រាជធានីភ្នំពេញ ៖ គោញីមួយក្បាលត្រូវចរន្តអគ្គិសនីឆក់ងាប់ពេលកំពុងដើរស៊ីស្មៅក្បែរបង្គោលភ្លើងនៅចំណុចតាមផ្លូវ៥៩៨ សង្កាត់ច្រាំងចំរេះ១ ខណ្ឌប្ញស្សីកែវ បង្កឱ្យមានការភ្ញាក់ផ្អើលកាលពីវេលាម៉ោង១១ និង៣០នាទីព្រឹក ថ្ងៃទី២៦ ឧសភា ២០១៥ ។
ប្រភពបានឱ្យដឹងថា ម្ចាស់គោមានឈ្មោះអិត ស្មាន់ ភេទប្រុស អាយុ៥៣ឆ្នាំ មានទីលំនៅក្នុងសង្កាត់កើតហេតុខាងលើ។
ប្រភពបន្តថា មុនពេលកើតហេតុ គេឃើញម្ចាស់គោបានបណ្តើរគោចំនួន៤ក្បាលដើរស៊ីស្មៅតាមផ្លូវខាងលើ លុះពេលដើរដល់ចំណុចកើតហេតុគោមួយក្បាលបានដើរទៅក្បែរបង្គោលភ្លើងក៏ត្រូវចរន្តអគ្គិសនីឆក់ប្រកាច់ងាប់ភ្លាមៗតែម្តង ។
ក្រោយកើតហេតុភ្លាមៗមន្ត្រីអគ្គិសនីបានចុះទៅបិទចរន្តអគ្គិសនី ចំណែកសត្វគោដែលងាប់ត្រូវម្ចាស់ដឹកយកទៅលំនៅឋានវិញ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