ប្រជាជនក្នុងប្រទេសក្រីក្រនៅទូទាំងពិភពលោកកំពុងជួបប្រទះនឹង បញ្ហាទំនិញឡើងថ្លៃ ជាហេតុធ្វើឱ្យមានមនុស្សក្រីក្រ និងកង្វះសារធាតុអាហារកាន់តែច្រើនឡើង ព្រោះត្រូវប្ដូរឥរិយាបថឈប់ទទួលទានសាច់សត្វ ផ្លែឈើ និងកាត់បន្ថយចំនួនអាហារ ។ ទំនិញឡើងថ្លៃធ្វើឱ្យអ្នកក្រីក្រជ្រើសរើសទិញអាហារតំលៃថោក បង្កើតបន្ទុកដ៏ធ្ងន់ធ្ងរដល់ផ្នែករដ្ឋនៅក្នុងប្រទេសនីមួយៗដែល ត្រូវដោះស្រាយបញ្ហាពីអតិផរណាសាច់ប្រាក់ ។
ប្រជាជនក្នុងប្រទេសក្រីក្រនៅទូទាំងពិភពលោកកំពុងជួបប្រទះនឹងបញ្ហាទំនិញឡើងថ្លៃ ជាហេតុធ្វើឱ្យមានមនុស្សក្រីក្រ និងកង្វះសារធាតុអាហារកាន់តែច្រើនឡើង ព្រោះត្រូវប្ដូរឥរិយាបថឈប់ទទួលទានសាច់សត្វ ផ្លែឈើ និងកាត់បន្ថយចំនួនអាហារ ។ ទំនិញឡើងថ្លៃធ្វើឱ្យអ្នកក្រីក្រជ្រើសរើសទិញអាហារតំលៃថោក បង្កើតបន្ទុកដ៏ធ្ងន់ធ្ងរដល់ផ្នែករដ្ឋនៅក្នុងប្រទេសនីមួយៗដែលត្រូវដោះស្រាយបញ្ហាពីអតិផរណាសាច់ប្រាក់ ។
អង្គការម្ហូបអាហារ និងកសិកម្មនៃអង្គ ការសហប្រជាជាតិ (FAO) បានឱ្យដឹងពីតួលេខថ្លៃម្ហូបអាហារផ្សេងៗរួមទាំងគ្រាប់ធញជាតិ សាច់ ផលិតផលប្រភេទទឹកដោះគោនៅក្នុងប្រទេស៩០នៅទូទាំងពិភពលោកក្នុងខែ មីនា កន្លងមក គឺទំនិញឡើងថ្លៃជាមធ្យមដល់ទៅ២២% ធៀបនឹងឆ្នាំមុនក្នុងអំឡុងខែតែមួយ ។ ទោះបីជាថ្លៃទាបជាងឆ្នាំ២០០៨ ក៏ដោយ ប៉ុន្ដែថ្លៃអង្ករ និងម្សៅមីក្នុងទីផ្សារអាស៊ីកើនខ្ពស់ពី២០ទៅ៧០% ច្រើនជាងឆ្នាំ ២០០៩ ។
រដ្ឋាភិបាលក្នុងប្រទេសនីមួយៗបានអះអាងលើមូលហេតុដោយសារគ្រោះរាំងស្ងួត និងតំលៃប្រេងឡើងថ្លៃ ខណៈពេលក្រុមអ្នកវិភាគមកពីបណ្ដាប្រទេសជាច្រើន ដូចជា ឥណ្ឌា អាហ្សង់ទីន និងអេហ្ស៊ីប សំលឹងក្នុងទស្សនៈតែមួយ ព្រោះតែរដ្ឋាភិបាលគ្រប់គ្រង ដោយមានកំហុសឆ្គងធ្វើឱ្យថ្លៃម្ហូបអាហារកាន់តែខ្ពស់ គួបផ្សំនឹងក្រុមអាជីវករ រួមគ្នាទិញទំនិញស្ដុកទុកធ្វើឱ្យថ្លៃកើនឡើង។ បញ្ហានេះ (FAO) បានប៉ាន់ប្រមាណថា ប្រជាជននៅលើពិភពលោកមានភាពក្រីក្រកើនឡើងដល់ទៅ១០០លាននាក់។
ស្របពេលជាមួយគ្នានេះ ដើមទុននៃការចំណាយទៅលើអង្ករក្នុងមួយគ្រួសារក៏មាន ការបំរែបំរួលថ្លៃទំនិញបរិភោគដោយមានទំនិញខ្លះកើនឡើងខ្ពស់ ជាពិសេសគឺសណ្ដែកសៀង ។ តាមធម្មតាក្រុមអ្នកមានតំរូវការបរិភោគ ជាជនជាតិអាស៊ី ជាហេតុធ្វើឱ្យកសិករនៅអាហ្សង់ទីន និងប្រទេសផ្សេងៗទៀតងាកទៅដាំសណ្ដែកសៀងជូនកសិដ្ឋានចិញ្ចឹមគោ ឬស្រូវសាលី និងពោត ព្រោះថា ការនាំចេញមានតំលៃខ្ពស់ដែលប៉ះពាល់ដល់កង្វះខាតសាច់សត្វ និងផលិតផលផ្សេងៗនៅក្នុងប្រទេស ៕
ចែករំលែកព័តមាននេះ