រាជធានីភ្នំពេញ ៖ បច្ចុប្បន្នភាពអន្ដរជាតិដែលកំពុងកើនឡើងនូវភាពតានតឹងនៅ ឧបទ្វីបកូរ៉េ បន្ទាប់ពីនាវាចំបាំងរបស់កូរ៉េខាង ត្បូងមួយគ្រឿងត្រូវបានផ្ទុះលិច កាលពីថ្ងៃទី ២៦ មីនា កន្លងមកនេះ ដែលធ្វើឱ្យកងនាវិកស្លា.ប់៤៦នាក់ ។
រាជធានីភ្នំពេញ ៖ បច្ចុប្បន្នភាពអន្ដរជាតិដែលកំពុងកើនឡើងនូវភាពតានតឹងនៅ ឧបទ្វីបកូរ៉េ បន្ទាប់ពីនាវាចំបាំងរបស់កូរ៉េខាង ត្បូងមួយគ្រឿងត្រូវបានផ្ទុះលិច កាលពីថ្ងៃទី ២៦ មីនា កន្លងមកនេះ ដែលធ្វើឱ្យកងនាវិកស្លាប់៤៦នាក់ ។
ក្នុងសារលិខិតផ្លូវការចុះថ្ងៃទី២៩ ឧសភា ជូនចំពោះលោកប្រធានាធិបតីនៃសាធារណរដ្ឋកូរ៉េ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានបង្ហាញនូវការភ្ញាក់ផ្អើល និងព្រួយ បារម្ភយ៉ាងជ្រាលជ្រៅ ដោយការស៊ើបអង្កេត ពីអ្នកជំនាញកូរ៉េ និងអន្ដរជាតិបានសន្និដ្ឋាន ដោយមានភស្ដុតាងច្បាស់លាស់មិនអាច ប្រកែកបានថា នាវាឈ្មោះ Cheonan របស់ កងនាវាចរនៃសាធារណរដ្ឋកូរ៉េ ត្រូវផ្ទុះលិច ដោយសារគ្រាប់បែកមុជទឹក Torpedo បណ្ដាលឱ្យស្លាប់នាវិក៤៦នាក់ ។
សម្ដេចតេជោ ហ៊ុន សែន បានសំដែងនូវ ការចូលរួមមហាទុក្ខយ៉ាងក្រៀមក្រំចំពោះរដ្ឋាភិបាល និងប្រជាជនកូរ៉េ ជាពិសេស គ្រួសារនៃសព។ ក្នុងសារលិខិតដដែលសម្ដេច តេជោ ហ៊ុន សែន ក្នុងនាមរាជរដ្ឋាភិបាលកម្ពុជា បានថ្កោលទោសយ៉ាងម៉ឺងម៉ាត់បំផុត ចំពោះសកម្មភាពបង្កហេតុនេះ ដែលនាំឱ្យមានអសន្ដិសុខ និងអស្ថិរភាព ជះឥទ្ធិពលដល់ សន្ដិភាពនៅឧបទ្វីបកូរ៉េ ។
ខាងក្រោមនេះ គឺជាតុល្យការដែលបាន កើតឡើងធ្វើឱ្យឧបទ្វីបកូរ៉េមានភាពតានតឹង ពិសេសរវាងកូរ៉េទាំង២ បន្ទាប់ពីកើតហេតុផ្ទុះ លិចនាវាចំបាំងកូរ៉េខាងត្បូង ។
កូរ៉េខាងជើងទទួលការចោទប្រកាន់ថាធ្វើឱ្យលិចនាវាចម្បាំងកូរ៉េខាងត្បូង
