ខេត្តកំពង់ចាម ៖ កុមារពិការភ្នែក កុមារ.គថ្លង់ កុមារកំព្រា គឺជានិច្ចកាលតែងតែមានការយកចិត្តទុកដាក់ពីសំណាក់អាជ្ញាធរមូលដ្ឋាន ព្រមទាំងសប្បុរសជននានា ។ជាក់ស្ដែងនៅព្រឹកថ្ងៃទី៣ ខែវិច្ឆិកា ឆ្នាំ២០២០…
ខេត្តកំពង់ចាម ៖ កុមារពិការភ្នែក កុមារ.គថ្លង់ កុមារកំព្រា គឺជានិច្ចកាលតែងតែមានការយកចិត្តទុកដាក់ពីសំណាក់អាជ្ញាធរមូលដ្ឋាន ព្រមទាំងសប្បុរសជននានា ។ជាក់ស្ដែងនៅព្រឹកថ្ងៃទី៣ ខែវិច្ឆិកា ឆ្នាំ២០២០ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវ ដែលអមដំណើរដោយលោកជំទាវច្រើនរូបទៀត ក្នុងនោះរួមមាន ៖ លោកជំទាវប៉ាង ដានី អភិបាលរងខេត្ត, លោកជំទាវភរិយានៃមន្ត្រីជាន់ខ្ពស់ និងភរិយាថ្នាក់ដឹកនាំក្រុមហ៊ុនខ្លះ អមដំណើរពីរាជធានីភ្នំពេញ បាននាំយកអំណោយមកចែកជូនដល់មណ្ឌលស្នាក់នៅ និងជាសាលារៀន ស្ថិតនៅភូមិទី៦ សង្កាត់វាលវង់ ក្រុងកំពង់ចាម ។
លោក កែវ ផល្លី នាយកវិទ្យាល័យអប់រំពិសេសកំពង់ចាម បានគូសបញ្ជាក់ឲ្យដឹងថា វិទ្យាល័យនេះ បានកកើតឡើងចេញពីអតីតជាសាលាកុមារពិការភ្នែក ឬកុមារ.គថ្លង់កំពង់ចាម របស់អង្គការគ្រួសារថ្មីដែលបានបង្កើតឡើងនៅក្នុងអំឡុងឆ្នាំ២០០២ និងបានសម្ភោធជាផ្លូវការដោយសម្ដេចតេជោ ហ៊ុន សែន នៅក្នុងឆ្នាំ២០០៣ ហើយបានប្ដូរឈ្មោះមកវិទ្យាល័យអប់រំពិសេសកំពង់ចាម ចាប់ពីឆ្នាំ២០១៧-២០១៨។ សិស្សវិទ្យាល័យអប់រំពិសេសសរុបចំនួន១៧១នាក់ ស្រីចំនួន៧៣នាក់ ក្នុងនោះមានសិស្សពិការភ្នែកចំនួន៥៩នាក់ សិស្ស.គថ្លង់ចំនួន១១២នាក់ ។
លោកនាយកវិទ្យាល័យអប់រំពិសេសកំពង់ចាម បន្តថា នៅក្នុងវិទ្យាល័យអប់រំពិសេសកំពង់ចាម មានសិស្សពីថ្នាក់បឋមដល់វិទ្យាល័យ ក្នុងនោះមានសិស្សពិការភ្នែកចំនួន១២ថ្នាក់ ចាប់ពីថ្នាក់ទី១ ដល់ទី១២ សិស្ស.គថ្លង់ចំនួន១៣ថ្នាក់ ចាប់ពីថ្នាក់ទី ១ក ទី១ខ ដល់ទី១២។
សិស្សពិការភ្នែកថ្នាក់ទី១ ទី២ សិស្ស.គថ្លង់ថ្នាក់ទី១ ទី២ ទី៣ ទី៤ ត្រូវរៀននៅសាលាអប់រំពិសេសទាំងព្រឹកល្ងាច ។ សិស្សថ្នាក់ផ្សេងៗទៀត ត្រូវទៅរៀននៅថ្នាក់អប់រំបរិយាបន្ត នូវសាលាចំណេះទូទៅមួយពេល។
