ការឌឺដងដាក់គ្នា រវាងពួកបាតុករគាំទ្រលោកត្រាំ និងបាតុករគាំទ្រលោកបៃដេនភាពតានតឹងកើតមានកាលពីថ្ងៃទី៥ វិច្ឆិកា ឆ្នាំ២០២០ រវាងពួកបាតុករគាំទ្រលោកដូណាល់ត្រាំ និងពួកបាតុករគាំទ្រលោកចូបៃដេន នៅមុខមជ្ឈមណ្ឌលសន្និសីទក្រុងហ្វីឡាដែលហ្វីយ៉ា ជាកន្លែងរាប់សន្លឹកឆ្នោតដែលបោះតាមប្រៃសណី ។
ភាពតានតឹងកើតមានខ្លាំងនៅរដ្ឋផេនសីុលវេនៀ ធ្វើឱ្យលទ្ធផលនៃការបោះឆ្នោតប្រធានាធិបតីអាមេរិក នៅមិនទាន់ច្បាស់នៅឡើយ ។
នៅតាមដងថ្នល់នានាពួកបាតុករប្រឆាំងលោកត្រាំរាប់សិបនាក់បានលើកប៉ាណូនានា
អំពាវនាវឲ្យមានការបន្តរាប់សន្លឹកឆ្នោត ដេោយក្នុងជួរបាតុកម្មនោះមានអ្នកចូលរួមខ្លះនាំគ្នារាំជាមួយការចាក់បទភ្លេងដ៏កងរំពង ។
នៅទល់មុខគ្នា ពួកបាតុករគាំទ្រលោកត្រាំ ដែលជំទាស់ចំពោះការបន្តរាប់សន្លឹកឆ្នោត បញ្ជូនមកតាមប្រៃសណីយ៍បាននាំគ្នាស្រែកថា រដ្ឋផេនសីុលវេនៀអនុញ្ញាតឲ្យរាប់តែសន្លឹកឆ្នោតដែលផ្ញើមកដល់ត្រឹមថ្ងៃទី៣ វិច្ឆិកា ហើយបដិសេធសន្លឹកឆ្នោតដែលមកដល់យឺតក្រោយថៃ្ងបោះឆ្នោត ។
បាតុករទាំង២ក្រុម បានឌឺដងដាក់គ្នាយ៉ាងចុកចាប់ផងដែរ ។ នៅរដ្ឋផេនសុីលវេនៀដែលមានអង្គបោះឆ្នោត២០រូប ជារដ្ឋចុងក្រោយមួយក្នុងចំណោមរដ្ឋចុងក្រោយទាំងឡាយដែលអ្នកឈ្នះនៅមិនទាន់ប្រកាសនៅឡើយ ៕
ចែករំលែកព័តមាននេះ