គណៈកម្មការស៊ើបអង្កេតអន្ដរជាតិមួយ បានចេញផ្សាយកាលពីថ្ងៃទី២០ ឧសភា នូវ លទ្ធផលនៃការស៊ើបអង្កេតរបស់ខ្លួនដោយ អះអាងថា ប្រទេសកូរ៉េខាងជើងពិតជាអ្នក ទទួលខុសត្រូវលើការដាក់គ្រាប់បែកបុកធ្វើឱ្យផ្ទុះលិចនាវាចម្បាំងកូរ៉េខាងត្បូងមួយ គ្រឿងកាលពីខែមីនាកន្លងមកនេះ ។
នាយករដ្ឋមន្ដ្រីជប៉ុន លោកយូគីអូ ហាតូ យ៉ាម៉ា ថ្លែងថា នោះជាអំពើដែលពុំអាចអត់ ទោនឱ្យបានឡើយ។ ប្រទេសរបស់យើង គាំទ្រទាំងស្រុងចំពោះប្រទេសកូរ៉េខាងត្បូង។ក្នុងរបាយការណ៍របស់ខ្លួនពួកអ្នកស៊ើប អង្កេតអះអាងថា ភស្ដុតាងទាំងឡាយអាច ឱ្យគេធ្វើការសន្និដ្ឋានយ៉ាងច្បាស់ថា គឺគ្រាប់ បែកបុកដែលបាញ់ចេញដោយនាវាមុជទឹក មួយគ្រឿងរបស់កូរ៉េខាងជើងដែលធ្វើឱ្យនា វាចម្បាំងកូរ៉េខាងត្បូងនោះផ្ទុះលិច ។ ការផ្ទុះ ក្នុងសមុទ្រលឿងបណ្ដាលឱ្យស្លាប់នាវិក៤៦ នាក់ក្នុងចំណោមសមាជិកនាវិកទាំង១០៤ នាក់របស់នាវានោះ ។
ក្រុងព្យុងយ៉ាងបានបដិសេធការចោទ ប្រកាន់នេះហើយគំរាមធ្វើសង្គ្រាមជាទូទៅ មួយក្នុងករណីមានទណ្ឌកម្មរបស់អន្ដរជាតិ ខណៈដែលប្រធានាធិបតីកូរ៉េខាងត្បូង លោក លីម្យុងបាក់ សន្យាចាត់វិធានការម៉ឺងម៉ាត់ នានាប្រឆាំងកូរ៉េខាងជើង ។
កូរ៉េខាងត្បូងសំរេចប្ដឹងកូរ៉េខាងជើងមុខក្រុមប្រឹក្សាសន្ដិសុខអ.ស.ប
ប្រធានាធិបតីកូរ៉េខាងត្បូង លោកលី ម្យុងបាក់ ថ្លែងកាលពីថ្ងៃទី២៣ ឧសភា ថា លោកនឹងប្ដឹងកូរ៉េខាងជើងនៅមុខក្រុម ប្រឹក្សាសន្ដិសុខ អ.ស.ប ក្រោយពីឧប្បត្ដិ ហេតុបណ្ដាលឱ្យលិចនាវាចម្បាំងកូរ៉េខាង ត្បូងមួយគ្រឿង ហើយសំលាប់នាវិក៤៦នាក់ កាលពីខែមីនាកន្លងមកនេះ ។
សំរាប់ក្រុងសេអ៊ូលយល់ថា នោះជាការ រំលោភបំពានលើយុទ្ធសន្ដិភាពដែលបញ្ចប់ សង្គ្រាមកូរ៉េ ។ លោកប្រធានាធិបតីលីបាន ថ្លែងទៅកាន់ប្រជាជាតិកាលពីថ្ងៃទី២០ ឧសភា កន្លងមកនេះដើម្បីបញ្ជាក់ថា ក្រុង សេអ៊ូលនឹងបញ្ឈប់ផងដែររាល់កម្មវិធីផ្លាស់ ប្ដូរជាមួយក្រុងព្យុងយ៉ាងនៅខាងក្រៅ ទីតាំងឧស្សាហកម្មក្នុងតំបន់សេដ្ឋកិច្ច ពិសេស ។ លោកបន្ដថា កូរ៉េខាងត្បូងត្រៀម ឆ្លើយតបវិញចំពោះការបង្កហេតុទាំងឡាយ។
