សហរដ្ឋអាមេរិក ៖ ដូចស្វាមីលោកស្រីដែរ លោកស្រីជីលបៃដិន ជាសាស្ត្រចារ្យត្រូវចូលក្នុងសេតវិមានជាថ្មីទៀត តែលើកនេះក្នុងឋានៈជាប្រធានាធិបតី និងជាស្ត្រីទីមួយសហរដ្ឋអាមេរិក ៤ឆ្នាំក្រោយចាកចេញពីទីនោះ ក្នុងនាមលោកបៃដិន ជាអនុប្រធានាធិបតីចប់អាណត្តិ។
ក្រោយជ័យជម្នះរបស់លោកចូបៃដិន ប្រជែងគ្នាជាមួយលោកដូណាល់ត្រាំ ប្រកាសកាលពីថ្ងៃទី៧ ខែវិច្ឆិកា ឆ្នាំ ២០២០ ភរិយាលោកបៃដិន ជាគ្រូបង្រៀនមួយរូប ពេលនេះនឹងប្រើប្រាស់ងាររបស់លោកស្រី ដើម្បីប្រយុទ្ធ ក្នុងវិស័យអប់រំ ។
គេស្ទើរមិនស្គាល់ពេលលោកបៃដិន ជាអនុប្រធានាធិបតី លោកស្រីជីលបៃដិន មានឪពុកជានិយោជិតធនាគារម្នាក់ មានដើមកំណើតមកពីអ៊ីតាលី មានឈ្មោះគ្រួសារថា GIACOPPA ហើយក្រោយមកយកត្រកូលជាឈ្មោះអង់គ្លេសថា JACOBS ហើយម្ដាយលោកស្រី មានដើមកំណើតអង់គ្លេស និងអេកូស។ ឪពុកម្ដាយលោកស្រីបានក្លាយទៅជាឥស្សរជននយោបាយល្បីមួយ ក្នុងឆាកនយោបាយអាមេរិក។
លោកស្រីជាកូនច្បងក្នុងចំណោមបងប្អូនស្រីទាំង៥នាក់។ លោកស្រីជីលត្រាស៊ីហ្សាកុប កើតក្នុងឆ្នាំ១៩៥១ នៅរដ្ឋញូវចឺស៊ី និងធំធាត់ នៅទីក្រុង WILLOW GROVE រដ្ឋកាលីហ្វ័រនីញ៉ា ហើយបានរៀបការជាមួយប្ដីមុនក្នុងឆ្នាំ១៩៧០ ហើយមករស់នៅ ក្នុងរដ្ឋដឹឡាវ៉ា ហើយចូលរៀនក្នុងសាកលវិទ្យាល័យនៅទីនោះ។
បន្ទាប់មកលោកស្រីបានលែងលះជាមួយស្វាមីក្រោយរៀបការបាន៤ឆ្នាំ។លោកស្រីបានជួបជាមួយព្រឹទ្ធសមាជិកលោកជូបៃដិន កាលពីឆ្នាំ១៩៧៥ ពេលលោកស្រីរៀនឆ្នាំចុងក្រោយជានិស្សិតសាស្ត្រាចារ្យ។ ពេលនោះលោកបៃដិន ក្នុងអាយុ៣៣ឆ្នាំជាបុរសពោះម៉ាយមានកូន២នាក់។
លោកស្រីបានស្គាល់គ្នាដំបូងជាមួយប្អូនប្រុសលោកបៃដិនមួយរូប ដែលរៀនសាកលវិទ្យាល័យជាមួយគ្នា ហើយណែនាំឲ្យស្គាល់បងប្រុស។ ពេលនោះលោកស្រីមានអាយុទើប២៤ឆ្នាំប៉ុណ្ណោះ។ លោកស្រីបានរៀបការជាមួយលោកបៃដិន ក្នុងឆ្នាំ១៩៧៧ ។
សូមបញ្ជាក់ថា ភរិយាទី១របស់លោក ចូបៃដិន បានបាត់បង់ជីវិតនៅក្នុងគ្រោះថ្នាក់ចរាចរណ៍មួយជាមួយកូនស្រីរបស់ពួកគេ ខណៈពេលដែលកូនប្រុស២នាក់បានរងរបួសនៅក្នុងគ្រោះថ្នាក់ចរាចរណ៍នោះផងដែរ ដូច្នេះក្រោយមកលោក ចូបៃដិន ក៏បានចាប់ដៃកសាងចំណងស្នេហាជាមួយនឹងភរិយាទី២ គឺលោកស្រីជីលបៃដិន រួចហើយក៏រួមរស់នៅជាមួយគ្នារហូតមកដល់ពេលបច្ចុប្បន្ននេះ ។ ដកស្រង់ចេញពីវេបសាយ ៖ yahoo
ចែករំលែកព័តមាននេះ