សាលាអប់រំពិសេសបានបង្រៀនទៅតាមកម្មវិធីសិក្សារបស់ក្រសួងអប់រំ យុវជន និងកីឡា តែត្រូវបន្ថែមជំនាញពិការភាពដល់សិស្ស (សម្រាប់សិស្សពិការភ្នែកបន្ថែមជំនាញអក្សរស្ទាប ឬអក្សរប្រីយ៍ ក្បាច់គិតលេខ របៀបទម្រង់ទិស-OM កម្មវិធីកំព្យូទ័រ កម្មវិធីJor កម្មវិធីNVDAនិងZoomtext ។ ចំណែកសិស្ស.គថ្លង់ រៀនដូចសិស្សមិនមានពិការភាព តែត្រូវបន្ថែមភាសាសញ្ញា)។ ក្រៅទីនេះសាលាមានបង្រៀនភ្លេងសិល្បៈ និងបង្ហាត់ស្ដាប់ និយាយសម្រាប់សិស្ស.គថ្លង់។
ចំពោះការថែទាំសុខុមាលភាព ពិនិត្យភ្នែកវាស់កម្រិតគុំហើញ និងផ្ដល់វ៉ែនតា ឬឧបករណ៍ជំនួយដល់ការមើល និងការសិក្សា ពិនិត្យធ្មេញ សម្អាតធ្មេញ ប៉ះធ្មេញ និងដកធ្មេញ ដែលខូចចោល ពិនិត្យត្រចៀក វាស់កម្រិតស្ដាប់ឮ និងបំពាក់ម៉ាស៊ីនត្រចៀកជំនួយការស្ដាប់ រកសេវាចាក់វ៉ាក់សាំងការពារជំងឺផ្សេងៗ និងរកសេវាព្យាបាលជំងឺ ការផ្ដល់ថ្នាំពេទ្យតិចតួចជាមួយនឹងការសង្គ្រោះបឋម ។ ទីផ្នែកតំណាងសុខភាពប្រចាំសាលាការផ្ដល់សម្ភារៈអនាម័យសម្អាតខ្លួនប្រាណជាប្រចាំ។
ជាមួយគ្នានោះ ឯកឧត្តមរដ្ឋមន្ត្រីក្រសួងព័ត៌មាន និងលោកជំទាវបានរៀបចំពិធីសំណេះសំណាលពីរដងក្នុងមួយឆ្នាំ ដោយមានរៀបចំអាហារថ្ងៃត្រង់ជាមួយនឹងសម្ភារៈសិក្សាសំលៀកបំពាក់ និងថវិកាសម្រាប់សិស្ស និងការផ្ដល់ថវិកាសម្រាប់គ្រូ និងផ្ដល់សម្ភារៈប្រើប្រាស់សម្ភារៈឧបភោគបរិភោគ និងថវិកាសម្រាប់សាលា និងបានផ្ដល់អង្ករមួយតោនក្នុងមួយខែ ហើយក៏បានឧបត្ថម្ភឧបករណ៍ប្រើប្រាស់ឧបករណ៍ភ្លេងសំលៀកបំពាក់របាំសម្ភារៈជំនួយដល់ការបង្រៀន និងរៀនកុំព្យូទ័រលើតុ កុំព្យូទ័រយួរដៃ និងម៉ាស៊ីនថតសំឡេង សម្រាប់សិស្សរៀននៅសាកលវិទ្យាល័យ និងបានជួយឧបត្ថម្ភដល់យុវសិស្សឈ្មោះសុខ ឡៃហេង បន្តការសិក្សាបរិញ្ញាបត្ររយៈពេល៤ឆ្នាំគិតត្រឹម២ខែតុលានេះ។ ហើយលោកជំទាវ ក៏បានជួយឧបត្ថម្ភបន្តរយៈពេល៦ខែទៀត។