នៅទីក្រុងប៉េកាំងរដ្ឋមន្ដ្រីការបរទេស អាមេរិក លោកស្រីហ៊ីលឡារី គ្លីនតុន មាន ប្រសាសន៍ថា អាមេរិកប្ដេជ្ញាធ្វើសកម្មភាព រួមជាមួយប្រទេសចិន ដើម្បីជួយកូរ៉េខាង ត្បូង។ លោកស្រីត្រូវបញ្ចុះបញ្ចូលបណ្ដាមេ ដឹកនាំចិនឱ្យជឿថា គ្រាប់បែកបុកមួយគ្រាប់ ពិតជាបាញ់ចេញពីនាវាមុជទឹកកូរ៉េខាងជើង មួយគ្រឿង ។
កូរ៉េខាងជើងផ្ដាច់រាល់ការទាក់ទងជា មួយកូរ៉េខាងត្បូង
ប្រទេសកូរ៉េខាងជើងប្រកាសថា ខ្លួនផ្ដាច់ រាល់ការទាក់ទងជាមួយក្រុងសេអ៊ូល ហើយ ធ្វើការគំរាមពីអន្ដរាគមន៍យោធាមួយក្នុង ករណីកូរ៉េខាងត្បូងបន្ដធ្វើការលុកលុយចូល ក្នុងដែនទឹករបស់ខ្លួននៃឆ្នេរខាងលិចឧបទ្វីប កូរ៉េ ។
ក្រុងព្យុងយ៉ាងឱ្យដឹងថា រាល់គមនាគមន៍ ទាក់ទងរវាងរដ្ឋទាំង២ក៏កាត់ផ្ដាច់ដែរ ហើយ បុគ្គលិកកូរ៉េខាងត្បូងដែលធ្វើការក្នុងតំបន់ ឧស្សាហកម្មកាអឺសុង ក្នុងដែនដីកូរ៉េខាង ជើង នឹងត្រូវបណ្ដេញចេញ ។
ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍ថា គណៈកម្មាធិការដើម្បីការបង្រួបបង្រួមកូរ៉េ ដោយសន្ដិវិធី ប្រកាសជាផ្លូវការថា ចាប់ពីពេលនេះទៅ ខ្លួននឹងអនុវត្ដវិធានការតឹងតែងផ្អាកទាំងស្រុងនូវទំនាក់ទំនងអន្ដរកូរ៉េ ហើយបដិសេធទាំង ស្រុងកិច្ចព្រមព្រៀងមិនឈ្លានពានគ្នារវាង ខាងជើង និងខាងត្បូង ហើយកាត់ផ្ដាច់ទាំង ស្រុងនូវកិច្ចសហប្រតិបត្ដិការអន្ដរកូរ៉េ ។
ភាពតានតឹងនៅឧបទ្វីបកូរ៉េមានកាន់តែ ខ្លាំងឡើងចាប់តាំងពីការលិចនាវាចម្បាំងកូរ៉េខាងត្បូងមួយគ្រឿងកាលពីខែមីនា កន្លង មកនេះ ដែលគេសន្និដ្ឋានថា ដោយសារការ បាញ់គ្រាប់បែកបុកចេញពីនាវាមុជទឹកកូរ៉េ ខាងជើងមួយគ្រឿង ។
កាលពីថ្ងៃទី២៤ ឧសភា កន្លងមកនេះ ប្រធានាធិបតីកូរ៉េខាងត្បូងលោកលីម្យុងបាក់ ប្រកាសផ្អាករាល់ទំនាក់ទំនងពាណិជ្ជកម្មជា មួយក្រុងព្យុងយ៉ាង ហើយរារាំងរាល់នាវាដឹក ទំនិញរបស់កូរ៉េខាងជើងមិនឱ្យចូលក្នុងដែន ទឹកកូរ៉េខាងត្បូង ។ ម្យ៉ាងវិញទៀតក្រុង សេអ៊ូលប្ដឹងរឿងនេះនៅមុខក្រុមប្រឹក្សាសន្ដិសុខ អ.ស.ប។
