ខេត្តបន្ទាយមានជ័យ ៖ លោក សេរី កុសល់ បានចុះពិនិត្យស្ថានភាពទឹកអាងត្រពាំងថ្មស្រុកភ្នំស្រុក ហើយក៏បានជូនថវិការដល់អាជ្ញាធរសម្រាប់ទិញសំបកការ៉ុងច្រកដី ដើម្បីទប់ទឹកខ្នងទំនប់ នៅពេលដែលអាជ្ញាធរ និងប្រជាពលរដ្ឋកំពុងទប់នាពេលទឹកហក់ឡើងកាលពីថ្ងៃទី២៣…
ខេត្តបន្ទាយមានជ័យ ៖ លោក សេរី កុសល់ បានចុះពិនិត្យស្ថានភាពទឹកអាងត្រពាំងថ្មស្រុកភ្នំស្រុក ហើយក៏បានជូនថវិការដល់អាជ្ញាធរសម្រាប់ទិញសំបកការ៉ុងច្រកដី ដើម្បីទប់ទឹកខ្នងទំនប់ នៅពេលដែលអាជ្ញាធរ និងប្រជាពលរដ្ឋកំពុងទប់នាពេលទឹកហក់ឡើងកាលពីថ្ងៃទី២៣ ខែតុលា ឆ្នាំ២០២០ នៅលើខ្នងអាងត្រពាំងថ្ម ដែលឈមនឹងភូមិពង្រ ឃុំប៉ោយចារ ស្រុកភ្នំស្រុក។
លោក សេរី កុសល់ តំណាងរាស្ត្រមណ្ឌលខេត្តបន្ទាយមានជ័យ និងជាសមជិកក្រុមការងារថ្នាក់ជាតិ ចុះជួយមូលដ្ឋានខេត្តបានប្រាប់ថា ជាការណែនាំពីលោក កែ គឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិ ចុះមូលដ្ឋានខេត្តបន្ទាយមានជ័យ ហើយលោកបានដឹកនាំក្រុមការងារជំនាញចុះពិនិត្យមើលស្ថានភាពទឹកនៅអាងត្រពាំងថ្ម ដែលកំពុងហក់ឡើងរាល់ថ្ងៃនេះ ជាការព្រួយបារម្ភចំពោះថ្នាក់ដឹកនាំចំពោះប្រជាពលរដ្ឋ។
លោកបានបញ្ជាក់ថា អាងត្រពាំងថ្មស្រុកភ្នំស្រុកនេះ គឺជាអាងមួយធំជាងគេនៅទឹសពាយ័ព្យនៃប្រទេសកម្ពុជា ដែលមានប្រវែង១០គីឡូម៉ែត្របួនជ្រុង ហើយមានទឹកនៅពេលនេះជម្រៅទឹក១៨.៩៦ម៉ែត្រ ដែលនឹងត្រូវបានប្រកាសអាសន្នកម្រិតទឹក១៨,៨០ម៉ែត្រ ក្រោយដែលទឹកជំនន់ធ្លាក់ពីថៃ និងជំនន់ទឹកភ្លៀងធ្លាក់ពីផ្នែកខាងលើបណ្តាលបាក់អាងចំនួន២នៅអាងបន្ទាត់បុស ស្រុកស្វាយចេក និងបាក់អាងតាម៉េងស្រុកថ្មពួក បណ្តាលទឹកធ្លាក់យ៉ាងកំហុកចូលអាងត្រពាំងថ្មស្រុកភ្នំស្រុក បណ្តាលឱ្យទឹកជន់ឡើងយ៉ាងកំហុក និងគំរាមកំហែងខ្នងអាង ជាហេតុធ្វើឱ្យប្រេះ៤ទៅ៥កន្លែង និងហូរកាត់ខ្នងអាង អាចនឹងប្រឈមគ្រោះថ្នាក់ប្រជាពលរដ្ឋ បើសិនបាក់អាងនោះ។
លោក សេរី កុសល់ ក៏បានកោតសសើរចំពោះលោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម ដែលបានចុះពិនិត្យតាមដានស្ថានភាពទឹកជំនន់ជាប្រចាំ ហើយចំណុចដែលប្រេះ ត្រូវបានមន្ត្រីជំនាញធ្វើការឈូលឆាយចាក់ដីកិនបង្ហាប់ឡើងវិញមិនឱ្យបាក់ ហើយអាជ្ញាធរស្រុក និងកងកម្លាំងទាំងបីស្ថាប័ន ព្រមទាំងមន្ត្រីរាជការសហការគ្នាជាមួយប្រជាពលរដ្ឋបានគ្នាយកសំបោកការ៉ុងច្រកដីទប់ខ្នងទំនប់ដែលហូរកាត់ និងជ្រាំងដែលច្រុះដោយទឹករលកខ្លាំងនៅខែកត្តិក ធ្លាក់ខ្យល់ទឹករលកខ្លាំងបុកជ្រាំង បណ្តាលច្រុះដាច់ខ្នងទំបន់អាចប្រឈមដាច់ខ្នងទំនប់បានគ្រប់ពេលវេលា ។ ក្នុងឱកាសនោះលោកក៏បានផ្តល់ឧត្ថមថវិការទៅអាជ្ញាធរសម្រាប់ទិញសំបោកការ៉ុងយកមកច្រកដីទប់ទឹក និងសម្ភារៈផ្សេងៗទៀត ព្រមទាំងទិញដីឡានដឹកចាក់សម្រាប់ទុកច្រកទប់ទឹក៕
ចែករំលែកព័តមាននេះ