ខេត្តសៀមរាប ៖ តាមគម្រោងអាងចម្រោះខ្សាច់ របស់អាជ្ញាធរជាតិអប្សរា គ្រោងនឹងដាក់ឲ្យដំណើរការនៅដើមខែមិថុនា ខាងមុខនេះ ដែលមានទំហំ ៩គុណ៣៥ម៉ែត្រ ហើយ អាចផ្ទុកដីខ្សាច់បានដល់ទៅ៣៧០ម៉ែត្រគីប ។ កសិណអង្គរវត្ត នឹងមានអាងចម្រោះ
ខេត្តសៀមរាប ៖ តាមគម្រោងអាងចម្រោះខ្សាច់ របស់អាជ្ញាធរជាតិអប្សរា គ្រោងនឹងដាក់ឲ្យដំណើរការនៅដើមខែមិថុនា ខាងមុខនេះ ដែលមានទំហំ ៩គុណ៣៥ម៉ែត្រ ហើយ អាចផ្ទុកដីខ្សាច់បានដល់ទៅ៣៧០ម៉ែត្រគីប ។ កសិណអង្គរវត្ត នឹងមានអាងចម្រោះខ្សាច់ពីទឹក ដើម្បីទប់ល្បាក់ដីខ្សាច់ ដែលហូរចាក់ទៅក្នុងកសិណ ហើយដែលអាចបង្កឲ្យកសិណអង្គររាក់ទៅៗ ។
នាយកដ្ឋានគ្រប់គ្រប់គ្រងទឹកនៃអាជ្ញាធរជាតិអប្សរា បាននិងកំពុងរៀបចំអាងចម្រោះខ្សាច់ដ៏ធំមួយនេះ ដើម្បីការពារភាពរីករាក់ នៃកសិណអង្គរវត្តនេះ ។
ការចុះផ្សាយក្នុងផេកហ្វេសប៊ុករបស់អាជ្ញាធរជាតិអប្សរានោះបានពន្យល់ថា អាងចម្រោះដីខ្សាច់ខាងលើ នឹងអាចជួយទប់ខ្សាច់ រួមនិងកករធូលីផ្សេងៗ ដែលតែងហូរចូលក្នុងកសិណអង្គរជារៀងរាល់ឆ្នាំ ដែលជាហេតុធ្វើឲ្យកសិណឆាប់រាក់ទៅៗ ។
ចំណែកលោក ភឿង សុឃីម អនុប្រធាននាយកដ្ឋានគ្រប់គ្រងទឹក នៃអាជ្ញាធរជាតិអប្សរា បានប្រាប់ថា ជារៀងរាល់ឆ្នាំមានល្បាក់ដីខ្សាច់ និងកករធូលីប្រមាណពី ២០ទៅ២៥ ម៉ែត្រគីប ដែលហូរចាក់ចូលទៅក្នុងកសិណអង្គរវត្ត ធ្វើឲ្យកសិណកាន់តែរាក់ទៅៗ និងធ្វើឲ្យទឹកមិនស្អាតទៀតផង ។ លោកបន្តថា ខាងជំនាញរបស់អាជ្ញាធរជាតិអប្សរា កំពុងកសាងអាងចម្រោះខ្សាច់នេះ ដើម្បីស្រោចស្រង់កសិណអង្គរវត្ត កាលពីនៅសម័យដើម ក៏មានអាងចម្រោះរបៀបនេះដែរ ដែលអាងនោះស្ថិតនៅ ច្រកបញ្ចូលទឹកបារាយណ៍ខាងលិច ដែលសព្វថ្ងៃគេហៅថា «ត្រពាំងខ្យង» ដែលមានតួនាទី ធ្វើឲ្យទឹកថ្លា មុននឹងចាក់បញ្ចូលទៅក្នុងបារាយណ៍ ។ បច្ចុប្បន្នអាងចម្រោះទឹកនោះ កំពុងស្តារឡើងវិញផងដែរ។
គួរបញ្ជាក់ផងដែរថា គម្រោងអាងចម្រោះខ្សាច់ នៅកសិណអង្គរវគ្គ ដែលអាជ្ញាធរជាតិអប្សរា កំពុងសាងសង់នោះ ស្ថិតនៅច្រកសំពៅលូន ត្រង់ច្រកបញ្ចូលទឹកផ្នែកខាងជើង ឆៀងខាងលិច កសិណអង្គរវត្ត ដែលបែងចែកជា៣ដំណាក់កាល ឫ៣អាង ៖
អាងទី១ នៅខាងមុខ មានតួនាទីសម្រាប់ទប់កាកសំណល់ដែលធ្ងន់ៗ ដូចជាមែកឈើជាដើម។
អាងទី២ មានរាងជាធ្មេញរណា ដើរតួសំខាន់ជាងគេ ដែលធ្វើឲ្យល្បឿនទឹកស្ទើរតែស្មើសូន្យ ដែលមានកករខ្សាច់ ឫ កករតូចៗធ្លាក់រង ក្នុងអាងនេះ ពេលទឹកហៀរពីលើប្រហែលពី០.០៥ម ទៅ០.១ម មុននឹង ធ្លាក់ចូលអាងទឹក និងអាង។
ទី៣ មានកម្ពស់ទាបជាងអាងទី២ បន្ដិច សម្រាប់រងកករចុងក្រោយមុននឹងហូរចូលក្នុងកសិណអង្គរ ៕
ចែករំលែកព័តមាននេះ