The World This Week
សេដ្ឋកិច្ចតំបន់អាស៊ី
ទីក្រុងប៉េកាំង ៖ តាមការបញ្ជាក់ពីគណៈ កម្មការកែទម្រង់ និងអភិវឌ្ឍន៍ជាតិឲ្យដឹងថាតម្លៃលក់រាយសាំងក្នុងប្រទេសចិននឹងឡើងថ្លៃ២៥៥យន់(៤១
សេដ្ឋកិច្ចតំបន់អាស៊ី
ទីក្រុងប៉េកាំង ៖ តាមការបញ្ជាក់ពីគណៈ កម្មការកែទម្រង់ និងអភិវឌ្ឍន៍ជាតិឲ្យដឹងថាតម្លៃលក់រាយសាំងក្នុងប្រទេសចិននឹងឡើងថ្លៃ២៥៥យន់(៤១
សេដ្ឋកិច្ចតំបន់អាស៊ី
ទីក្រុងប៉េកាំង ៖ តាមការបញ្ជាក់ពីគណៈ កម្មការកែទម្រង់ និងអភិវឌ្ឍន៍ជាតិឲ្យដឹងថាតម្លៃលក់រាយសាំងក្នុងប្រទេសចិននឹងឡើងថ្លៃ២៥៥យន់(៤១ដុល្លារ)ក្នុងមួយតោន ឬក៏០,០៣ដុល្លារក្នុង១លីត្រ ខណៈម៉ាស៊ូតនឹងឡើង២៤៥យន់(៣៩,៤៩ដុល្លារ)ក្នុង១តោនឬ(០,០៣៣ដុល្លារ)ក្នុង១លីត្រ ។
បាងកក ៖ លោក Sathit Limpongpan ប្រធានគ្រប់គ្រងផ្សារមូលបត្រថៃបានបង្ហើបឲ្យដឹងថា បណ្តាអ្នកវិនិយោគនៅតែបង្ហាញពីការចាប់អារម្មណ៍នៅក្នុងផ្សារភាគហ៊ុនដែលមានការប្រែប្រួលរបស់ខ្លួនដដែល។ ចំណែកខ្លួនលោកផ្ទាល់ដាក់ទិសដៅសម្រេចឲ្យបាននូវតម្លៃជួញដូរប្រចាំថ្ងៃ២,៩៩ពាន់លានដុល្លារនៅក្នុងរយៈពេល៥ឆ្នាំចាប់ពីឆ្នាំ២០១៥-២០២០ ។
ហូជីមិញ ៖ ក្រសួងកសិកម្មនិងអភិវឌ្ឍន៍ជនបទនិយាយថា រដ្ឋាភិបាលជប៉ុននឹងជួយសង់តំបន់កសិ-ឧស្សាហកម្មនៅស្រុកDuc Trong ខេត្តLam Dongរបស់វៀតណាម ក្នុងទំហំផ្ទៃដីប្រមាណជា៣០០ហិកតា ។
គូឡាឡាំពួ ៖ ធនាគារវិនិយោគMaybankរបស់ម៉ាឡេស៊ីបានប៉ាន់ប្រមាណថា GDPរបស់ប្រទេសនឹងកើនឡើង៦,២%សម្រាប់ត្រីមាសទី១ឆ្នាំ២០១៥នេះ ហើយវាមានការគាំទ្រដោយតួលេខវិជ្ជមានចំពោះផ្នែកផលិតកម្មឧស្សាហកម្មនិងសេវាកម្ម ។
ហ្សាការតា ៖ រដ្ឋមន្ត្រីសម្របសម្រួលផ្នែកសេដ្ឋកិច្ចបានលើកឡើងថា រដ្ឋាភិបាលនឹងផ្តល់គម្រោងជាក់លាក់របស់ខ្លួននៅក្នុងការនាំចូលអង្ករនៅដំណាច់ខែឧសភា ឈានចូលខែមិថុនាខាងមុខនេះ ។
ណៃពិដោ ៖ តាមការអះអាងពីលោកU Htin Aung អនុរដ្ឋមន្ត្រីសុខុមាលភាពសង្គម នៅដើមឆ្នាំ២០១៦ខាងមុខនេះ រដ្ឋាភិបាលថៃនិងមីយ៉ាន់ម៉ានឹងធ្វើកិច្ចសហប្រតិបត្តិការស្តីពីការអនុញ្ញាតឲ្យពលករអន្តោប្រវេសន៍មីយ៉ាន់ម៉ាបានប្រកបការងារក្នុងប្រទេសថៃដោយស្របច្បាប់ប៉ុន្តែក៏នឹងមានការចាត់វិធានការផ្សេងៗប្រឆាំងនឹងការធ្វើអន្តោប្រវេសន៍ខុសច្បាប់ផងដែរ ។
សេដ្ឋកិច្ចតំបន់អឺរ៉ុប
