សហរដ្ឋអាមេរិក ៖ លោកដូណាល់ ត្រាំ ប្រកាសដោយខ្លួនឯងនាថ្ងៃទី៤ វិច្ឆិកា ពីជ័យជម្នះរបស់លោកក្នុងការបោះឆ្នោតប្រធានាធិបតី ដែលបែបនេះនាំឲ្យអាមេរិកធ្លាក់ក្នុងស្ថានភាពមួយមិនដឹងទៅជាបែបណា និងនាំឲ្យមានការព្រួយបារម្ភ ខណៈពេលលទ្ធផលនៃការបោះឆ្នោតនៅមិនទាន់ដឹងក្នុងរដ្ឋគន្លឹះមួយចំនួននៅឡើយផង។
ចំណែកលោកចូបៃដេន គូប្រកួតប្រជែងរបស់លោកត្រាំ បានស្នើដល់បណ្ដាអ្នកគាំទ្រលោកប្រកាន់ការអំណត់ និងមិនទាន់ហ៊ានថា លោកជាអ្នកឈ្នះនៅឡើយ។
ក្នុងសង្កថាដ៏ខ្លីមួយនៅសេតវិមានលោកត្រាំ បានថ្លែងថា និយាយដោយត្រង់ទៅយើងបានឈ្នះក្នុងការបោះឆ្នោត។ លោកបានលើកពីការក្លែងបន្លំមួយ តែមិនបានផ្ដល់ភស្ដុតាងច្បាស់ណាមួយនិងថា លោកចង់ប្ដឹងទៅតុលាការកំពូល។ លោកបន្តថា យើងត្រៀមប្រារព្ធរឿងដ៏អស្ចារ្យមួយ។
ចំណែកលោកចូបៃដេន មុននេះនិយាយថា លោកកំពុងស្ថិតលើផ្លូវដ៏ល្អមួយ ដើម្បីឈានទៅឈ្នះការបោះឆ្នោតនេះ។ លោកថ្លែងទៅកាន់បណ្ដាមនុស្សរបស់លោកថា ចូរយើងធ្វើចិត្តឲ្យត្រជាក់យើងនឹងឈ្នះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