អាមេរិក និង កូរ៉េខាងត្បូងនឹងធ្វើសម យុទ្ធយោធារួម២
សហរដ្ឋអាមេរិក និងកូរ៉េខាងត្បូងនឹងធ្វើ សមយុទ្ធយោធារួមថ្មី២ បន្ទាប់ពីការលិចនាវា ចម្បាំងកូរ៉េខាងត្បូងមួយគ្រឿងមក ។ នេះ ជាការប្រកាសកាលពីថ្ងៃទី២៤ ឧសភា របស់ មន្ទីរប៉ង់តាហ្គោន ។
អ្នកនាំពាក្យរបស់មន្ទីរប៉ង់តាហ្គោន លោក BRYAN WHITMAN អះអាងប្រាប់ ក្រុមអ្នកកាសែតថា កងម៉ារីនអាមេរិកនឹង ចូលរួមក្នុងសមយុទ្ធប្រឆាំងនាវាមុជទឹក និង ហាមឃាត់ក្នុងសមុទ្រជាមួយភាគីកូរ៉េខាង ត្បូង បន្ទាប់ពីការពិគ្រោះគ្នាជាមួយកងម៉ារីន កូរ៉េខាងត្បូងក្រោយការលិចនាវា CHEONAN។
អ្នកនាំពាក្យរូបនេះបន្ដថា យើងយល់ថា នោះជាតំបន់មួយដែលដោយធ្វើការជា មួយកូរ៉េខាងត្បូងយើងអាចកែលំអបច្ចេកទេស និងសមត្ថភាពរបស់យើង ។ សមយុទ្ធ ទាំង២នោះសំខាន់ណាស់ក្នុងអ្វីដែលយើង អាចបន្ដកសាងមូលដ្ឋាននៃកិច្ចសហប្រតិបត្ដិ ការ និងភាពជឿជាក់ ។សេតវិមានបានចេញផ្សាយនាថ្ងៃទី២៤ ឧសភានោះដែរនូវសេចក្ដីប្រកាសមួយ ដែលអះអាងពីការគាំទ្រទាំងស្រុងរបស់ ប្រធានាធិបតីអាមេរិក លោកបារ៉ាក់ អូបាម៉ា ចំពោះចំលើយក្រុងសេអ៊ូល ក្រោយការលិច នាវា CHEONAN ។
ប្រទេសកូរ៉េខាងត្បូង បានចាប់ធ្វើឡើងវិញកាលពីថ្ងៃទី២៥ ឧសភា នូវការឃោសនាប្រឆាំងកូរ៉េខាងជើងជាការ សងសឹកចំពោះការបាញ់លិចនាវាចម្បាំងរបស់ខ្លួនមួយគ្រឿង ។កូរ៉េខាងត្បូងផ្អាកកាលពីថ្ងៃទី២៤ ឧសភា នូវការផ្លាស់ប្ដូរពាណិជ្ជកម្មជាមួយកូរ៉េខាង ជើងដើម្បីជាការតវ៉ាប្រឆាំងនឹងការបាញ់លិច នាវានេះជិតព្រំដែនសមុទ្រក្នុងសមុទ្រលឿង។ ក្រុងព្យុងយ៉ាងបានបដិសេធចំពោះ ការចោទប្រកាន់នេះ ហើយគំរាមធ្វើសង្គ្រាម ទាំងស្រុងមួយក្នុងករណីមានការសងសឹក ។ យោងតាមនាយសេនាធិការកងទ័ពកូរ៉េខាង ត្បូងថាក្រុងសេអ៊ូលផ្សាយឡើងវិញតាម វិទ្យុនូវព័ត៌មាន និងការប្រៀបធៀបទាំង ឡាយនៃសភាពការណ៍នយោបាយ និងសេដ្ឋ កិច្ចរបស់កូរ៉េទាំង២ ។កងទ័ពក៏គ្រោងបាច ខិតប័ណ្ណអំពីការប្រើគ្រាប់បែកបុករបស់កូរ៉េ ខាងជើងផងដែរ ។ ការឃោសនានេះដែល ផ្អាកចាប់តាំងពី៦ឆ្នាំមកហើយនឹងញ៉ាំងឱ្យ កូរ៉េខាងជើងមានការខឹងសម្បាយ៉ាងខ្លាំង។
