ប្រទេសហ្វ៊ីលីពីន ៖ អាជ្ញាធររាយការណ៍នាថ្ងៃទី២ វិច្ឆិកាថា មនុស្សយ៉ាងតិច២០នាក់បានបាត់
បង់ជីវិត ហើយផ្ទះច្រើនសិបពាន់ខ្នងត្រូវបានបំផ្លាញនៅហ្វ៊ីលីពីន បន្ទាប់ពីការវាយប្រហាររបស់ព្យុះទីហ្វុងឈ្មោះ GONI ជាព្យុះដ៏ខ្លាំងបំផុតប្រចាំឆ្នាំក្នុងប្រទេសដែនកោះនោះ ។ គមនាគមន៍
ជាមួយបណ្ដាតំបន់រងការប៉ះពាល់ខ្លាំងនៅតែដាច់ ។
ខេត្ត CATANDUANES និងខេត្ត ALBAY លើកោះលូហ្សុង ដែលមានប្រជាជនច្រើនជាងគេបំផុតរបស់ប្រទេស រងការប៉ះពាល់ខ្លាំងជាងគេដោយសារព្យុះនោះ ដែលអមដោយកម្លាំងខ្យល់រហូតដល់២២៥គីឡូម៉ែត្រក្នុង១ម៉ោង ពេលវាបោកបក់មកលើឆ្នេរសមុទ្រខាងកើតហ្វ៊ីលីពីនកាលពីថ្ងៃទី១ វិច្ឆិកា ។
ខ្យល់បោកបង់ខ្លាំងព្រមទាំងភ្លៀងធ្លាក់ខ្លាំង បានបំប៉ើងដំបូលផ្ទះ និងផ្ដោលរំលំបង្គោលភ្លើងទាំងឡាយ ព្រមទាំងបណ្ដាលឲ្យមានការបាក់ដី ។
ព្យុះនេះបានបោកបក់ឆ្ពោះទៅទិសខាងលិច និងបានចុះថមថយកម្លាំង ពេលវាមកដល់តំបន់ក្រុងម៉ានីល មុនពេលបោកបក់បន្តទៅកាន់សមុទ្រចិនខាងត្បូង ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