Thai Airways ចំណេញជាង134លានដុល្លារក្នុងត្រីមាសទី1
បាងកក ៖ ក្រុមហ៊ុនអាកាសចរណ៍ Thai Airways បានរាយការណ៍ថា នៅក្នុងអំទ្បុងពេលបីខែដំបូងឆ្នាំនេះ ខ្លួនទទួលបានប្រាក់ចំណេញប្រមាណជា១៣៤,២៤លានដុល្លារ ដោយសារតែការធ្លាក់
បាងកក ៖ ក្រុមហ៊ុនអាកាសចរណ៍ Thai Airways បានរាយការណ៍ថា នៅក្នុងអំទ្បុងពេលបីខែដំបូងឆ្នាំនេះ ខ្លួនទទួលបានប្រាក់ចំណេញប្រមាណជា១៣៤,២៤លានដុល្លារ ដោយសារតែការធ្លាក់ថ្លៃនៃហាងឆេងប្រេង ការប្រសើរទ្បើងនៃសេដ្ឋកិច្ចក្នុងបណ្តាប្រទេសជាច្រើន និងកិច្ចខិតខំប្រឹងប្រែងនានា លើការស្តារហេដ្ឋារចនាសម្ព័ន្ធផ្លូវអាកាសជាដើម ។
តាមការអះអាងពីលោក Charamporn Jotikasthira ប្រធានក្រុមហ៊ុនកាលពីថ្ងៃពុធ ឱ្យដឹងថា ប្រាក់ចំណេញដែលសម្រេចបានកម្រិតនេះ ក៏ព្រោះតែការផ្អាកជើងហោះមួយចំនួនដូចជា បាងកក-Johannesburg បាងកក-មូស្គូ និងភូកេត-សេអ៊ូល ។
លោកបានពន្យល់ថា ក្រុមហ៊ុនក៏បាននិងកំពុងប្រតិបត្តិការយន្តហោះប្រភេទ Aircraft កាន់តែស័ក្តិសមនឹងតម្រូវការទីផ្សារថែមទៀត ។ ដោយសារតែការងើបទ្បើងវិញនៃសេដ្ឋកិច្ចក្នុងបណ្តាប្រទេសជាច្រើន ការរើបទ្បើងនៃវិស័យទេសចរណ៍ថៃ និងភាពសុទិដ្ឋិនិយមនៃការបង្កើតប្រាក់ចំណូលលើជំនួញនេះ ដែលគួបផ្សំនឹងកំណើន១៧% ឬស្មើនឹងបរិមាណអ្នកដំណើរ៥,៦លាននាក់ ធៀបនឹងអំទ្បុងពេលដូចគ្នាកាលពីឆ្នាំទៅ ។
ចំណូលបានកើនទ្បើងចំនួន៤៩,៧៦លានដុល្លារ ចំណែកឯការចំណាយថយចុះ១៧៩លានដុល្លារ មួយភាគធំគឺដោយសារការបោះពួយចុះនៃតម្លៃប្រេង ៕
ចែករំលែកព័តមាននេះ