កូរ៉េខាងជើងដាក់កងទ័ពរបស់ខ្លួនស្ថិតក្នុងស្ថានភាពសង្គ្រាម
មេដឹកនាំកូរ៉េខាងជើង លោកគីម ជុង អ៊ីល បានចេញបញ្ជាដល់កងទ័ពរបស់ខ្លួនឱ្យ ស្ថិតក្នុងស្ថានភាពធ្វើសង្គ្រាម ។ នេះជាសេច ក្ដីរាយការណ៍កាលពីថ្ងៃទី២៥ ឧសភា របស់ ទីភ្នាក់ងារព័ត៌មានកូរ៉េខាងត្បូង YONHAP ។ ម៉ាស៊ីនឃោសនាផ្លូវការកូរ៉េខាងជើងពុំ បានរៀបរាប់ពីបទបព្ជានោះឡើយ ហើយអាជ្ញាធរកូរ៉េខាងត្បូងក៏ពុំបានធ្វើអត្ថាធិ ប្បាយណាមួយក្នុងពេលភ្លាមៗដែរ ។ភាពតានតឹងមានការកើនឡើងយ៉ាងខ្លាំង ក្នុងសបា្ដហ៍នេះនៅឧបទ្វីបកូរ៉េ ខណៈដែល ក្រុងសេអ៊ូលផ្អាកទំនាក់ទំនងពាណិជ្ជកម្ម របស់ខ្លួនជាមួយក្រុងព្យុងយ៉ាងជាការសង សឹកចំពោះការប្រើគ្រាប់បែកបុករបស់នាវា មុជទឹកកូរ៉េខាងជើងធ្វើឱ្យផ្ទុះលិចនាវា ចម្បាំងកូរ៉េខាងត្បូងមួយគ្រឿងឈ្មោះ CHEONAN កាលពីខែមីនា កន្លងមកនេះ បណ្ដាលឱ្យស្លាប់នាវិក៤៦នាក់ ។
កងទ័ពកូរ៉េខាងជើងមានទាហាន ប្រមាណជា១លាននាក់ ពោលជាកងទ័ពធំ ជាងគេបំផុតមួយលើពិភពលោក តែមានឧប ករណ៍យោធាពុំខ្លាំងឡើយ ។
លោកស្រីហ៊ីលទ្បារីគាំទ្រម៉ឺងម៉ាត់ ចំពោះកូរ៉េខាងត្បូង
រដ្ឋមន្ដ្រីការបរទេសអាមេរិក លោកស្រី ហ៊ីលឡារី គ្លីនតុន បានសំដែងកាលពីថ្ងៃទី២៦ ឧសភា ពីការគាំទ្រយ៉ាងម៉ឺងម៉ាត់របស់លោក ស្រីចំពោះវិធានការទាំងឡាយដែលក្រុងសេ អ៊ូលបានចាត់ចំពោះប្រទេសកូរ៉េខាងជើង ដែលទទួលការចោទប្រកាន់ថា ប្រើគ្រាប់ បែកបុកប្រឆាំងនាវាចម្បាំងកូរ៉េខាងត្បូង មួយគ្រឿងកាលពីដំណាច់ខែមីនា បណ្ដាលឱ្យ ស្លាប់នាវិក៤៦នាក់ ដោយចាត់ទុកថា នេះជា ការឈ្លានពានរបស់ក្រុងព្យុងយ៉ាងដែលមិនអាចទទួលយកបាន ។