ទីក្រុងឡុង ៖ កាលពីថ្ងៃពុធ ធនាគារអង់គ្លេសបានទម្លាក់ការព្យាករនៃកំណើនសេដ្ឋកិច្ចរបស់ខ្លួនក្នុងអំឡុងពេលបីឆ្នាំក្រោយ ហើយថែមទាំងបានដាស់តឿនឡើងវិញពីការរំពឹងទុកនៃទីផ្សារដែលនឹងចាប់ផ្តើមត្រឹមតែពីការដំឡើងអត្រាការប្រាក់ក្នុងរង្វង់ឆ្នាំនេះប៉ុណ្ណោះ ។
ម៉ូស្គូ ៖ ប្រភពផ្លូវការមួយពីក្រសួងថាមពលឲ្យដឹងថា រុស្ស៊ីកំពុងពិភាក្សាជាមួយអង្គការប្រេងOPECមុនពេលនៃកិច្ចប្រជុំក្រុមប្រទេសផលិតប្រេងមកដល់នៅខែមិថុនាខាងមុខ ហើយតម្លៃប្រេងបច្ចុប្បន្នគឺស្ថិតក្នុងកម្រិតនៃការវាយតម្លៃទុកកាលពីពេលមុនរបស់ខ្លួនផងដែរ ។
អាថែន ៖ រដ្ឋមន្ត្រីហិរញ្ញវត្ថុអាល្លឺម៉ង់និយាយថា វាគឺជារឿងមិនទំនងមួយដែលរុស្ស៊ីនឹងអាចផ្តល់ជំនួយផ្នែកហិរញ្ញវត្ថុដល់ប្រទេសក្រិច ខណៈខ្លួនឯងកំពុងប្រឈមនឹងបញ្ហាសេដ្ឋកិច្ចដ៏ធ្ងន់ធ្ងរដែលបណ្តាលមកពីការធ្លាក់ចុះក្នុងតម្លៃប្រេងនិងឧស្ម័ន ក៏ដូចជាការដាក់ទណ្ឌកម្មសេដ្ឋកិច្ចជាដើម ។
ប៊ុយការ៉េស ៖ ក្រុមហ៊ុនRenault កំពុងស្វះស្វែងក្នុងការប្រកួតប្រជែងពង្រីកការងារបន្ថែម និងរក្សាការដំឡើងប្រាក់ឈ្នួលដ៏សមរម្យនៅរោងចក្រDaciaរបស់ខ្លួនក្នុងប្រទេសរូម៉ានី ។
ម៉ាឌ្រីដ ៖ ធនាគារអេស្ប៉ាញបានឲ្យដឹងថា ប្រទេសអេស្ប៉ាញបានរើបឡើងវិញត្រឹមតែ៥%ប៉ុណ្ណោះ ឬស្មើនឹងទឹកប្រាក់៥៧,២ពាន់លានដុល្លារ នៃជំនួយរបស់រដ្ឋដែលបានផ្តល់ឲ្យសម្រាប់វិស័យធនាគារចាប់ពីឆ្នាំ២០០៩ ដើម្បីការពារកុំឲ្យមានការដួលរលំ ។
អូស្លូ ៖ ជាមួយនឹងការនាំចេញទៅប្រទេសចិននៅតែមានសភាពតានតឹងហាក់ដូចជារាសីមិនសូវល្អជាបន្តបន្ទាប់នោះ ឧស្សាហកម្មត្រីសាមុងរបស់ប្រទេសន័រវែសកំពុងធ្វើការលុកលុយចូលទៅក្នុងទីផ្សារអាស៊ានដែលមិនទំនងនោះគឺកូរ៉េខាងជើង ។
សេដ្ឋកិច្ចមជ្ឈិមបូព៌ា
តេហេរ៉ង់ ៖ អង្គការប្រេងOPEC បានលើកឡើងក្នុងរបាយការណ៍របស់ខ្លួនថា ប្រទេសអីុរ៉ង់លក់ប្រេងឆៅក្នុងតម្លៃ៥៦,២៦ដុល្លារ ក្នុងមួយបារែ៉លជាមធ្យមក្នុងខែមេសា ពោលគឺឡើងថ្លៃ៤,៩៩ដុល្លារពីហាងឆេង៥១,២៧ដុល្លារកាលពីខែមីនា ។
ហ៊្សេរុយសាឡិម ៖ ធនាគារអីុស្រាអែលបានបង្កប់ឲ្យបណ្តាធនាគាររបស់ខ្លួនបង្កើតនូវបទប្បញ្ញាតិនយោបាយមួយសម្រាប់ធ្វើការជាមួយនឹងបណ្តាក្រុមហ៊ុន និងធនាគារក្នុងប្រទេសរុស្ស៊ីផ្អែកតាមការដាក់ទណ្ឌកម្មសេដ្ឋកិច្ចមកលើរុស្ស៊ីតាមរយៈរដ្ឋបាលសហរដ្ឋអាមេរិកនិងសហគមន៍អឺរ៉ុប ។
បេរ៉ូត ៖ បណ្តាអ្នកសេដ្ឋកិច្ចបានលើកឡើងថា ការប្រឈមមុខលើការប្រកួតប្រជែងដ៏សំខាន់នៃសេដ្ឋកិច្ចលីបង់គឺពុំបណ្តាលមកពីវិបត្តិស៊ីរីឡើយ ផ្ទុយទៅវិញវាកើតឡើងតាមរយៈភាពអសមត្ថភាពនៃទីផ្សារការងារទៅវិញទេ ក្នុងការបង្កើតនូវឱកាសការងារគ្រប់គ្រាន់ ។
