ព្រោះតែទង្វើល្អរបស់មាតាបិតាដែលមានលើសលប់ចំពោះកូនប្រុសកូនស្រីនេះហើយទើបព្រះដ៏មានបុណ្យទ្រង់ប្រទាននាម៤យ៉ាងដល់លោកទាំងទ្វេដែលចាត់ថាជាងារខ្ពស់បំផុតនៃសត្វលោកគឺៈ ១-មាតាបិតាជាគ្រូបង្រៀនមុនគេ(បុព្វាចារ្យ) បានដល់គ្រូបង្រៀនឱ្យចេះសើច ចេះស្លៀកពាក់ ញុំាអាហារ ដើរ ដេក និយាយស្តីជាដើម មុនគ្រូបង្រៀននៅសាលាទាំងអស់ ។…
ព្រោះតែទង្វើល្អរបស់មាតាបិតាដែលមានលើសលប់ចំពោះកូនប្រុសកូនស្រីនេះហើយទើបព្រះដ៏មានបុណ្យទ្រង់ប្រទាននាម៤យ៉ាងដល់លោកទាំងទ្វេដែលចាត់ថាជាងារខ្ពស់បំផុតនៃសត្វលោកគឺៈ
១-មាតាបិតាជាគ្រូបង្រៀនមុនគេ(បុព្វាចារ្យ) បានដល់គ្រូបង្រៀនឱ្យចេះសើច ចេះស្លៀកពាក់ ញុំាអាហារ ដើរ ដេក និយាយស្តីជាដើម មុនគ្រូបង្រៀននៅសាលាទាំងអស់ ។
២-មាតាបិតាជាទេវតាដើម(បុព្វទេវា) គឺជាទេវតាដែលគាំពាររក្សាទំនុកបម្រុងយ៉ាងយកចិត្តទុកដាក់ចំពោះកូនបំផុតជាងទេវតាទាំងអស់នោះក្នុងចក្រវាឡ ។
៣-មាតាបិតាជាព្រះព្រហ្មមានមុខ៤(ព្រហ្មា) ឪពុកម្តាយឲ្យឈ្មោះថាជាព្រះព្រហ្ម ព្រោះគាត់មានធម៌៤យ៉ាងគឺ មេត្តា ករុណា មុទិតា និងឧបេក្ខាជាប់ក្នុងបេះដូងជានិច្ច ។
៤-មាតាបិតាជាព្រះអរហន្ត តាមធម្មតាព្រះអរហន្តមិនចេះចាប់ទោសអូសដំណើរសព្វសត្វយ៉ាងណា ឪពុកម្តាយក៏មិនចេះរំពៃចាប់ទោសកំហុសកូនឡើយ មានតែការអាណិតអាសូរ និងជួយបិទបាំងអំពើខុសឆ្គងរបស់កូនទៀតផង ។
អរិយនាមទាំងបួននេះមានឋានៈស្មើនឹងព្រះនាមរបស់ព្រះសម្មាសម្ពុទ្ធដែរ កូនប្រុសស្រីទាំងឡាយណាចិញ្ចឹមបីបាច់ថែរក្សា ធ្វើបុណ្យតបគុណមាតាបិតា កូនទាំងឡាយនោះនឹងដល់នូវសេចក្តីចម្រើនមានសិរីសួស្តីគ្រប់ៗជាតិ ។ សាន សារិន
ចែករំលែកព័តមាននេះ