ខេត្តកំពង់ឆ្នាំង ៖ លោក ឈួរ ចន្ទ័ឌឿន អភិបាលខេត្ត នៅព្រឹកថ្ងៃទី១៤ ឧសភា ២០១៥ បានដឹកនាំសាខាកាកបាទក្រហមកម្ពុជាខេត្តនាំយកអំណោយទៅចែកជូនប្រជាពលរដ្ឋចំនួន៣៥គ្រួសារ នៅឃុំផ្លូវទូក ស្រុកកំពង់លែង
ខេត្តកំពង់ឆ្នាំង ៖ លោក ឈួរ ចន្ទ័ឌឿន អភិបាលខេត្ត នៅព្រឹកថ្ងៃទី១៤ ឧសភា ២០១៥ បានដឹកនាំសាខាកាកបាទក្រហមកម្ពុជាខេត្តនាំយកអំណោយទៅចែកជូនប្រជាពលរដ្ឋចំនួន៣៥គ្រួសារ នៅឃុំផ្លូវទូក ស្រុកកំពង់លែង ដែលរងគ្រោះដោយខ្យល់កន្ត្រាក់រលំផ្ទះ ប៉ើងដំបូល និងជញ្ជាំង កាលពីល្ងាចថ្ងៃទី១២ ឧសភា២០១៥។
អញ្ជើញចូលរួមក្នុងពីធីចែកអំណោយនោះមាន លោក អ៊ុន សំអុល ប្រធានគណៈកម្មការសាខាកាកបាទក្រហមខេត្ត អាជ្ញាធរស្រុក មន្ត្រីរាជការ និងកងកម្លាំងប្រដាប់អាវុធជាច្រើនរូបទៀត ។
លោក មាន់ អ៊ានលី អភិបាលស្រុកកំពង់លែងបានរាយការណ៍ក្នុងពេលចែកអំណោយនេះថា កាលពីម៉ោង៤ និង២០នាទីរសៀល ថ្ងៃទី១២ ឧសភា ២០១៥ ខ្យល់កន្ត្រាក់មួយបានបោកបក់ចំភូមិថ្នល់ឈើទាល និងភូមិពាមខ្នង ឃុំផ្លូវទូក បណ្តាលឱ្យផ្ទះបណ្តែតទឹកប្រជាពលរដ្ឋនៅឃុំផ្លូវទូកចំនួន៣៥ខ្នងរងការខូចខាត ក្នុងនោះនៅភូមិថ្នល់ឈើទាលខូចខាត៣ខ្នង និងនៅភូមិពាមខ្នង ចំនួន៣២ខ្នង ដោយរលំខ្ទេចទាំងស្រុង១៣ខ្នង និង២២ខ្នងបានប៉ើងជញ្ជាំង និងប៉ើង ដំបូល។
អំណោយដែលចែកជូនក្នុពេលនេះក្នុងមួយគ្រួសារៗទទួលបានអង្ករ៣០គីឡូក្រាម ឃីតមួយកញ្ចប់ មី១កេស ត្រីខមួយយួរ និងថវិកា៣ម៉ឺនរៀល។ ដោយឡែកប្រជាពលរដ្ឋ១៣គ្រួសារដែលរលំផ្ទះទាំងស្រុងបានទទួលបន្ថែម នូវតង់មួយ និងសង្ក័សី២០សន្លឹកទៀត ៕
ចែករំលែកព័តមាននេះ