ម៉ានីល ៖ បណ្តាញព័ត៌មានក្នុងស្រុកផ្សាយថា ធនាគារអភិវឌ្ឍន៍ហ្វ៊ីលីពីន រកចំណូលបានច្រើនជាងមុនរហូតដល់ទៅ៣៦%ក្នុងអំឡុងពេលបីខែដំបូងនៃឆ្នាំ២០១៥នេះ ឬស្មើនឹង២២,៤១លានដុល្លារ
ម៉ានីល ៖ បណ្តាញព័ត៌មានក្នុងស្រុកផ្សាយថា ធនាគារអភិវឌ្ឍន៍ហ្វ៊ីលីពីន រកចំណូលបានច្រើនជាងមុនរហូតដល់ទៅ៣៦%ក្នុងអំឡុងពេលបីខែដំបូងនៃឆ្នាំ២០១៥នេះ ឬស្មើនឹង២២,៤១លានដុល្លារ នោះក៏ដោយសារតែកំណើនយ៉ាងខ្លាំងកា្លទាំងនៅក្នុងអត្រាប្រាក់បញ្ញើនិងការផ្តល់ប្រាក់កម្ចី ។
ចំណូលការប្រាក់សរុបបានកើនឡើង១១%ពីមួយឆ្នាំទៅមួយឆ្នាំ ឬស្មើនឹង៦០,៦៨លានដុល្លារដែលនាំមកនូវកំណើន២៧% ក្នុងនោះចំណូលការប្រាក់លើផ្នែកឥណទានដែលបានផ្តល់ឲ្យអតិថិជនមានចំនួន៤២,៧៧លានដុល្លារ ។
ចំណែកថ្លៃដើមនៃមូលធនឬទុនបានកើនឡើងត្រឹមតែ១២%ប៉ុណ្ណោះដែលបន្ថែមលើកំណើនប្រាក់ចំណេញសុទ្ធ និងបញ្ញើកើន២០% ខណៈបំណុលដទៃទៀតកើន១៩% ។
ទោះជាយ៉ាងណា គ្រឹះសា្ថនហិរញ្ញវត្ថុរបស់រដ្ឋាភិបាលមួយនេះបានលើកឡើងថា ការកើនឡើងនៃលិខិតឬការបំពេញបែបបទស្នើសុំឥណទាននិងលិខិតដទៃទៀតដែលដល់ពេលវេលាត្រូវបង់ បានជួយនាំមកបន្ថែមនូវចំណូល៦០,៥២លានដុល្លារ ។
រីឯទុនសកម្មសរុបបានកើនឡើង៨%ឬស្មើនឹង១០,២១ពាន់លានដុល្លារ នោះក៏ដោយសារការកើនឡើង២១%ក្នុងផ្នែកឥណទានអភិវឌ្ឍន៍ តែម្តង ។ គួររំឭកថា កាលពីឆ្នាំទៅធនាគារមួយនេះរកចំណូលសុទ្ធបានចំនួន១០៣,១១លានដុល្លារធ្លាក់ចុះ១២,៨%ពីបរិមាណសម្រេចបាន១១៨,៣៦លានដុល្លារកាលពីឆ្នាំ២០១៣ ៕
ចែករំលែកព័តមាននេះ