សភាម៉ាដាហ្គាស្ការបោះឆ្នោតដកហូតតំណែងប្រធានាធិបតី
បណ្តាសមាជិកសភាម៉ាដាហ្គាស្ការកាលពីយប់ថ្ងៃទី២៦ ឧសភា បានបោះឆ្នោតដោយសំឡេងភាគច្រើនដកហូតតំណែងប្រធានាធិបតីពីលោក HERY RAJAONARIMAMPIANINA ដែលទទួលការចោទ
បណ្តាសមាជិកសភាម៉ាដាហ្គាស្ការកាលពីយប់ថ្ងៃទី២៦ ឧសភា បានបោះឆ្នោតដោយសំឡេងភាគច្រើនដកហូតតំណែងប្រធានាធិបតីពីលោក HERY RAJAONARIMAMPIANINA ដែលទទួលការចោទប្រកាន់ជាពិសេសថា រំលោភបំពានលើរដ្ឋធម្មនុញ្ញ ដែលបែបនេះអាចឱ្យប្រទេសដែនកោះដ៏ធំនោះធ្លាក់ក្នុងវិបត្តិនយោបាយថ្មីមួយ ។
តុលាការរដ្ឋធម្មនុញ្ញពេលនេះត្រូវអនុម័តលើភាពត្រឹមត្រូវឬអត់ចំពោះការដកហូតតំណែងប្រធានាធិបតី ដោយសមាជិកសភា១២១រូប ហើយមានអ្នកជំទាស់តែ៤រូបក្នុងចំណោមសមាជិកសភាទាំង១២៥រូបដែលចូលរួមបោះឆ្នោត។ សភាម៉ាដាហ្គាស្ការមានសមាជិកទាំងអស់១៥១រូប ។ សំឡេងភាគច្រើន២ភាគ៣ សម្រាប់ការដកហូតតំណែងប្រធានាធិបតីមាន១០១សំឡេង។ លោក HERY RAJAONARIMAMPIANINA កាលពីខែធ្នូ ឆ្នាំ២០១៣ ធ្លាប់អះអាងថា ប្រទេសម៉ាដាហ្គាស្ការ ទីបំផុតអាចចេញផុតពីវិបត្តិនយោបាយ និងសេដ្ឋកិច្ចដ៏ធ្ងន់ធ្ងរបំផុតដែលប្រទេសនេះជួបប្រទះតាំងពីការផ្តួលរំលំប្រធានាធិបតីលោក RAVALOMONANA ដោយអភិបាលរដ្ឋធានីអង់តាណារីវ៉ូ លោក ANDRY RAJOELINA ពីឆ្នាំ២០០៩ មក ៕
ចែករំលែកព័តមាននេះ