ខេត្តព្រះសីហនុ ៖ តាមប្រភពព័ត៌មានបឋមពីសមត្ថកិច្ចបានឱ្យដឹងថា មានករណីរកឃើញទូរស័ព្ទដៃចំនួន៣កេស ស្មើនឹង៩៩៧គ្រឿង នៅក្នុងរថយន្តមួយគ្រឿងម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ ២AG-១៦១៥ ។ ពាក់ព័ន្ធនឹងករណីខាងលើនេះ សមត្ថកិច្ចសង្សយ័ថា ទូរស័ព្ទទាំងនោះគ្មានឯកសារពន្ធ។
ហេតុការណ៍រកឃើញទូរស័ព្ទដៃជាច្រើនគ្រឿងខាងលើ គឺបន្ទាប់ពីកម្លាំងគណៈបញ្ជាការឯកភាពរដ្ឋបាលស្រុកព្រៃនប់ ចុះត្រួតពិនិត្យសន្តិសុខតាមផ្លូវជាតិលេខ៤ ក្នុងភូមិសាស្ត្រស្រុកព្រៃនប់ ខេត្តព្រះសីហនុ កាលពីយប់ថ្ងៃទី៤ ខែវិច្ឆិកាឆ្នាំ២០២០។
បច្ចុប្បន្ន ទូរស័ព្ទទាំងអស់ខាងលើ ត្រូវបានសមត្ថកិច្ចបញ្ជូនទៅអធិការដ្ឋាននគរបាលស្រុកព្រៃនប់ ដើម្បីប្រគល់ជូនមន្ត្រីគយចាត់ចែងបន្តតាមនិតិវិធី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