រាជធានីភ្នំពេញ ៖ ជនសង្ស័យជួញដូរថ្នាំ ញៀន២នាក់ត្រូវនគរបាលព្រហ្មទណ្ឌនៃអធិការដ្ឋាននគរបាលខណ្ឌដូនពេញ ឃាត់ខ្លួនជាបន្តបន្ទាប់នៅចំណុចខុសគ្នាកាលពីថ្ងៃទី៩ និងទី១០ មីនា ២០១១ ខណៈពេលដែលពួកគេកំពុងជួញដូរជាក់ស្តែង ។
មន្ត្រីនគរបាលខណ្ឌដូនពេញបានឱ្យដឹងថា ករណីទី១ នៅថ្ងៃទី៩ មីនា ២០១១ វេលាម៉ោង១១ព្រឹកនគរបាលខណ្ឌដូនពេញ បានឃាត់ខ្លួនជនសង្ស័យជួញដូរថ្នាំញៀនម្នាក់នៅចំណុចមុខមន្ទីរពេទ្យជប៉ុន ផ្លូវលេខ៤៧ ភូមិទី១៣ សង្កាត់ស្រះចក ខណ្ឌដូនពេញ ជនដែលឃាត់ខ្លួនមានឈ្មោះតាន់ នាង ភេទប្រុស អាយុ២៤ឆ្នាំ ជនជាតិខ្មែរ ស្នាក់នៅផ្ទះជួល ផ្លូវលំ សង្កាត់ទួលសង្កែ ខណ្ឌឫស្សីកែវ សមត្ថកិច្ចដកហូតបានថ្នាំញៀនប្រភេទក្រាមពណ៌សថ្លា មួយកញ្ចប់តូច ។
ករណីទី២-នៅថ្ងៃទី១០ មីនា ២០១១ វេលាម៉ោង១និង៤៥នាទី នគរបាលព្រហ្មទណ្ឌខណ្ឌដូនពេញបានឃាត់ខ្លួនជនសង្ស័យជួញដូរថ្នាំញៀនម្នាក់នៅចំណុចផ្លូវលេខ៨០ មុខមន្ទីរព្យាបាលបេះដូង ភូមិ២២ សង្កាត់ស្រះចក ខណ្ឌដូនពេញ ។ ជនសង្ស័យមានឈ្មោះវន វណ្ណៈ ហៅដា ភេទស្រី អាយុ២០ឆ្នាំ មុខរបរ និងស្នាក់នៅមិនពិតប្រាកដ សមត្ថកិច្ចដកហូតបានថ្នាំញៀនប្រភេទក្រាម ពណ៌សថ្លា មួយកញ្ចប់តូច ៕
ចែករំលែកព័តមាននេះ