន្លេខាងលើឈ្មោះ សេវ ភិ អាយុ២៥ឆ្នាំ ជនជាតិដើមភាគតិចចារាយ រស់នៅភូមិពាក់ ឃុំយ៉ាទុង ស្រុកអូរយ៉ាដាវ ខេត្តរតនគិរី ។ ដោយឡែកកូនដែលត្រូវសម្រាលគឺជាកូនទី៥ក្នុងគ្រួសារ ។
បន្ទាប់ពីត្រូវបានសមត្ថកិច្ចបញ្ជូនមកកាន់មណ្ឌលសុខភាពស្រុកអូរយ៉ាដាវរួចហើយ ស្ត្រីខាងលើសម្រាលបានទារកម្នាក់នៅវេលាម៉ោង១០និង៤៥នាទីយប់ថ្ងៃដដែលប្រកបដោយសុវត្ថិភាពទាំងម្តាយនិងកូន៕ (កែសម្រួលដោយ ៖ ធីតា)
ចែករំលែកព័តមាននេះ