ខេត្តកំពង់ឆ្នាំង ៖ កម្លាំងសមត្ថកិច្ចចម្រុះចុះធ្វើការត្រួតពិនិត្យអាវុធជាតិផ្ទុះ ក៏បានឃាត់ខ្លួនជនសង្ស័យ៣នាក់បន្ទាប់ពីឆែកឆេរឃើញដាវសាមូរ៉ៃមួយដើមលាក់ក្នុងកែបម៉ូតូ កាលពីវេលាម៉ោង០៨ និង៣០នាទីយប់ថ្ងៃទី២៨ ឧសភា ២០១៥ ស្ថិតនៅចំណុចផ្លូវបែកជា៤
ខេត្តកំពង់ឆ្នាំង ៖ កម្លាំងសមត្ថកិច្ចចម្រុះចុះធ្វើការត្រួតពិនិត្យអាវុធជាតិផ្ទុះ ក៏បានឃាត់ខ្លួនជនសង្ស័យ៣នាក់បន្ទាប់ពីឆែកឆេរឃើញដាវសាមូរ៉ៃមួយដើមលាក់ក្នុងកែបម៉ូតូ កាលពីវេលាម៉ោង០៨ និង៣០នាទីយប់ថ្ងៃទី២៨ ឧសភា ២០១៥ ស្ថិតនៅចំណុចផ្លូវបែកជា៤ មុខតាបារាំង ក្នុងស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ។
លោកម៉ា យុន នាយនគរបាលព្រហ្មទណ្ឌក្រុងកំពង់ឆ្នាំងបានឱ្យដឹងថា ជនសង្ស័យទាំង៣នាក់ ១-ឈ្មោះហិន ពុំសាន អាយុ១៩ឆ្នាំ ២-ឈ្មោះសុខ តេងបញ្ញា អាយុ១៨ឆ្នាំ និង៣-ឈ្មោះសោម គឹម ឆាយ អាយុ១៩ឆ្នាំ ទាំង៣នាក់មានទីលំនៅភូមិថ្មី ឃុំពង្រ ស្រុករលាប្អៀរ ។
ជនសង្ស័យទាំង៣នាក់បានសារភាពថា ដាវនេះជារបស់ឈ្មោះហិន ពុំសាន ដែលគេទិញក្នុងតម្លៃ២០ដុល្លារ ហើយដាក់តាមខ្លួនបំណងទៅរាំលែងនៅក្លិបកម្សាន្ត តែពេលមកដល់ក៏ត្រូវសមត្ថកិច្ចចាប់ឃាត់ខ្លួនតែម្តង ។ ជនសង្ស័យទាំង៣នាក់ត្រូវបានសមត្ថកិច្ចកសាងសំណុំរឿងបញ្ជូនទៅស្នងការដ្ឋានខេត្ត ដើម្បីបន្តសំណុំរឿងបញ្ជូនទៅតុលាការ ។
ចែករំលែកព័តមាននេះ