ក្រុមហ៊ុនSharpខាតបង់ច្រើនប្រកាសកាត់បន្ថយបុគ្គលិក
តូក្យូ ៖ ថ្មីៗនេះក្រុមហ៊ុនអេឡិចត្រូនិកធំមួយរបស់ជប៉ុនយីហោSharp បាននិយាយថា ខ្លួនកំពុងកាត់បន្ថយបុគ្គលិកជាច្រើនពាន់នាក់ក្នុងគម្រោងកែទម្រង់ថ្មីដែលមានទិសដៅរក្សាការ
តូក្យូ ៖ ថ្មីៗនេះក្រុមហ៊ុនអេឡិចត្រូនិកធំមួយរបស់ជប៉ុនយីហោSharp បាននិយាយថា ខ្លួនកំពុងកាត់បន្ថយបុគ្គលិកជាច្រើនពាន់នាក់ក្នុងគម្រោងកែទម្រង់ថ្មីដែលមានទិសដៅរក្សាការរសាត់អណ្តែតរបស់ខ្លួន ស្របពេលដែលក្រុមហ៊ុនខាតបង់នូវចំណូលប្រចាំឆ្នាំច្រើនជាងការរំពឹងទុកប្រមាណជា១,៨៦ពាន់លានដុល្លារ។
បើតាមការអះអាងពីក្រុមហ៊ុនSharpនឹងកាត់បន្ថយចំនួនបុគ្គលិក១០%ក្នុងចំណោមកម្លាំងពលកម្មរបស់ខ្លួន៤៩.០០០នាក់នៅលើពិភពលោក ក្នុងនោះរាប់បញ្ចូលបុគ្គលិក៣.៥០០នាក់ក្នុងប្រទេសជប៉ុនផងដែរ ។ ម្យ៉ាងទៀតក្រុមហ៊ុននិយាយថា ខ្លួនមានក្តីរំពឹងនឹងឈានចាប់យកនូវប្រតិបត្តិការរកប្រាក់ចំណេញឲ្យបាន៦៧០,៣២លានដុល្លារក្នុងឆ្នាំសារពើពន្ធថ្មីនេះ ប៉ុន្តែក្រុមហ៊ុនពុំបានផ្តល់នូវការវាយតម្លៃពីប្រាក់ចំណេញសុទ្ធឡើយ។ ជាងនេះទៅទៀត ក្រុមហ៊ុនក៏អាចនឹងលក់អគារការិយាល័យកណ្តាលរបស់ខ្លួននៅក្រុងអូសាកាដើម្បីពង្រីកសាច់ប្រាក់ក៏ដូចជាការលាងជម្រះចេញនូវខ្ទង់ចំណាយដែលមិនច្បាស់លាស់ហើយថែមទាំងចាប់ផ្តើមបង្ហាញនូវគម្រោងកាត់បន្ថយទុនយ៉ាងគំហុកផងដែរ ធ្វើឲ្យប្រសើរឡើងនូវការខាតបង់មួយចំនួនធំ ។
ទោះជាយ៉ាងណា ក្រុមហ៊ុនSharp ក៏ដូចជាគូប្រជែងរបស់ខ្លួនគឺSony CorpនិងPanasonic Corpដែរ ដែលបាននិងកំពុងដើរក្នុងផ្លូវចាស់នៃការសម្រេចបានទិន្នផលឱនភាព ដែលមួយផ្នែកបណ្តាលមកពីការខាតបង់យ៉ាងខ្លាំងក្នុងផ្នែកទូរទស្សន៍ ដោយមានការលក់ដេញជើងគ្នាជាមួយនឹងគូប្រជែងក្នុងតម្លៃកាន់តែទាប គឺកោះតៃវ៉ាន់ និងកូរ៉េខាងត្បូង ៕
ចែករំលែកព័តមាននេះ