ត្រឹមថ្ងៃទី២៤ កងកម្លាំងនៅតែជួយសង្គ្រោះពលរដ្ឋ និងកម្មកររោងចក្ររងគ្រោះទឹកជំនន់
- ភ្នំពេញ
រាជធានីភ្នំពេញ ៖ ប្រជាពលរដ្ឋ និងកម្មកររោងចក្រ ចំនួន ៦៩២នាក់ ត្រូវបានកងកម្លាំងសង្គ្រោះរបស់កងពលតូចលេខ៧០ នៅថ្ងៃទី២៤ ខែតុលា ឆ្នាំ២០២០នះ…
រាជធានីភ្នំពេញ ៖ ប្រជាពលរដ្ឋ និងកម្មកររោងចក្រ ចំនួន ៦៩២នាក់ ត្រូវបានកងកម្លាំងសង្គ្រោះរបស់កងពលតូចលេខ៧០ នៅថ្ងៃទី២៤ ខែតុលា ឆ្នាំ២០២០នះ បានជួយដឹកជញ្ជូន ដើម្បីចូលទៅយកសម្ភារៈរបស់ខ្លួនក្នុងរោងចក្រនឹងដឹកជញ្ជូនប្រជាពលរដ្ឋមួយចំនួននៅក្នុងផ្ទះរបស់ពួកគាត់ផងដែរ។ នេះបើតាមនាយកដ្ឋានព័ត៌មានអគ្គនាយកដ្ឋានយោធសេវាបានចេញផ្សាយថ្ងៃទី២៤ ខែតុលានេះ ។
ក្រោយពេលដែលទឹកបានស្រកអស់ជាច្រើន សូមជម្រាបថា ការដឹកជញ្ជូនកម្មកររោងចក្រ និងប្រជាពលរដ្ឋ ក្នុងសង្កាត់ស្ពានថ្ម ខណ្ឌដង្កោ ដែលកំពុងទទួលរងការលិចលង់ដោយទឹកជំនន់។
សូមជម្រាបថា ខណ្ឌដង្កោ បានទទួលរងការលិចលង់ដោយទឹកជំនន់អស់រយៈពេល១១ថ្ងៃមកហើយ ។ តាមរបាយករណ៍ របស់ ឧត្តមសេនីយ៍ទោ សូយ ណារិទ្ធ មេបញ្ជាការរង កងពលតូចលេខ៧០ ទទួលគ្រប់គ្រង់កងសង្គ្រោះមានប្រសាសន៍ថា សម្រាប់ថ្ងៃនេះ នៅផ្សារព្រែកជ្រៃបានដឹកជញ្ជូនចំនួន៨២ដង ស្មើនឹងប្រជាពលរដ្ឋចំនួន ៦៩២នាក់ ។
ការដឹកជញ្ជូននេះដែរបានធ្វើឡើងតាមរយៈរបាយការណ៍ដែលទទួលបានពីលោកមេបញ្ជាការងកងពលបានបញ្ជាក់ថា ក្នុងចំណោមមធ្យោបាយសម្រាប់ដឹកជញ្ជូន និងសង្គ្រោះប្រជាពលរដ្ឋនេះ គឺប្រើប្រាស់អូប័រចំនួន១០គ្រឿង និងកម្លាំងប្រមាណ១០០នាក់ ត្រូវបានប្រើប្រាស់សម្រាប់ប្រតិបត្តិការជួយសង្គ្រោះនេះ ។
លើសពីនេះទៅទៀត សម្រាប់កងកម្លាំងរបស់កងពលតូចលេខ៧០ មិនត្រឹមតែជួយទឹកជំនន់ទេ គឺកន្លងមកកងកម្លាំងបានចុះបេសកកម្មការពារថ្នាក់ ដឹកនាំបានទៅជួយសង្គ្រោះពន្លត់អគ្គីភ័យ គ្រោះថ្នាក់ចរាចរណ៍ និងបានចូលរួមការងារមនុស្សធម៌ជាចច្រើនទៀតផងដែរ ។
ជាពិសេសឯកឧត្តម ឧត្តមសេនីយ៍ឯក ម៉ៅ សុផាន់ មេបញ្ជាការកងពលតូចលេខ៧០ តែងតែយកចិត្តទុកដាក់ និងសុខទុក្ខរបស់ប្រជាពលរដ្ឋជានិច្ច ហើយក៏បានដាក់បទបញ្ជាភ្លាមៗ នៅពេលប្រជាពលរដ្ឋមានបញ្ហា ដើម្បីដោះស្រាយការលំបាកទាំងនោះ ជូនដល់ពួកគាត់គ្រប់ពេលវេលា៕
ចែករំលែកព័តមាននេះ