រាជធានីភ្នំពេញ ៖ ទោះជាទឹកដែលជន់លិចបានស្រកអស់ហើយក្ដី ប៉ុន្តែអាជ្ញាធរនៅតែបន្តបិទចរាចរមិនឲ្យឆ្លងកាត់តាមផ្លូវលេខ២១៧ ហៅផ្លូវចំការដូងនៅឡើយទេ ព្រោះស្ថានភាពផ្លូវនៅសើមខ្លាំង ហើយកន្លែងខ្លះនៅមានទឹកដក់តាមចញ្ចើមផ្លូវនៅឡើយ ដើម្បីការពារផ្លូវកុំឲ្យទទួលរងនូវការខូចខាតនោះ ទើបមិនទាន់បើកឲ្យមានការចរាចរឡើងវិញបានឡើយ។ តាមប្រភពព័ត៌មានបានឲ្យដឹងថា…
រាជធានីភ្នំពេញ ៖ ទោះជាទឹកដែលជន់លិចបានស្រកអស់ហើយក្ដី ប៉ុន្តែអាជ្ញាធរនៅតែបន្តបិទចរាចរមិនឲ្យឆ្លងកាត់តាមផ្លូវលេខ២១៧ ហៅផ្លូវចំការដូងនៅឡើយទេ ព្រោះស្ថានភាពផ្លូវនៅសើមខ្លាំង ហើយកន្លែងខ្លះនៅមានទឹកដក់តាមចញ្ចើមផ្លូវនៅឡើយ ដើម្បីការពារផ្លូវកុំឲ្យទទួលរងនូវការខូចខាតនោះ ទើបមិនទាន់បើកឲ្យមានការចរាចរឡើងវិញបានឡើយ។
តាមប្រភពព័ត៌មានបានឲ្យដឹងថា កំណាត់ផ្លូវនេះ ត្រូវបានទឹកជន់លិចរយៈពេលជាង១០ថ្ងៃ ចាប់តាំងពីវេលាល្ងាចថ្ងៃទី១៤ ខែតុលា ឆ្នាំ២០២០ ដោយទឹកបានលិច និងហូរកាត់យ៉ាងខ្លាំង ចាប់ពីត្រង់ចំណុចផ្សារព្រែកជ្រៃ សង្កាត់ស្ពានថ្ម រហូតដល់ចំណុចរង្វង់មូលកួរស្រូវ ហើយលិចរួមទាំងផ្លូវជាតិលេខ២ ស្ថិតក្នុងសង្កាត់ព្រែកកំពឹស និងសង្កាត់រលួសផងដែរ។ ខណៈនោះចរាចរត្រូវបានកាត់ផ្ដាច់ទាំងស្រុងមិនអាចធ្វើដំណើរបានឡើយ លុះក្រោយមកទឹកស្រកអស់ពីផ្លូវជាតិលេខ២ ក៏កំណាត់ផ្លូវលេខ២១៧ ហៅផ្លូវចំការដូង នោះនៅតែបន្តការលិចលង់ដដែល។
ប្រភពដដែលបានបន្តទៀត ខណៈនោះសាលារាជធានីភ្នំពេញ បានសម្រេចបិទមិនឲ្យធ្វើចរាចរលើផ្លូវនេះឡើយ ហើយកងកម្លាំងនគរបាល និងកងរាជអាវុធហត្ថ បានដាក់បារ៉ាស់អមដោយកងកម្លាំងផងដែរ ដើម្បីការពារផ្លូវនេះចំនួន៣គោលដៅ ។ ក្នុងនោះ គឺគោលដៅទី១ នៅត្រង់ចំណុចភ្លើងស្តុបស្ពានព្រែកជ្រៃ, គោលដៅទី២ ត្រង់ចំណុចមុខផ្សារព្រែកជ្រៃ សង្កាត់ស្ពានថ្ម និងគោលដៅទី៣ ចុងម្ខាងនៃផ្លូវត្រង់ចំណុចរង្វង់មូលកួរស្រូវ សង្កាត់រលួស។
ប្រភពដដែលបន្តទៀតថា ដោយកងកម្លាំងបានប្រចាំការនៅតាមគោលដៅ២៤ម៉ោងលើ២៤ម៉ោង ហាមមិនឲ្យយានយន្តគ្រប់ប្រភេទបើកឆ្លងកាត់នោះឡើយ យានយន្តត្រូវបានបង្វែរទៅតាមផ្លូវផ្សេងៗដែលអត់លិចទឹក។
ដោយឡែកកងកម្លាំងនគរបាល និងកងរាជអាវុធហត្ថដែលប្រចាំការនៅតាមបណ្ដាគោលដៅខាងលើ បាននិយាយថា ទោះបីជាមានបទបញ្ជាបិទ ដើម្បីការពារកុំឲ្យខូចផ្លូវក្ដី ប៉ុន្តែអ្នកបើកបររថយន្តមួយចំនួនមិនបានស្ដាប់ឡើយ។ ជាពិសេស រថយន្តធំៗរបស់ក្រុមហ៊ុនដឹកជញ្ជូនមួយចំនួនសុំចូលថា ទៅចំណត ឬកន្លែងជិតៗនោះទេ ប៉ុន្តែនៅពេលបានការអនុញ្ញាតឲ្យចូល ស្រាប់តែបន្តហួសទៅបង្ហូតធ្លាយដល់ចុងផ្លូវម្ខាងទៀតតែម្ដ។
តាមពិតកងកម្លាំងមិនចង់បិទនោះទេ តែនេះទី១ គឺជាបទបញ្ជា និងទី២ គឺដើម្បីការពារមិនឲ្យផ្លូវរងការខូចខាត ហើយតែមានបទបញ្ជាឲ្យដក ឬដីស្ងួត កម្លាំង និងដកចេញភ្លាម ដូច្នេះសូមបងប្អូនទាំងអស់កុំបំពាន៕
ចែករំលែកព័តមាននេះ