ក្នុងសន្និសីទសារព័ត៌មានរួមមួយជាមួយ សមភាគីកូរ៉េខាងត្បូង លោកយូម្យុងវ៉ាន លោកស្រីហ៊ីលឡារី មានប្រសាសន៍ថា ក្រុង វ៉ាស៊ីនតោនស្វែងរកមតិនានាបន្ថែមទៀត ដើម្បីឱ្យក្រុងព្យុងយ៉ាងយល់ព្រមទទួលខុស ត្រូវចំពោះការលិចនាវាចម្បាំងចំលុះ១.២០០ តោនឈ្មោះ CHEONAN ។ សារព័ត៌មានកូរ៉េខាងត្បូងចេញផ្សាយនា ពេលថ្មីៗនេះនូវព័ត៌មានទាំងឡាយ ដែលថា ក្រុងវ៉ាស៊ីនតោនពិចារណាពីការដាក់ទណ្ឌកម្ម ហិរញវត្ថុប្រឆាំងក្រុងព្យុងយ៉ាង ។
លោកស្រីហ៊ីលឡារី គូសបញ្ជាក់ថា យើង អំពាវនាវដល់កូរ៉េខាងជើងឱ្យបញ្ឈប់ការបង្កហេតុ និងនយោបាយគំរាមកំហែងរបស់ខ្លួន និងជម្លោះចំពោះបណ្ដាអ្នកជិតខាង ។ យើង នឹងធ្វើការរួមគ្នា ដើម្បីឱ្យមានវិធានការមួយ ចំនួននៅក្រុមប្រឹក្សាសន្ដិសុខ អ.ស.ប ។ ប្រមុខការទូតអាមេរិកបានពិភាក្សារួចហើយ ជាមួយបណ្ដាមេដឹកនាំចិន និងជប៉ុនអំពីសំណុំ រឿងនេះ ។
លោកស្រីហ៊ីលឡារី សំដែងការគាំទ្រ របស់លោកស្រីចំពោះទណ្ឌកម្មមួយចំនួន ប្រឆាំងក្រុងព្យុងយ៉ាងប្រកាសនាពេលថ្មីៗ នេះដោយក្រុងសេអ៊ូល ក្នុងនោះមានការធ្វើ សមយុទ្ធយោធារួមប្រឆាំងនាវាមុជទឹកជា មួយសហរដ្ឋអាមេរិក និងការផ្អាកការផ្លាស់ ប្ដូរពាណិជ្ជកម្ម និងទ្វេភាគីជាមួយកូរ៉េខាងជើង ។
កូរ៉េខាងត្បូងចាប់ផ្ដើមសមយុទ្ធប្រឆាំងនាវាមុជទឹក
កងម៉ារីនកូរ៉េខាងត្បូងបានចាប់ផ្ដើមធ្វើ កាលពីថ្ងៃទី២៧ ឧសភា នូវសមយុទ្ធប្រឆាំងនាវាមុជទឹកក្នុងដែនទឹកក្បែរកូរ៉េខាងជើង ខណៈមានសញាទាំងឡាយហាក់បញ្ជាក់ថា ចិនវាយតម្លៃឡើងវិញពីទំនាក់ទំនងរបស់ខ្លួន ជាមួយក្រុងព្យុងយ៉ាង ។
សមយុទ្ធជើងទឹកនេះសំដៅឱ្យកូរ៉េខាង ត្បូងអាចកំណត់ដឹងច្បាស់នូវការជ្រៀតចូល របស់បណ្ដានាវាមុជទឹកកូរ៉េខាងជើង ។ ការ ស៊ើបអង្កេតជាអន្ដរជាតិមួយវាយតម្លៃថា គឺនាវាមុជទឹកកូរ៉េខាងជើងមួយគ្រឿង ដែលវាយប្រហារធ្វើឱ្យលិចនាវាចម្បាំង CHEONAN កាលពីថ្ងៃទី២៦ មីនា កន្លងមកនេះ។
