ខេត្តព្រះសីហនុ ៖ ជនសង្ស័យជាកម្មករនេសាទ ត្រូវបានចាប់ខ្លួនកាលពីម៉ោង២ រំលងអាធ្រាតថ្ងៃទី២៤ ខែឧសភា ចូលព្រឹកថ្ងៃទី២៥ ខែសភា ឆ្នាំ២០១៥ នេះ ដោយសង្ស័យថា បានប្រើហិង្សាកាប់ជនរងគ្រោះ ឲ្យរបួសនៅក្នុងខេត្តព្រះសីហនុ ។
លោកសេនីយ៍ត្រី ភុល ភ័ស្តា អធិការនគរបាលក្រុងព្រះសីហនុ បានអោយដឹងថា ក្រោយពីទទួលបានព័ត៌មានកំលាំងនគបាលប៉ុស្តិ៍សង្កាត់លេខ១ បានចុះទៅកន្លែងកើតហេតុ និងឃាតខ្លួនជនសង្ស័យខាងលើយកមកសាកសួរ ។ ជនសង្ស័យមានឈ្មោះ ទិត្យ ជឿន អាយុ៣៤ឆ្នាំ មានមុខរបរកម្មកទូក ។ រីឯស្ត្រីរងគ្រោះអាយុ៣៣ឆ្នាំ ជនជាតិខ្មែរ និងជាអ្នកលក់ដូរ ។
លោកបន្តថា ចំពោះមូលហេតុហិង្សាកាប់ឲ្យរបួសនេះ ដោយសារបុរសជនសង្ស័យនេះបានមកផឹកស៊ី នៅផ្ទះជនរងគ្រោះខាងលើ ជាញឹកញាប់ លុះដល់វេលាម៉ោងប្រមាណជាង២ទៀបភ្លឺ ឈានចូលថ្ងៃទី២៥ ឧសភា ជនសង្ស័យបានចូលទៅចាប់ស្ត្រីរងគ្រោះ តែមិនបានសម្រេច ក៍ដកកាំបិតកាប់ទៅលើស្ត្រីរងគ្រោះ បណ្តាលអោយរងរបួស ត្រូវបានក្រុមគ្រួសារបញ្ជូនទៅព្យាបាលនៅមន្ទីពេទ្យភ្លាមៗផងដែរ ។
បច្ចុប្បន្នជនជាប់ចោទត្រូវបាននាំខ្លួនទៅកាន់អធិការខេត្តព្រះសីហនុ ដើម្បីសាកសួរ មុននាំខ្លួនទៅតុលាការ ដើម្បីចាត់កាទៅតាមនីតិវិធីច្បាប់ ៕
ចែករំលែកព័តមាននេះ