Lenovo បញ្ចេញទ្រនាប់ជើងឆ្លាតវៃត្រួតពិនិត្យសុខភាព
ក្រុមហ៊ុនចិន Lenovo កាលពីថ្ងៃទី២៨ ឧសភា ២០១៥ បានបញ្ចេញទ្រនាប់ជើងឆ្លាតវៃឈ្មោះ Smart Shoes ដែលមានមុខងារពិសេសត្រួតពិនិត្យសុខភាពរបស់អ្នកប្រើប្រាស់ដូចជាចង្វាក់បេះដូង
ក្រុមហ៊ុនចិន Lenovo កាលពីថ្ងៃទី២៨ ឧសភា ២០១៥ បានបញ្ចេញទ្រនាប់ជើងឆ្លាតវៃឈ្មោះ Smart Shoes ដែលមានមុខងារពិសេសត្រួតពិនិត្យសុខភាពរបស់អ្នកប្រើប្រាស់ដូចជាចង្វាក់បេះដូង សារជាតិកាល់ឡូរី និងទីតាំងផងដែរ ។ ក្រៅពីនេះវាបង្ហាញរបាយការណ៍ពាក់ព័ន្ធនឹងសុខភាពប្រចាំថ្ងៃរបស់អ្នកប្រើតាមរយៈស្មាតហ្វូនដោយបញ្ចេញសំឡេងរោទ៍ ។
នាយកប្រតិបត្តិក្រុមហ៊ុន Lenovo លោក Yang Yuanqing និយាយថា «យើងព្យាយាមបង្កើតនូវអ្វីដែល ថ្មីៗសម្រាប់បំពេញសេចក្តីត្រូវការរបស់អតិថិជន និងប្រកួតប្រជែងទីផ្សារបច្ចេកវិទ្យាដូចបាវចនា «ផលិតផល Lenovo សម្រាប់អ្នក»របស់ក្រុមហ៊ុន»។
រយៈពេលប៉ុន្មានឆ្នាំចុងក្រោយនេះក្រុមហ៊ុន Lenovo បាននិងកំពុងពង្រីកទីផ្សារភាគហ៊ុនរបស់ខ្លួនតាមរយៈការទិញអាជ្ញាប័ណ្ណស្មាតហ្វូនពីក្រុមហ៊ុន Motorola Mobility ក្នុងឆ្នាំ ២០១៤ខណៈពេលបច្ចុប្បន្នកំពុងឈរលំដាប់ថ្នាក់ទី៦ ក្នុងបញ្ជីតារាងឡេបថប ម៉ាកល្បីលើពិភពលោក ៕
ចែករំលែកព័តមាននេះ