សហរដ្ឋអាមេរិក ៖ ការបោះឆ្នោតប្រធានាធិបតីអាមេរិក លទ្ធផលដំបូងនានាបង្ហាញថា បេក្ខជនទាំង២ មានការប្រទែងប្រទង់គ្នាខ្លាំងបំផុត តែទីបំផុតបេក្ខជនគណបក្សប្រជាធិបតេយ្យ លោកចូបៃដេនបានឈ្នះក្នុងរដ្ឋមីជីហ្គេន ជារដ្ឋគន្លឹះមួយនាំឲ្យសំឡេងលោកកើនលឿនដណ្ដើមបានមហាអ្នកឆ្នោតដល់២៦៤ទល់នឹង២១៤សម្រាប់លោកដូណាល់ត្រាំ។
ដូច្នោះលោកបៃដេននៅខ្វះតែ៦សំឡេងទៀតប៉ុណ្ណោះឈានទៅទទួលបានមហាអ្នកបោះឆ្នោត២៧០នឹងក្លាយជាអ្នកឈ្នះ។ លោកដូណាល់ត្រាំ់កាលពីថ្ងៃទី៤វិច្ឆិកា បានប្ដឹងទៅតុលាការកំពូលឲ្យផ្អាកការរាប់សន្លឹកឆ្នោតក្នុងរដ្ឋមីជីហ្គេននោះ តែទីបំផុតលទ្ធផលបោះឆ្នោតក្នុងរដ្ឋនេះ ឈានទៅប្រកាសដែលលោកបៃដេនជាអ្នកឈ្នះ។
ការឈ្នះឆ្នោតក្នុងរដ្ឋនោះរបស់លោកបៃដេន ជាការវាយបកមួយដ៏ធ្ងន់ចំពោះលោកដូណាល់ត្រាំ ដែលក្នុងការបោះឆ្នោតកាលពីឆ្នាំ២០១៦លោកជាអ្នកឈ្នះក្នុងរដ្ឋនោះ ប្រឈមមុខនឹងលោកស្រីហីុលឡារីគ្លីនតុន។ រដ្ឋនោះជារដ្ឋអតីតបេះដូងឧស្សាហកម្មរថយន្តអាមេរិក ជារដ្ឋគន្លឹះមានមហាអ្នកបោះឆ្នោតដល់ទៅ១៦។
ការឈ្នះនេះនាំឲ្យលោកបៃដេនដណ្ដើមបាន មហាអ្នកបោះឆ្នោតសរុបឡើងដល់២៦៤ ទល់នឹង២១៤សម្រាប់លោកដូណាល់ត្រាំ។ នៅសល់លទ្ធផលក្នុងរដ្ឋ៥ទៀត ក្នុងនោះមានរដ្ឋផេនស៊ីលវេនៀ ចចជៀនិងការ៉ូលីនខាងជើង ដែលគេរង់ចាំលទ្ធផលនៅឡើយ។
លោកចូបៃដេនពេលនះកំពុងបោះជំហានមករកមាត់ទ្វារសេតវិមានហើយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