សមយុទ្ធនេះព្រមទាំងការបង្កើនកំរិត អាសន្នរបស់កងទ័ពកូរ៉េខាងត្បូងអាចបង្កើន កំហឹងរបស់កូរ៉េខាងជើង ដែលបដិសេធការ ទទួលខុសត្រូវលើការបាញ់លិចនាវា CHEONAN ។ ចំណែកកងទ័ពកូរ៉េខាងជើងវិញ ប្រកាស កាលពីថ្ងៃទី២៧ ឧសភា ថា ខ្លួនបញ្ចប់កិច្ច ព្រមព្រៀងមួយដែលសំដៅបង្ការរាល់ការ ប៉ះទង្គិចគ្នា ដោយអាវុធជាមួយកូរ៉េខាងត្បូង ។ ការប្រកាសនេះធ្វើឡើងខណៈដែល វិបត្ដិកាន់តែមានភាពធ្ងន់ធ្ងរឡើងនៅឧបទ្វីប កូរ៉េ ។
ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍ថា នាយសេនាធិការកង ទ័ពកូរ៉េខាងជើង ក្នុងសារមួយបញ្ជូនឱ្យកង ទ័ពកូរ៉េខាងត្បូងក៏ព្រមានផងដែរពីការវាយ ប្រហារជាបន្ទាន់មួយប្រសិនបើកូរ៉េខាងត្បូង រំលោភបំពានព្រំដែនអន្ដរកូរ៉េក្នុងសមុទ្រ លឿង។
ក្រុងសេអ៊ូលនិងក្រុងតូក្យូធ្វើរណសិរ្ស រួមប្រឈមមុខក្រុងព្យុងយ៉ាង ខណៈចិន សំដែងមរណទុក្ខ
កាលពីថ្ងៃទី២៩ ឧសភា ប្រទេសកូរ៉េខាងត្បូង និងជប៉ុនបានបង្ហាញពីការរួបរួមគ្នា ប្រឈមមុខនឹងកូរ៉េខាងជើងមុនកិច្ចប្រជុំ កំពូលត្រីភាគីជាមួយចិនជាសម្ព័ន្ធប្រពៃណី របស់ក្រុងព្យុងយ៉ាង ។នាយករដ្ឋមន្ដ្រីចិនលោកវេនជាបាវ ប្រធា ធិបតីកូរ៉េខាងត្បូងលោកលី ម្យុងបាក់ និង នាយករដ្ឋមន្ដ្រីជប៉ុនលោកយូគីអូ ហាតូយ៉ា ម៉ា ត្រូវជួបគ្នាកំពូលនៅទីក្រុងជាប់មាត់ សមុទ្រ SEOGWIPO នៃកោះជឺជូរបស់កូរ៉េខាងត្បូង ដោយកិច្ចប្រជុំកំពូលនេះមានរយៈ ពេល២ថ្ងៃដែលត្រូវផ្ដោតលើការកើនឡើង នៃភាពតានតឹងនៅឧបទ្វីបកូរ៉េ ។
សហរដ្ឋអាមេរិក និងកូរ៉េខាងត្បូងបាន ចោទប្រកាន់កូរ៉េខាងជើងថា បានប្រើគ្រាប់ បែកបុកកាលពីថ្ងៃទី២៦ មីនា ធ្វើឱ្យលិចនាវា ចម្បាំងឈ្មោះ CHOENAN បណ្ដាលឱ្យ ស្លាប់នាវិក៤៦នាក់ ។ក្រុងព្យុងយ៉ាងបានបដិសេធការចោទ ប្រកាន់នេះ ហើយអះអាងកាលពីថ្ងៃទី២៩ ឧសភា ថា សហរដ្ឋអាមេរិកប្រើប្រាស់ឧប្បត្ដិ ហេតុនេះដើម្បីរក្សាទុកមូលដ្ឋានយោធា របស់ខ្លួននៅជប៉ុន ហើយធ្វើឱ្យចិនជាសម្ព័ន្ធ មិត្ដសំខាន់បំផុតតែមួយគត់របស់កូរ៉េខាង ជើង ស្ថិតក្នុងភាពទើសទល់ ។ ក្រុងសេអ៊ូល និងក្រុងវ៉ាស៊ីនតោនបានអំពាវនាវដល់ចិនឱ្យ ប្រកាន់ជំហរច្បាស់លាស់មួយក្នុងវិបត្ដិនេះ ក៏ប៉ុន្ដែរហូតមកទល់ពេលនេះ ចិនពុំទាន់ធ្វើការ បរិហារណាមួយចំពោះឥរិយាបថរបស់កូរ៉េ ខាងជើងនៅឡើយ ។
