តេហេរ៉ង់ ៖ តាមរបាយការណ៍ពីអង្គការ កសិកម្ម និងស្បៀងអាហាររបស់អង្គការសហប្រជាជាតិឲ្យដឹងថា ផលិតកម្មគ្រាប់ធញ្ញជាតិប្រចាំឆ្នាំរបស់ប្រទេសអីុរ៉ង់ត្រូវបានវាយតម្លៃថា កើនឡើង១៩,៨លានតោនក្នុងឆ្នាំ២០១៥ធៀបនឹងបរិមាណ១៩,១លានតោនកាលពីឆ្នាំទៅ ។
ទិន្នន័យក៏បានប៉ាន់ប្រមាណផងដែរថា នៅគ្រានោះផលិតកម្មស្រូវសាលីនឹងកើនឡើងដល់១៣,៥លានតោនធៀបនឹងបរិមាណ១៣លានតោនក្នុងឆ្នាំ២០១៤ ។ ចំណែកផលិតកម្មអង្ករប្រចាំឆ្នាំវិញក៏កើនឡើងប្រមាណជា១,៧លានតោនដែរឆ្នាំនេះពីកម្រិត១,៦លានតោនកាលពីឆ្នាំចាស់ ។
រីឯទិន្នផលពោតលឿងប្រចាំឆ្នាំ គេបានវាយតម្លៃថានឹងកើនឡើងស្មើនឹង១,៤លានតោនឆ្នាំនេះ ធៀបនឹងតួលេខឆ្នាំទៅចំនួន១,៣លានតោន។ ដោយឡែកផលិតកម្មស្រូវបាឡេ នឹងនៅតែមិនប្រែប្រួលដដែលសម្រាប់ឆ្នាំ២០១៥។
សូមបញ្ជាក់ថា អីុរ៉ង់ជាប់ចំណាត់ថ្នាក់ទី១នៅទូទាំងពិភពលោកជាអ្នកដាំដុះដំណាំរមៀត ផ្លែទទឹម និងសណ្តែកបារាំង ហើយក៏ជាប់លំដាប់ទី២ជាអ្នកដាំផ្លែល្មើ និងផ្លែអែព្រិខត(Apricot)។ ទី៣សម្រាប់ផ្លែល្វានិងឆឺរី និងទី៤សម្រាប់ផ្លែវាល់ណិត(Walnut) និងផ្លែប៉ោម ៕
ចែករំលែកព័តមាននេះ