ឌូបៃ៖ ក្រុមហ៊ុនអាកាសចរណ៍អារ៉ាប់របស់ក្រុងឌូបៃអាចនឹងពង្រីកបណ្តាញផ្លូវហោះហើររបស់ខ្លួនតាមរយៈការប្រើប្រាស់មជ្ឈមណ្ឌលអឺរ៉ុបក្នុងការហោះហើរទៅក្នុងបណ្តាទីក្រុងនៅអាមេរិកខាងជើង និងខាងត្បូង ។
គែរ ៖ តាមកិច្ចសម្ភាសន៍របស់ទស្សនាវដ្តីអាល្លឺម៉ង់មួយឲ្យដឹងថា ក្រសួងទេសអេហ្ស៊ីបដាក់ទិសដៅស្រូបយកភ្ញៀវទេសចរអាល្លឺម៉ង់ឲ្យបាន១លាននាក់សម្រាប់ឆ្នាំនេះ ។
សេដ្ឋកិច្ចបច្ចេកវិទ្យា
Xiaomi៖ក្រុមហ៊ុនផលិតទូរស័ព្ទស្មាតហ្វូនលំដាប់កំពូលរបស់ចិនXiaomi Corp កាលពីថ្ងៃអង្គារបានចាប់ផ្តើមលក់ម៉ូដែលទើបនឹងចេញថ្មីស៊េរីចុងក្រោយរបស់ខ្លួន Mi Note Pro នៅម៉ោង១១ព្រឹកនៅទីតាំងលក់របស់ខ្លួនក្នុងក្រុងសៀងហៃ។ ការរួសរាន់ដាក់លក់នេះគឺដោយសារតែវាជាផលិតផលគុណភាពខ្ពស់ទាំងផ្នែកអេក្រង់ កាមេរ៉ា និងការឆ្លើយតបយ៉ាងកក់ក្តៅជាមួយទីផ្សារ ។
4G ៖ ប្រភពពីគ្រឹះសា្ថនស្រាវជ្រាវរដ្ឋរបស់ចិនផ្សាយថា ផលិតកម្មទូរស័ព្ទ4Gបានកើនឡើង៤៧២%ពីមួយឆ្នាំទៅមួយឆ្នាំឬស្មើនឹងបរិមាណ៣៧,៨លានគ្រឿងក្នុងខែមេសា។ បើតាមស្ថិតិរបស់រដ្ឋាភិបាលក្នុងអំឡុងពេលបីខែដំបូងនេះមានពលរដ្ឋចិនប្រមាណជាង៦០លាននាក់បានបង្កើតគណនីបណ្តាញ4G នោះមានន័យថាក្នុងប្រទេសចិនមានប្រជាជន១៦២លាននាក់ជាអតិថិជននៃប្រព័ន្ធនេះ ។
Tencent ៖ ក្រុមហ៊ុនអីុនធើរណេតធំមួយនៅក្នុងប្រទេសចិនយីហោTencent កាលពីថ្ងៃពុធបានប្រកាសថា ក្នុងរយៈពេលបីខែដំបូងនៃឆ្នាំ២០១៥នេះក្រុមហ៊ុនរកប្រាក់ចំណេញបាន៣,៦៥ពាន់លានដុល្លារកើនឡើង២២%ពីមួយឆ្នាំទៅមួយឆ្នាំ ។
YotaPhone ៖ ក្រុមហ៊ុនផលិតទូរស័ព្ទរបស់រុស្ស៊ីYotaPhoteនឹងដាក់លក់រាយម៉ូដែលទើបនឹងចេញថ្មីរបស់ខ្លួនYotaPhote 2 ក្នុងប្រទេសអារ៉ាប់រួមនៅសបា្តហ៍ក្រោយ ។
WiFi ៖ ឌូបៃបានក្លាយជាទីក្រុងដំបូងគេបង្អស់នៅក្នុងតំបន់ដែលមានការតភ្ជាប់បណ្តាញWi-Fiប្រើប្រាស់ឥតគិតថ្លៃដល់ពលរដ្ឋរបស់ខ្លួន។ ក្រុមហ៊ុនផ្តល់សេវាកម្មនេះក៏បានដាក់ទិសដៅពង្រីកបន្ថែមឲ្យបាន៣០០ទីតាំងទៀតក្នុងទីក្រុងនៅដំណាច់ឆ្នាំនេះ ។
Tesla ៖ ថ្មីៗនេះក្រុមហ៊ុនផលិតរថយន្តប្រើថាមពលអគ្គិសនីTesla បានបញ្ចេញផលិតផលថ្មីមួយប្រភេទដែលអាចសាកបញ្ចូលថ្មប្រើប្រាស់បាននៅផ្ទះដោយខ្លួនឯង និងទូទាំងពិភពលោក ៕
ចែករំលែកព័តមាននេះ