លោកវេនជាបាវ កាល ពីថ្ងៃទី២៨ ឧសភា នៅប្រកាន់ជំហរបែបនេះ ពេលជួបពិភាក្សាជាមួយលោកលី ម្យុងបាក់ ដោយអះអាងថា ក្រុងប៉េកាំងនឹងមិនការ ពារនរណាឡើយ ។ លោកមានប្រសាសន៍ថា ចិនបដិសេធមិនធ្វើការចោទប្រកាន់នរណា មួយហើយអំពាវនាវដល់ភាគីទាំង២ឱ្យមាន ការអត់ធ្មត់ ។ថ្លែងមុនពេលចាប់ផ្ដើមកិច្ចប្រជុំកំពូលត្រី ភាគីនាយករដ្ឋមន្ដ្រីចិន ពុំបាននិយាយយោង ណាមួយដល់រឿងលិចនាវា CHOENAN ឡើយ ។ លោកមានប្រសាសន៍ថា នឹងធ្វើការ ជាមួយដៃគូសន្ទនាកូរ៉េខាងត្បូង និងជប៉ុន ដើម្បីឱ្យទទួលបានលទ្ធផលរឹងមាំ និងបញ្ជូន ដល់សហគមន៍អន្ដរជាតិនូវសារមួយនៃទំនុក ចិត្ដ និងក្ដីសង្ឃឹមក្នុងសន្ដិភាព ស្ថិរភាព និង ការអភិវឌ្ឍន៍ ។
ក្នុងការជួបសន្ទនាជាមួយលោកវេនជាបាវនាយករដ្ឋមន្ដ្រីជប៉ុនលោកហាតូយ៉ាម៉ា មានប្រសាសន៍ថា ជាការមិនអាចអត់អោន ឱ្យបានឡើយ ចំពោះការបង្កហេតុរបស់កូរ៉េ ខាងជើង ។ លោកអះអាងពីការគាំទ្រដោយ ឥតសំចៃរបស់ជប៉ុនចំពោះកូរ៉េខាងត្បូង ។ លោកមានប្រសាសន៍ថា ជប៉ុនក៏ដូចជាសហ គមន៍អន្ដរជាតិទាំងមូលដែរ ថ្កោលទោស ចំពោះអំពើបង្កហេតុហើយគាំទ្រម៉ឺងម៉ាត់ ចំពោះកូរ៉េខាងត្បូង ។ ម្យ៉ាងទៀត ជប៉ុននឹង ពង្រឹងទណ្ឌកម្មប្រឆាំងក្រុងព្យុងយ៉ាង ។កាលពីថ្ងៃទី២៩ ឧសភា នាយករដ្ឋមន្ដ្រី ចិនបានសំដែងការចូលរួមមរណទុក្ខចំពោះ កូរ៉េខាងត្បូង ។ លោកវេន ជាបាវ ថ្លែងថា ប្រទេសរបស់លោកនឹងមិនការពារប្រទេស ណាមួយដែលទទួលខុសត្រូវចំពោះការវាយ ប្រហារនាវាចម្បាំងនោះឡើយ ។
មេដឹកនាំរបស់ប្រទេសទាំង៣មុនពេល បើកកិច្ចប្រជុំកំពូលបានធ្វើការស្មឹងស្មាធិ១០ វិនាទី ដើម្បីគោរពវិញាណក្ខន្ធនាវិកទាំង៤៦ រូបដែលស្លាប់ ៕
ចែករំលែកព័តមាននេះ