ក្រៅពីនេះ ឯកឧត្តម និងលោកជំទាវបានឧបត្ថម្ភគ្រឿងសង្ហារឹមផ្សេងៗមួយចំនួន ហើយបានកសាងខ្លោងទ្វារសាលាចំនួន១.៥០០ដុល្លារ និងបានជួយបន្ថែមថវិកាសម្រាប់ការធ្វើដំណើរកម្សាន្តប្រចាំឆ្នាំ ព្រមទាំងបានជួយសម្របសម្រួលក្នុងការចូលទស្សនារមណីយដ្ឋាននានាផងដែរ។
ឯកឧត្តមខៀវ កាញារីទ្ធ រដ្ឋមន្ត្រីក្រសួងព័ត៌មានមានប្រសាសន៍សំណេះសំណាលឲ្យដឹងដែរថា រយៈពេល១៧ឆ្នាំ ដោយបានឃើញក្មួយខ្លះបានរៀនចប់ និងបានចូលបម្រើការងារនៅក្រសួងព័ត៌មាន រួមនឹងតាមស្ថាប័ននានាផ្សេងទៀតផងដែរ។ ដោយសារតែវិបត្តិជំងឺ COVID-19 បានធ្វើឱ្យរោងចក្រនៅបណ្ដាប្រទេសមួយចំនួនលើសកលលោក ត្រូវបិទទ្វារ ដោយឡែករោងចក្រនៅប្រទេសកម្ពុជាវិញកំពុងតែមានសកម្មភាពមមាញឹកខ្លាំង ព្រោះថាដល់ខែកក្កដា ២០២១ ABA គេនឹងលុបចោលនូវព័ន្ធមួយចំនួន។
ឯកឧត្តមរដ្ឋមន្ត្រីក្រសួងព័ត៌មាន មានប្រសាសន៍បន្តថា ដូច្នេះរោងចក្រមួយចំនួនអាចនឹងត្រូវរយាលដៃក្រោយខែកក្កដានាឆ្នាំក្រោយនេះ។ ដោយសារតែការផ្ទុះឡើងនៃជំងឺ COVID-19 រាជរដ្ឋាភិបាលកម្ពុជាបានយកចិត្តទុកដាក់ខ្ពស់ ដោយបានផ្ដល់ថវិកាជូនដល់ប្រជាពលរដ្ឋដែលបានធ្លាក់ក្នុងសភាពក្រីក្រ គ្រាន់តែមួយខែគឺចំណាយជិត៣០លានដុល្លារ។
ហើយនៅឆ្នាំនេះ គឺក្រសួងព័ត៌មាន មិនបានរើសបុគ្គលិកថ្មីបន្ថែមឲ្យចូលបម្រើការងារនៅក្នុងក្របខណ្ឌរដ្ឋ រួមនិងស្ថាប័នផ្សេងទៀត ដើម្បីកាត់បន្ថយការចំណាយ និងដើម្បីទុកថវិកាជាតិកុំឱ្យមានវិបត្តិច្រើន។
ឯកឧត្តមថ្លែងថា កាលពីឆ្នាំ២០១៩ កន្លងទៅ ឯកឧត្តម ហោ ណាំហុង បានជួយសាងសង់អគារថ្មីបន្ថែមនៅក្នុងបរិវេណវិទ្យាល័យអប់រំពិសេសកំពង់ចាម។ ហើយក៏សូមឲ្យក្មួយៗត្រូវប្រកាន់ខ្ជាប់ដោយរស់នៅស្អាត ផឹកស្អាត និងអនាម័យល្អ គឺអាចកាត់បន្ថយជំងឺបានប្រមាណ ៧០ភាគរយ ។
ចំពោះអំណោយដែលយកមកចែកជូននាឱកាសនេះ គឺមានការចូលរួមចំណែកដ៏ធំធេងពីសប្បុរសជននានាក្នុងនោះរួមមាន ៖
១.កាបូបសិស្ស៣៦កាបូប។
២.ស្បែកជើងនិងអាវភ្លៀង៤២ គូ។
៣.ម៉ុង៥០។
៤.អង្ករ១តោនចូលរួមពីលោកផុន សារ៉េត អនុប្រធានការិយាល័យទូរទស្សន៍រាជធានីភ្នំពេញ។
