ប្រទេសកូរ៉េខាងត្បូង ៖ ក្រសួងដែនដីហេដ្ឋារចនាសម្ព័ន្ធនិងដឹកជញ្ជូនកូរ៉េខាងត្បូង ប្រកាសកាលពីថ្ងៃទី១១ ខែវិច្ឆិកា ឆ្នាំ២០២០ ថា កូរ៉េខាងត្បូងបានសាកល្បងសេវាកម្មតាក់ស៊ីអាកាសគ្មានអ្នកបើកបរនៅក្រុងសេអ៊ូល រដ្ឋធានីរបស់ប្រទេស ខណៈដែលខ្លួនស្វែងរកធ្វើពាណិជ្ជកម្មសេវាកម្មចល័តតាមផ្លូវអាកាសក្នុងតំបន់ទីក្រុង នាឆ្នាំ២០២៥។
ក្រសួងនោះនិយាយថា រដ្ឋាភិបាលបានសាកល្បងដ្រូនតាក់ស៊ី៦គ្រឿងនៅតំបន់ YEOUIDO ភាគខាងលិចទីក្រុងសេអ៊ូល។ នេះជាលើកដំបូងដែលប្រទេសនោះធ្វើតេស្តសេវាកម្មបែបនោះ ក្នុងទីក្រុងដែលមានប្រជាជនច្រើន។ ការសាកល្បងប្រហាក់ប្រហែលគ្នានោះ ធ្លាប់បានធ្វើនៅតាមទីតាំងសាកល្បងនានា នៅ INCHEON ខាងលិចក្រុងសេអ៊ូល និងនៅ YEONGWOLចម្ងាយ២០០គីឡូម៉ែត្រខាងលិចរដ្ឋធានី។
ដ្រូនតាក់ស៊ីទាំង៦គ្រឿងដែលប្រើ ក្នុងការសាកល្បងនៅក្រុងសេអ៊ូល ជាដ្រូនធុនEH216ផលិតដោយក្រុមហ៊ុនតាក់ស៊ីអាកាសគ្មានមនុស្សបើកចិន EHANG។ ដ្រូនទាំងនោះនិមួយៗមានកៅអី២និងមានទម្ងន់៦៥០គីឡូក្រាម៕ ដកស្រង់ចេញពីវេបសាយ ៖ yna
ចែករំលែកព័តមាននេះ