ម៉ែរសឺដេសតម្លៃកន្លះលានដុល្លារ ទើបទិញថ្មីៗជួបគ្រោះខ្ទេច
- ភ្នំពេញ
រាជធានីភ្នំពេញ ៖ រថយន្តម៉ាកម៉ែរសឺដេស ប៊ិន (MERCEDES BENZ GLS450) ស៊េរីឆ្នាំ២០២១ មួយគ្រឿង របស់ថៅកែចំណីសត្វ…
រាជធានីភ្នំពេញ ៖ រថយន្តម៉ាកម៉ែរសឺដេស ប៊ិន (MERCEDES BENZ GLS450) ស៊េរីឆ្នាំ២០២១ មួយគ្រឿង របស់ថៅកែចំណីសត្វ…
រាជធានីភ្នំពេញ ៖ រថយន្តម៉ាកម៉ែរសឺដេស ប៊ិន (MERCEDES BENZ GLS450) ស៊េរីឆ្នាំ២០២១ មួយគ្រឿង របស់ថៅកែចំណីសត្វ បានបើកបោះពួយបុកក្បាលរបាំងថ្មខណ្ឌចែកទ្រូងផ្លូវជាតិលេខ៥ បណ្តាលអោយដាច់កង់ និងខ្ទេចមុខ រងការខូចខាតយ៉ាងធ្ងន់ធ្ងរ តែពុំបណ្តាលអោយមនុស្សណាម្នាក់រងរបួសឡើយ ។
គ្រោះថ្នាក់ខាងលើនេះបានកើតឡើងកាលពីវេលាម៉ោងប្រមាណ១និង៣០នាទីរសៀលថ្ងៃទី២៧ ខែ តុលា ឆ្នាំ២០២០ នៅចំណុចផ្លូវជាតិលេខ៥ ខាងត្បូងប៉ុស្តិ៍ស្វាយប៉ាក ស្ថិតក្នុងភូមិឡកំបោរ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។
រថយន្តមួយគ្រឿងខាងលើដែលបើកបុករបាំងថ្មនោះ ត្រូវបានគេដឹងថា ម៉ាក ម៉ែរសឺដេស ប៊ិន (MERCEDES BENZ GLS450) ស៊េរីឆ្នាំ២០២១ ពាក់ស្លាកលេខ កម្ពុជា LY .CHHOY ដែលគេអះអាងថា ជារថយន្តរបស់លោក លី ឆយ ថៅកែចំណីសត្វដ៏ល្បីឈ្មោះ នៅខណ្ឌព្រែកព្នៅ ។
តាមប្រភពព័ត៌មានបានអោយដឹងថា នៅមុនពេលកើតហេតុ គេឃើញរថយន្តស៊េរីទំនើបមួយគ្រឿងបានធ្វើដំណើរក្នុងទិសដៅពីត្បូងទៅជើងក្នុងល្បឿនលឿន លុះមកដល់ចំណុចកើតហេតុខាងលើ ស្រាប់តែមានរ៉ឺម៉កម៉ូតូមួយគ្រឿងបើកចេញពីផ្លូវលំ ភ្លាមនោះរថយន្តស៊េរីក៍បានបើកគេចចេញ ក៍ជ្រុលទៅបុកក្បាលរបាំងថ្មខណ្ឌចែកទ្រូងផ្លូវយ៉ាងពេញទំហឹងតែម្តង ។
តាមប្រភពព័ត៌មានបានអោយដឹងថា ក្នុងគ្រោះថ្នាក់បណ្តាលឱ្យរថយន្តស៊េរីទំនើបដាច់កង់មុខខ្ទាតចេញ និងខ្ទេចមុខរងការខូចខាតយ៉ាងធ្ងន់ធ្ងរ ។ ភ្លាមៗនោះគេឃើញ បងប្អូនសាច់ញាតិម្ចាស់រថយន្តបាននាំគ្នាចុះទៅកន្លែងកើតហេតុ ហើយនាំគ្នាបិទស្លាកលេខផងដែរ ។
តាមប្រភពព័ត៌មានបានអោយដឹងថា រថយន្តស៊េរីទំនើបមួយគ្រឿងខាងលើត្រូវបានម្ចាស់ទើបតែទិញនាពេលថ្មីៗនេះ ក្នុងតម្លៃប្រមាណកន្លះលានដុល្លារ មិននឹកស្មានថា ជួបគ្រោះថ្នាក់បុកក្បាលរបាំងថ្មខ្ទេចមុខបែបនេះ ។
បន្ទាប់ពីកើតហេតុ នគរបាលចរាចរណ៍ក៍បានចុះទៅវាស់វែងស្ទួចយករថយន្តស៊េរីទំនើបមួយគ្រឿងខាងលើបញ្ជូនទៅកាន់ការិយាល័យចរាចរណ៍ផ្លូវគោក ដើម្បីដោះស្រាយសងការខូចខាតទ្រព្យសម្បត្តិសាធារណៈ៕ (កែសម្រួលដោយ ៖ ធីតា)
ចែករំលែកព័តមាននេះ