ខេត្តកំពត ៖ គំនរដែកនិងជ័រ ដែលជារបស់អេតចាយយកមកដាក់នៅតាមបណ្ដោយដៃសមុទ្រនៅចំណុចឃុំស្វាយទងខាងត្បូង ស្រុកកំពង់ត្រាច និងដៃសមុទ្រម្ខាងទៀតជាប់ភូមិសាស្ត្រខេត្តកែប ដែលគេដឹងថា អេតចាយគំនរគរទាំងនេះត្រៀមដឹកចេញទៅប្រទេសវៀតណាមនោះ ប៉ុន្តែអាជ្ញាធរវៀតណាមហាមឃាត់មិនអោយដឹកជញ្ជូនចូលជាដាច់ខាត។
បើយោងតាមការអោយដឹកពីអ្នកមើលការខុសត្រូវម្នាក់ នៅកន្លែងដែកអេតចាយដែលត្រៀមដឹកជញ្ជូនតាមផ្លូវទឹកនៅចំណុចស្ពានដែកកាលពីព្រឹកថ្ងៃទី១២ វិច្ឆិកា បាននិយាយប្រាប់អោយដឹងថា គំនរដែកអេតចាយដាក់តាមមាត់ទឹកនោះ គឺជាការត្រៀមដឹកចុះទៅវៀតណាម ប៉ុន្តែអាជ្ញាធរវៀតណាមបានរឹតបន្តឹងសារជាថ្មីមិនអោយនាំដែកអេតចាយចូលតាមផ្លូវទឹកបានដូចមុនៗទេ ។
អ្នកមើលការនៅកន្លែងដែកអេតចាយនិយាយប្រាប់បន្តថា ទោះបីដឹកសម្ភារអេតចាយចូលតាមច្រកទ្វារអន្តរជាតិព្រែកចាកក៏ដោយ ក៏ខាងភាគីវៀតណាមមិនអនុញ្ញាតអោយនាំចូលដែរ។ ដោយសារតែមានការរឹតត្បឹតបែបនេះហើយ ទើបអ្នកដឹកអេតចាយចូលតាមផ្លូវទឹកវិញម្ដង ប៉ុន្តែដើមខែវិច្ឆិការ នេះ វៀតណាមចាប់បិទជិតឈឹងតែម្ដង។
លោកង៉ែត សាវឿន ប្រធានស្នាក់ការច្រកទ្វារព្រំដែនអន្តរជាតិព្រែកចាក កាលពីព្រឹកថ្ងៃទី១២ វិច្ឆិកា បាននិយាយប្រាប់អោយដឹងថា អ្នកដឹកអេតចាយទាំងនោះកន្លងមក ពួកគាត់បានដឹកជញ្ជូនតាមច្រករបៀងចូលទៅវៀតណាម។ ការដឹកជញ្ជូនរូបភាពធំដុំនេះដែលលលកចាត់ទុកថា ជារឿងខុសច្បាប់មួយទៅហើយ។
លោកង៉ែត សាវឿន និយាយប្រាប់អោយដឹងបន្តថា រឿងអាជ្ញាធរមិនអោយដឹកដឹកសម្ភារអេតចាយចូលបាន គឺជារឿងប្រទេសគេ ព្រោះគេការពារជំងឺកូវីដ19 ។
ចែករំលែកព័តមាននេះ