សហរដ្ឋអាមេរិក ៖ តើនរណានឹងត្រូវបានជ្រើសរើសជាប្រធានាធិបតីអាមេរិក ក្នុងការបោះឆ្នោតប្រធានាធិបតីនាថ្ងៃទី៣ វិច្ឆិកា ត្រូវនឹងថ្ងៃទី៤វិច្ឆិកានៅស្រុកខ្មែរ ? ប្រធានាធិបតីចប់អាណត្តិ លោកដូណាល់ ត្រាំ ឬបេក្ខជនគណបក្សប្រជាធិបតេយ្យលោកចូបៃដេន ?
ចាប់តាំងពីដើមខែតុលាមកការស្ទាបស្ទង់មតិនានា បានផ្ដល់ឲ្យលោកបៃដេននាំមុខ ប៉ុន្តែពួកអ្នកប្រជាធិបតេយ្យនៅចងចាំមេរៀននៃការបោះឆ្នោតកាលពីឆ្នាំ២០១៦ ហើយហាក់សម្ដែងការប្រុងប្រយ័ត្ន ខណៈការបោះឆ្នោតប្រធានាធិបតីអាមេរិកលើកនេះ ប្រព្រឹត្តទៅក្នុងបរិយាកាសតាន
តឹងខ្លាំង បន្ទាប់ពីភាពតានតឹងច្រើនខែរវាងគណបក្សទាំង២ ។ ពិភពលោកកំពុងតែតាមដានអ៊ុត
មើលលទ្ធផលនៃការបោះឆ្នោតនោះ ។
លោកចូបៃដេនការស្ទាបស្ទង់មតិនានា ប្រឈមមុខជាមួយលោកត្រាំ នាបណ្ដាម៉ោងចុងក្រោយមុនការបោះឆ្នោត ផ្ដល់់ឲ្យលោកជាអ្នកឈ្នះ ។ ទីក្រុងមួយចំនួនដូចជាក្រុងវ៉ាស៊ីនតោនជាដើមមានការភ័យខ្លាចដែលអំពើហិង្សាផ្ទុះឡើង រវាងពួកអ្នកគាំទ្ររបស់បេក្ខជនទាំង២រូប ក្រោយ
ចេញលទ្ធផលនៃការបោះឆ្នោតនោះ ។ រដ្ឋធានីសហព័ន្ធចាប់ផ្ដើមរៀបចំបណ្ដាបារ៉ាស់ ចាប់តាំងពីប៉ុន្មានថ្ងៃមកហើយ រួចប៉ូលិសបានហាមឃាត់ការធ្វើចរាចរណ៍នាថ្ងៃទី៣ វិច្ឆិកា នៅតាមវិថីមួយចំនួននៃទីក្រុងនោះ ។
លោកដូណាល់ ត្រាំ ធ្លាប់លើកជាច្រើនសារ បដិសេធមិននិយាយច្បាស់ថា លោកនឹងព្រមចាក
ចេញពីអំណាចដោយសន្តិវិធីក្នុងករណីលោកទទួលបរាជ័យ ។
មុនការបោះឆ្នោតនាថ្ងៃទី៣ វិច្ឆិកានោះ ពលរដ្ឋអាមេរិកជាង៩៥លាននាក់បានបោះឆ្នោតមុនពេលកំណត់រួចហើយ ។ នោះជាចំនួនអ្នកទៅបោះឆ្នោតមុនកាលកំណត់ច្រើនបំផុតពិសេសក្នុងរដ្ឋមួយចំនួន ។
ពលរដ្ឋបារាំងភាគច្រើនមិនចូលចិត្តលោកត្រាំយោងតាមការស្ទាបស្ទង់មតិមួយរបស់ FRANCEINFO និងរបស់កាសែតបារាំង LE FIGARO ចេញផ្សាយនាថ្ងៃទី២ វិច្ឆិកាថា ពល
រដ្ឋបារាំង៨ភាគ១០បង្ហាញពីការមិនចូលចិត្តចំពោះលោកដូណាល់ត្រាំឡើយ ។ មុនការបោះឆ្នោតប្រធានាធិបតីអាមេរិក ក្នុងចំណោមពលរដ្ឋបារាំងដែលគេបានសាកសួរ៨៥%មិនចូល
ចិត្តលោកត្រាំ ។ លោកត្រាំត្រូវបានវិនិច្ឆ័យថាជាមនុស្សកាចច្រឡោតដោយពលរដ្ឋបារាំង៨៤%។
លោកត្រាំត្រូវបានពលរដ្ឋបារាំង៨០%មើលឃើញថាមនុស្សគ្រោះថ្នាក់ ៨៦%យល់ថាជាមនុស្សវិសមានចិត្ត ៨៤%ថាជាមនុស្សមិនស្មោះត្រង់ ៧៨%ថាជាមនុស្សប្រកាន់ពូជសាសន៍និង៨០%ថា ជាមនុស្សមិនមានសមត្ថភាព ។ ផ្ទុយទៅវិញគូប្រជែងលោកចូបៃដេនទទួលបានប្រជាប្រិយភាពខ្ពស់ពីសំណាក់ពលរដ្ឋបារាំង ដែលគេបានសាកសួរ ។
ពលរដ្ឋបារាំងដែលគេសាកសួរ៧ភាគ១០ ត្រូវជា៦៩%យល់ថា លោកបៃដេនជាមនុស្សមានសមត្ថភាព ។ ៦៨%យល់ថាជាអ្នកមានសមានចិត្ត ៦៦%យល់ថាជាអ្នកមានបទពិសោធន៍និង៦៥%ថាជាអ្នកស្មោះត្រង់ ។ ចំណុចខ្សោយតែមួយគត់របស់លោកបៃដេនគឺជាអ្នកបច្ចេកាធិបតេយ្យ TECHNOCRATE (៦៩%) និង៦៤%ថាចាស់ជ្រុល ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