សហរដ្ឋអាមេរិក ៖ បណ្ដាអ្នកសង្កេតការណ៍អន្តរជាតិរបស់អង្គការ ដើម្បីសន្តិសុខ និងកិច្ចសហប្រតិបត្តិការនៅអឺរ៉ុប OSCE កាលពីថ្ងៃទី៤ វិច្ឆិកា បានរិះគន់យ៉ាងខ្លាំង ចំពោះការអះអាងពុំមាន
មូលដ្ឋានទាំងឡាយរបស់ប្រធានាធិបតីអាមេរិក លោកដូណាល់ត្រាំស្ដីពីការក្លែងបន្លំក្នុងការបោះឆ្នោតប្រធានាធិបតីអាមេរិក ដោយគូសបញ្ជាក់ថា ការអះអាងបែបអស់ទាំងនោះ ធ្វើឲ្យចុះខ្សោយ
ដល់ជំនឿទុកចិត្តរបស់សាធារណជនដល់បណ្ដាស្ថាប័នប្រជាធិបតេយ្យ ។
សមាជិកសភាអាល្លឹម៉ង់លោក MICHAEL GEORG LINK ជាអ្នកសម្របសម្រួលរបស់អ្នកសង្កេតការណ៍អន្តរជាតិ ទទួលបន្ទុកតាមដានការបោះឆ្នោតនោះគូសបញ្ជាក់ថា គ្មានអ្នកនយោ
បាយណាម្នាក់ ឬមនុស្សណាម្នាក់កម្រិតសិទ្ធិបោះឆ្នោតរបស់ប្រជាជនបានឡើយ ។ ក្នុងសេចក្ដី
ប្រកាសមួយលោកបន្តថា ក្រោយយុទ្ធនាឃោសនាបោះឆ្នោតដ៏តឹងតែងវាបានបញ្ជាក់ថា សន្លឹក
ឆ្នោតនិមួយៗត្រូវតែរាប់ ហើយនោះជាកាតព្វកិច្ចជាមូលដ្ឋានមួយសម្រាប់គ្រប់ផ្នែករបស់រដ្ឋា
ភិបាល។
បេសកកម្មរបស់ OSCE បានធ្វើការសន្និដ្ឋានថា ការបោះឆ្នោតប្រធានាធិបតីអាមេរិកថ្ងៃទី៣ ខែវិច្ឆិកា ធ្វើឡើងដោយមានប្រសិទ្ធិភាពនិងមានការគ្រប់គ្រងបានល្អ ក៏ទោះបីមានការប្រឈមជា
ច្រើនដោយសារការឆ្លងរាលដាលនៃវីរុស COVID-19 ក្ដី ។ ប៉ុន្តែយុទ្ធនាឃោសនាបោះឆ្នោតនោះ មានលក្ខណៈបង្ហាញពីការបែកបាក់គ្នាយ៉ាងខ្លាំង ជួនកាលមានការបង្កើតឧបសគ្គដល់ការដេញដោលគ្នាខាងនយោបាយ ហើយនៅមានការអះអាងគ្មានមូលដ្ឋានទាំងឡាយពីការក្លែងបន្លំ។
ខណៈលទ្ធផលនៃការបោះឆ្នោតនេះកំពុងតែចេញ នាយប់ថ្ងៃទី៣ មកទី៤ ខែវិច្ឆិកា លោកត្រាំបែរ
ជាចេញមុខប្រកាសថា រូបលោកជាអ្នកឈ្នះភ្លូកទឹក ភ្លូកដីក្នុងការបោះឆ្នោតនោះហើយ ដោយចោទប្រកាន់ពួកអ្នកប្រជាធិបតេយ្យថា ប៉ុនប៉ងលួចសន្លឹកឆ្នោតពីលោក ។
គួររំលឹកថា ៖ លោកត្រាំប្រកាសខ្លួនឯងមុនថា ជាអ្នកឈ្នះក្នុងការបោះឆ្នោត ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