៥.អាវយឺត២១១ អាវខោខូវបយ១១១ ចូលរួមពីលោកយ៉ុង ឌុកក្វាន់ ជនជាតិកូរ៉េ។
៦.សម្លៀកបំពាក់សិស្ស៧៥ កំផ្លេរចូលរួមពីលោកជំទាវដួង រ៉ានី។
៧.ថ្នាំដុសធ្មេញមួយកេសស្មើ២៨៨ ប្រអប់ចូលរួមពីលោកជំទាវឈឹម ពៅ សុកាន់ឌី អគ្គនាយិកាវិទ្យុជាតិកម្ពុជា។
៨.សៀវភៅសរសេរ៧១៤ក្បាល៥១៤ដើម ខ្មៅដៃ ៥១រដើម ចូលរួមពីលោកស្រីសំផល្លាប្រធានមន្ទីរព័ត៌មានខេត្តកំពង់ចាម។
៩.សំពតសឹង២៣ក្បិន ជូនបុគ្គលិកគ្រូស្ត្រីចូលរួមពីលោកជំទាវឈឹម គារ៉ែនណា និងលោកជំទាវឡងឌី សាន់ណារ៉ា លោកឈឹមទាវជា ស៊ុនដាណែត លោកជំទាវហ៊ឹង រ៉េត លោកជំទាវអ៊ុក មករា និងលោកជំទាវមៀច កន្និកា។
១០.ផាមួងខ្មែរមួយទឹក ៣០ក្បិន ចូលរួមពីលោកជំទាវឡងឌី ផាន់ណារ៉ា។
១១.ថ្នាំជំនួយឆ្អឹងCalcium+D3 Bone Support 30 កំប៉ុងស្មើ៧៥០០គ្រាប់ ថ្នាំទឹកបំបាត់គ្រុនក្តៅ ក្អកតឹងច្រមុះហៀរសំបោរTYLENOL (២៤០ml) ចំនួន៥០ដប ចូលរួមដោយឯកឧត្តមឡុង សេង។
១២.សៀវភៅសរសេរ១២០ទំព័រ ២០០ ក្បាល ប៊ិច២០០ ដើមទឹកលុប២០០ដើម បន្ទាត់រ៉ាប់ប៉ាទ័រ២០០ និងខោអាវមួយកេស ជូនសាលាស្មើគ្នាដោយមានការឧបត្ថម្ភពីលោកជំទាវតុប សំ ។ ១៣.សម្ភារៈមួយកេះមាន ខោអាវ និងកាតាបក្មេងទៅរៀនចូលរួមពីលោកជំទាវស៊ន សុខណា។ ១៤.ប្រេងកូឡា១៣០ដប ទឹកផ្លែឈើ២០កេស ចូលរួមដោយលោកជំទាវឧកញ៉ា យិន ផាន្នី ។ ១៥.ទឹកបរិសុទ្ធ១០០យួ ចូលរួមដោយលោកជំទាវកងណែម។
១៦.សាប៊ូបោកខោអាវNex ១០កេស សាប៊ូកក់សក់ប៉ង់តែន៥កេះស្មើ២៤០០កញ្ចប់ សាប៊ូដុសខ្លួននៅប្រាំកេសស្មើ៧២០ដុំ ថ្នាំនឹងច្រាសដុសធ្មេញ ៥កេះស្មើ៧២០ដប ចូលរួមដោយឯកឧត្តមហេង សង្ហា ។
សម្រាប់ថវិកាដែលប្រមូលបានសរុបចំនួន៣២៥០$ និងលុយរៀលចំនួន១៤.៥០០.០០០៛ ត្រូវបានឧបត្ថម្ភជូនសាលាទាំងអស់។
ក្នុងឱកាសនោះ ឯកឧត្តមរដ្ឋមន្ត្រីក្រសួងព័ត៌មាន និងលោកជំទាវ ព្រមទាំងសហការី បានផ្ដល់អាហារឆ្ងាញ់មួយពេលដល់កុមារ.គថ្លង់ និងកុមារកំព្រាចំនួន២១៩នាក់ក្នុងភាពស្និទ្ធស្នាល និងសប្បាយរីករាយផងដែរ៕
ចែករំលែកព័តមាននេះ