យោងតាមទីភ្នាក់ងារព័ត៌មានស៊ីរី SANA ថា ពួកបះបោរក្រុមរដ្ឋអ៊ិស្លាម១៤០នាក់បានត្រូវស្លា.ប់កាលពីថ្ងៃទី២៦ ឧសភា ដោយសារការវាយប្រហារតាមអាកាសនានារបស់កងទ័ពស៊ីរីនៅ
យោងតាមទីភ្នាក់ងារព័ត៌មានស៊ីរី SANA ថា ពួកបះបោរក្រុមរដ្ឋអ៊ិស្លាម១៤០នាក់បានត្រូវស្លាប់កាលពីថ្ងៃទី២៦ ឧសភា ដោយសារការវាយប្រហារតាមអាកាសនានារបស់កងទ័ពស៊ីរីនៅខេត្តរ៉ាកាជាទីតាំងរបស់ក្រុមរដ្ឋអ៊ិស្លាមនៅភាគខាងជើងស៊ីរី ។
ការវាយប្រហារទាំងនោះសំដៅលើបណ្តាទីតាំងក្រុមរដ្ឋអ៊ិស្លាមនៅក្នុងនិងជុំវិញមូលដ្ឋានអាកាសចរណ៍តាបាកា ជាទីតាំងយោធាសំខាន់មួយធ្លាក់ក្នុងដៃក្រុមរដ្ឋអ៊ិស្លាមដែលចាត់ទុកក្រុងរ៉ាកាជារដ្ឋធានីរបស់ពួកគេ ។
ក្រុមរដ្ឋអ៊ិស្លាមដឹកនាំដោយលោកអាប៊ូបាក់អាល់បាដាឌី ជាអ្នកបញ្ជាលើយុទ្ធជនជាច្រើនសិបពាន់នាក់បានប្រកាសពីទិសដៅបង្កើតរដ្ឋអ៊ិស្លាម(កាលីហ្វាត)មួយនៅអីុរ៉ាក់និងនៅស៊ីរី ដើម្បីតស៊ូប្រឆាំងរដ្ឋាភិបាលអីុរ៉ាក់ដឹកនាំដោយពួកស៊ីអីុតនិងរដ្ឋាភិបាលរបស់ប្រធានាធិបតីស៊ីរីលោកបាចាអាល់អាសាដ។
ក្នុងលេខ៩នៃទស្សនាវដ្តីឃោសនាជាភាសាអង់គ្លេសរបស់ខ្លួនឈ្មោះថា DABIQ ក្រុមរដ្ឋអ៊ិស្លាមបានចេញផ្សាយអត្ថបទមួយទាក់ទិននឹងអង្គការនោះ ។ ក្នុងអត្ថបទនេះក្រុមរដ្ឋអ៊ិស្លាមនិយាយថា ក្រុមរបស់គេអាចត្រៀមរយៈពេល១ឆ្នាំទៀតឱ្យទទួលបានអាវុធនុយក្លេអ៊ែរតាមរយៈប្រទសប៉ាគីស្ថាន ។ ទោះបីនោះជាការឃោសនាតែក្រុមរដ្ឋអ៊ិស្លាមហាក់ដូចជាចង់ឱ្យការស្រមៃនោះរបស់គេក្លាយទៅជាការពិត ៕
ចែករំលែកព័តមាននេះ