ការបើកបរដែលប្រកបដោយសុវត្ថិភាពគឺជាការផ្តល់ឱកាសឲ្យអ្នកប្រើប្រាស់ផ្លូវដទៃប៉ាន់ស្មានទុកពីអ្វីដែលរថយន្តអ្នកនឹងប្រតិបត្តិ ។ ចំណែកការប្រើប្រាស់ភ្លើងសញ្ញាចរាចរណ៍ក៏ពុំមានការលំបាកប៉ុន្មានដែរ បើលោកអ្នកអនុវត្តវាឱ្យបានត្រឹមត្រូវនោះប្រាកដជាអាចការពារបាននូវឧប្បត្តិហេតុផ្សេងៗ ពីព្រោះនៅពេលលោកអ្នកប្រើវានឹងអាចផ្តល់ជាសញ្ញាដល់យានដទៃទាំងនៅខាងមុខនិងក្រោយឱ្យបានដឹងពីបំណងរបស់អ្នកជាមិនខាន ។
ដូចនេះសូមណែនាំពីវិធីប្រើប្រាស់ភ្លើងសញ្ញាពេលបត់រថយន្តឱ្យមានសុវត្ថិភាពដូចតទៅ ៖
១-រកមើលដងចង្កឹះដែលមានទីតាំងស្ថិតនៅផ្នែកខាងឆ្វេងនៃចង្កូតរថយន្ត ។ (ចំពោះរថយន្តមួយចំនួនដូចជាប្រភេទចង្កូតស្តាំគឺវាស្ថិតនៅខាងស្តាំដៃ)
២-ដើម្បីវាយស៊ីញ៉ូបត់ឆ្វេង ចូររំកិលដងចង្កឹះនោះចុះក្រោមឬក៏រុញឡើងលើប្រសិនជាវាស្ថិតនៅស្តាំដៃចង្កូតរថយន្តអ្នក ។
៣-ដើម្បីវាយស៊ីញ៉ូបត់ស្តាំរុញដងចង្កឹះនោះឡើងលើឬចុះក្រោមប្រសិនជាវាស្ថិតនៅខាងស្តាំដៃចង្កូត ។
៤-នៅពេលអ្នករំកិលផ្លាស់ទីវាចុះឬឡើងគំនូសព្រួញនៃភ្លើងសញ្ញានឹងចាប់ផ្តើមលោតឡើងលើផ្ទាំងតាប់ឡូកុងទ័រជាមិនខាន ។
៥-ភ្លើងស៊ីញ៉ូនោះនឹងរលត់ទៅវិញដោយស្វ័យប្រវត្តិបន្ទាប់ពីអ្នកបើកបត់រួចដែលគេសង្កេតឃើញច្រើនកើតមានចំពោះម៉ូដែលជាច្រើន ប៉ុន្តែរថយន្តអ្នកក៏ត្រូវតែបត់កង់ឲ្យឆ្លងផុតពីចំណុចជាក់លាក់មួយដែរ ។ ប្រសិនជាវាមិនរលត់ដោយអូតូទេចូររំកិលដងចង្កឹះនោះមកចំណុចកណ្តាលរបស់ខ្លួនវិញ ឬក៏ក្នុងតំណែងកណ្តាល ៕
ចែករំលែកព័តមាននេះ